ਸਵਾ ਕੁ ਦੋ ਮਿੰਟ ਦੀ ਇਸ ਵੀਡੀਓ ਵਿੱਚ ਹੋਟਲ ਦਾ ਮੁਲਾਜ਼ਮ ਭਾਰਤੀ ਪਰਿਵਾਰ ਦੇ ਬੈਗਾਂ ਦੀ ਤਲਾਸ਼ੀ ਲੈਂਦਾ ਦਿਖਾਈ ਦੇ ਰਿਹਾ ਹੈ। ਪਹਿਲਾਂ ਤਾਂ ਪਰਿਵਾਰ ਦੇ ਜੀਅ ਹੋਟਲ ਅਮਲੇ ਨਾਲ ਬਹਿਸ ਕਰਦੇ ਹਨ, ਪਰ ਉਹ ਸਮਾਨ ਦੀ ਤਲਾਸ਼ੀ ਲੈਣ ਤੋਂ ਨਹੀਂ ਹਟਦਾ। ਤਲਾਸ਼ੀ ਦੌਰਾਨ ਪਰਿਵਾਰ ਦੇ ਬੈਗਾਂ ਵਿੱਚੋਂ ਹੋਟਲ ਦੇ ਤੌਲੀਏ, ਬਿਜਲੀ ਦਾ ਸਮਾਨ, ਸਜ਼ਾਵਟ ਦਾ ਸਮਾਨ ਤੇ ਹੋਰ ਕਈ ਚੀਜ਼ਾਂ ਨਿੱਕਲੀਆਂ।
ਚੋਰੀ ਫੜੀ ਜਾਣ 'ਤੇ ਪਰਿਵਾਰ ਦੀ ਔਰਤ ਨੇ ਹੋਟਲ ਮੁਲਾਜ਼ਮ ਨੂੰ ਕਿਹਾ, "ਅਸੀਂ ਮੁਆਫ਼ੀ ਮੰਗਦੇ ਹਾਂ, ਇਹ ਸਾਡਾ ਪਰਿਵਾਰਕ ਟੂਰ ਸੀ। ਅਸੀਂ ਤੁਹਾਨੂੰ ਪੈਸੇ ਦੇ ਦਿੰਦੇ ਹਾਂ, ਸਾਨੂੰ ਜਾਣ ਦਓ ਅਸੀਂ ਫਲਾਈਟ ਲੈਣੀ ਹੈ।" ਪਰ ਹੋਟਲ ਮੁਲਾਜ਼ਮ ਉਸ ਨੂੰ ਜਵਾਬ ਦਿੰਦਾ ਹੈ ਕਿ ਉਹ ਜਾਣਦੇ ਹਨ ਕਿ ਉਨ੍ਹਾਂ ਕੋਲ ਬਹੁਤ ਪੈਸਾ ਹੈ ਪਰ ਇਹ ਕੋਈ ਤਰੀਕਾ ਨਹੀਂ ਹੈ।
ਸੋਸ਼ਲ ਮੀਡੀਆ 'ਤੇ ਇਹ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ। ਕਈ ਸੋਸ਼ਲ ਮੀਡੀਆ ਯੂਜ਼ਰ ਤਾਂ ਇਸ ਪਰਿਵਾਰ ਦੇ ਪਾਸਪੋਰਟ ਰੱਦ ਕਰਨ ਦੀ ਮੰਗ ਕਰ ਰਹੇ ਹਨ ਤੇ ਕਈ ਇਸ ਨੂੰ ਦੇਸ਼ ਲਈ ਸ਼ਰਮਸਾਰ ਕਰਨ ਵਾਲਾ ਕੰਮ ਦੱਸ ਰਹੇ ਹਨ।
ਦੇਖੋ ਵੀਡੀਓ-