ਰਾਜਕੁਮਾਰੀ ਨੇ ਜਿਸ ਲਈ ਛੱਡ ਦਿੱਤੀ ਧਨ-ਦੌਲਤ, ਉਹ ਸ਼ਖਸ ਇਸ ਪ੍ਰੀਖਿਆ 'ਚ ਹੋਇਆ ਫੇਲ੍ਹ
ਰਾਜਕੁਮਾਰੀ ਮਾਕੋ ਨੇ ਹਾਲ ਹੀ ਵਿੱਚ ਸ਼ਾਹੀ ਪਰਿਵਾਰ ਦੇ ਵਿਰੁੱਧ ਜਾ ਕੇ ਆਪਣੇ ਬੁਆਏਫ੍ਰੈਂਡ ਕੇਈ ਕੋਮੂਰੋ ਨਾਲ ਵਿਆਹ ਕੀਤਾ ਸੀ। ਇਸ ਵਿਆਹ ਨੂੰ ਲੈ ਕੇ ਮਾਕੋ ਅਤੇ ਕੋਮੂਰੋ ਲਗਾਤਾਰ ਸੁਰਖੀਆਂ 'ਚ ਹਨ।
ਜਾਪਾਨ ਦੀ ਰਾਜਕੁਮਾਰੀ ਮਾਕੋ (Japan Princess Mako) ਨੇ ਹਾਲ ਹੀ ਵਿੱਚ ਸ਼ਾਹੀ ਪਰਿਵਾਰ ਦੇ ਖਿਲਾਫ ਜਾ ਕੇ ਆਪਣੇ ਬੁਆਏਫ੍ਰੈਂਡ ਕੇਈ ਕੋਮੂਰੋ (Kei Komuro) ਨਾਲ ਵਿਆਹ ਕੀਤਾ ਹੈ। ਇਸ ਵਿਆਹ ਨੂੰ ਲੈ ਕੇ ਮਾਕੋ ਤੇ ਕੋਮੂਰੋ ਲਗਾਤਾਰ ਸੁਰਖੀਆਂ 'ਚ ਹਨ। ਇਸ ਦੌਰਾਨ ਖਬਰ ਆਈ ਹੈ ਕਿ ਰਾਜਕੁਮਾਰੀ ਮਾਕੋ ਦਾ ਪਤੀ ਕੋਮੂਰੋ ਨਿਊਯਾਰਕ ਸਟੇਟ ਬਾਰ ਦੀ ਪ੍ਰੀਖਿਆ ਵਿੱਚ ਫੇਲ੍ਹ ਹੋ ਗਿਆ ਹੈ। ਆਓ ਜਾਣਦੇ ਹਾਂ ਪੂਰਾ ਮਾਮਲਾ..
'ਡੇਲੀ ਮੇਲ' ਦੀ ਰਿਪੋਰਟ ਅਨੁਸਾਰ, ਰਾਜਕੁਮਾਰੀ ਮਾਕੋ (Princess Mako Husband) ਦੇ ਪਤੀ ਕੋਮੂਰੋ ਕੋਮੂਰੋ ਨੇ ਇਸ ਗਰਮੀਆਂ ਦੇ ਸ਼ੁਰੂ ਵਿੱਚ ਨਿਊਯਾਰਕ ਸਟੇਟ ਬਾਰ ਦੀ ਪ੍ਰੀਖਿਆ ਦਿੱਤੀ ਸੀ, ਜਿਸ ਦੇ ਨਤੀਜੇ ਸ਼ੁੱਕਰਵਾਰ ਨੂੰ ਨਿਊਯਾਰਕ ਸਟੇਟ ਬੋਰਡ ਆਫ ਲਾਅ ਐਗਜ਼ਾਮੀਨਰਜ਼ ਦੀ ਵੈੱਬਸਾਈਟ 'ਤੇ ਪੋਸਟ ਕੀਤੇ ਗਏ ਸਨ ਪਰ ਉਸ ਦਾ ਨਾਮ ਸਫਲ ਉਮੀਦਵਾਰਾਂ ਵਿੱਚ ਨਹੀਂ ਸੀ।
ਹਾਲਾਂਕਿ, ਫੇਲ੍ਹ ਹੋਣ ਤੋਂ ਬਾਅਦ, ਕੋਮੂਰੋ ਨੇ ਕਿਹਾ ਹੈ ਕਿ ਉਹ ਆਪਣੀ ਪੜ੍ਹਾਈ ਜਾਰੀ ਰੱਖੇਗਾ ਤੇ ਫਰਵਰੀ ਵਿੱਚ ਦੁਬਾਰਾ ਪ੍ਰੀਖਿਆ ਦੇਵੇਗਾ। ਇਸ ਦੇ ਨਾਲ ਹੀ ਪਤਨੀ ਮਾਕੋ ਨੇ ਕਿਹਾ ਹੈ ਕਿ ਉਹ ਆਪਣੇ ਪਤੀ ਦੀ ਪੜ੍ਹਾਈ ਲਈ ਸਮਰਥਨ ਜਾਰੀ ਰੱਖੇਗੀ।
ਰਾਜਕੁਮਾਰੀ ਮਾਕੋ ਕੌਣ ਹੈ?
29 ਸਾਲਾ ਮਾਕੋ ਜਾਪਾਨ ਦੇ ਸਾਬਕਾ ਸਮਰਾਟ ਅਕੀਹਿਤੋ ਦੀ ਪੋਤੀ ਹੈ। ਉਨ੍ਹਾਂ ਸਾਲ 2017 ਵਿੱਚ ਆਪਣੇ ਦੋਸਤ ਕੋਮੂਰੋ ਨਾਲ ਮੰਗਣੀ ਕੀਤੀ ਸੀ। Comuro ਇੱਕ ਆਮ ਪਰਿਵਾਰ ਤੋਂ ਆਉਂਦਾ ਹੈ ਤੇ ਅਮਰੀਕਾ ਵਿੱਚ ਇੱਕ ਲਾਅ ਕੰਪਨੀ ਵਿੱਚ ਕੰਮ ਕਰਦਾ ਹੈ। ਕੋਮੂਰੋ ਨੇ 2013 ਵਿੱਚ ਮਾਕੋ ਨੂੰ ਪ੍ਰਸਤਾਵਿਤ ਕੀਤਾ ਸੀ। ਪਿਛਲੇ ਹਫ਼ਤੇ ਸਾਰੇ ਵਿਰੋਧ ਪ੍ਰਦਰਸ਼ਨਾਂ ਤੋਂ ਬਾਅਦ, ਕੋਮੂਰੋ ਤੇ ਮਾਕੋ ਨੇ ਵਿਆਹ ਕਰਵਾ ਲਿਆ।
ਪਿਆਰ ਲਈ ਆਪਣਾ ਸ਼ਾਹੀ ਰੁਤਬਾ ਗੁਆ ਦਿੱਤਾ
ਹਾਲਾਂਕਿ, ਇਸ ਵਿਆਹ ਤੋਂ ਬਾਅਦ ਜਾਪਾਨ ਦੀ ਰਾਜਕੁਮਾਰੀ ਮਾਕੋ ਨੇ ਆਪਣਾ ਸ਼ਾਹੀ ਰੁਤਬਾ ਗੁਆ ਦਿੱਤਾ। ਵਿਆਹ ਦੇ ਨਾਲ, ਮਾਕੋ ਹੁਣ ਜਾਪਾਨ ਦੀ ਰਾਜਕੁਮਾਰੀ ਨਹੀਂ ਰਹੀ, ਕਿਉਂਕਿ ਜਾਪਾਨ ਵਿੱਚ ਸ਼ਾਹੀ ਰੁਤਬਾ ਖਤਮ ਹੋ ਜਾਂਦਾ ਹੈ ਜਦੋਂ ਉਹ ਇੱਕ ਆਮ ਵਿਅਕਤੀ ਨਾਲ ਵਿਆਹ ਕਰਦੀ ਹੈ। ਇੰਨਾ ਹੀ ਨਹੀਂ ਮਾਕੋ ਨੇ ਸ਼ਾਹੀ ਪਰਿਵਾਰ ਤੋਂ ਕਿਸੇ ਵੀ ਤਰ੍ਹਾਂ ਦਾ ਪੈਸਾ ਲੈਣ ਤੋਂ ਵੀ ਇਨਕਾਰ ਕਰ ਦਿੱਤਾ।
ਇਹ ਵੀ ਪੜ੍ਹੋ: Health Tips: ਬੁਖਾਰ ਹੋਣ 'ਤੇ ਬਿੱਲਕੁਲ ਨਾ ਘਬਰਾਓ, ਘਰ 'ਚ ਹੀ ਕਰੋ ਪੱਕਾ ਇਲਾਜ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
