ਮੰਗਲਵਾਰ ਨੂੰ ਕੂਈਨਜ਼ ਬੈਂਚ ਡਿਵੀਜ਼ਨ ਵੱਲੋਂ ਸੁਣਾਏ ਗਏ ਫੈਸਲੇ ਮੁਤਾਬਕ ਹੁਣ ਭਾਰਤੀ ਬੈਂਕ ਮਾਲੀਆ ਦੀ ਇੰਗਲੈਂਡ ਤੇ ਵੇਲਜ਼ ਵਿੱਚ ਬਣੀ ਜਾਇਦਾਦ ਵਿਰੁੱਧ ਕਾਰਵਾਈ ਵਿੱਢ ਸਕਦੇ ਹਨ। ਮਾਲੀਆ ਦੇ ਅਸਾਸਿਆਂ ਉੱਪਰ ਵਿਸ਼ਵ ਪੱਧਰੀ ਰੋਕ ਲੱਗ ਗਈ ਹੈ, ਜਿਸ ਤਹਿਤ ਉਹ ਆਪਣੀ ਸੰਪੱਤੀ ਨਾਲ ਕਿਸੇ ਵੀ ਕਿਸਮ ਦੀ ਛੇੜਛਾੜ ਨਹੀਂ ਕਰ ਸਕਦਾ।
ਬਰਤਾਨਵੀ ਲਾਅ ਫਰਮ ਟੀਐਲਟੀ ਨੇ ਭਾਰਤੀ ਬੈਂਕਾਂ ਵੱਲੋਂ ਪੇਸ਼ ਹੋ ਕੇ ਅਦਾਲਤ ਵਿੱਚ ਪੱਖ ਰੱਖਿਆ ਸੀ। ਫਰਮ ਨਾਲ ਜੁੜੇ ਅਧਿਕਾਰੀ ਪੌਲ ਗੈਰ ਨੇ ਦੱਸਿਆ ਕਿ ਅੱਜ ਦਾ ਫੈਸਲਾ ਨਾ ਸਿਰਫ਼ ਉਨ੍ਹਾਂ ਦੇ ਕਲਾਇੰਟਸ ਲਈ ਮਹੱਤਵਪੂਰਨ ਹੈ, ਬਲਕਿ ਇਹ ਭਾਰਤੀ ਬੈਂਕਾਂ ਤੇ ਕੌਮਾਂਤਰੀ ਬੈਂਕਾਂ ਲਈ ਵੀ ਆਪਣਾ ਮਹੱਤਵ ਰੱਖਦਾ ਹੈ।