ਕਾਠਮੰਡੂ: ਨੇਪਾਲ ਦੀ ਰਾਸ਼ਟਰਪਤੀ ਵਿਦਿਆ ਦੇਵੀ ਭੰਡਾਰੀ ਨੇ ਸੰਸਦ ਭੰਗ ਕਰਦਿਆਂ ਮੱਧਕਾਲੀ ਚੋਣਾਂ ਦਾ ਐਲਾਨ ਕੀਤਾ ਹੈ। ਨੇਪਾਲ ਵਿੱਚ 12 ਅਤੇ 19 ਨਵੰਬਰ ਨੂੰ ਮੱਧਕਾਲੀ ਚੋਣਾਂ ਹੋਣੀਆਂ ਹਨ। ਰਾਸ਼ਟਰਪਤੀ ਵਿਦਿਆ ਦੇਵੀ ਭੰਡਾਰੀ ਨੇ ਨੇਪਾਲੀ ਕਾਂਗਰਸ ਦੇ ਪ੍ਰਧਾਨ ਸ਼ੇਰ ਬਹਾਦੁਰ ਦੇਉਬਾ ਅਤੇ ਪ੍ਰਧਾਨ ਮੰਤਰੀ ਕੇਪੀ ਸ਼ਰਮਾ ਓਲੀ ਦੋਵਾਂ ਦੇ ਸਰਕਾਰ ਬਣਾਉਣ ਦੇ ਦਾਅਵਿਆਂ ਨੂੰ ਰੱਦ ਕਰ ਦਿੱਤਾ ਹੈ। ਇਹ ਜਾਣਕਾਰੀ ਨੇਪਾਲ ਦਫਤਰ ਵੱਲੋਂ ਦਿੱਤੀ ਗਈ ਹੈ।
149 ਸਾਂਸਦਾਂ ਦੇ ਦਸਤਖਤਾਂ ਸਣੇ ਕਾਂਗਰਸ ਸਭਾਪਤੀ ਸ਼ੇਰ ਬਹਾਦਰ ਦੇਉਵਾਕੋ ਪ੍ਰਧਾਨ ਮੰਤਰੀ ਬਣਾਉਣ ਦੇ ਲਈ ਪੱਤਰ ਲੈ ਕੇ ਪੁੱਜੇ। ਵਿਰੋਧੀ ਗਠਜੋੜ ਦੇ ਨਤੇਾਵਾਂ ਨੂੰ ਰਾਸ਼ਟਰਪਤੀ ਵਿਦਿਆ ਦੇਵੀ ਭੰਡਾਰੀ ਨੇ ਕਿਹਾ ਸੀ ਕਿ ਉਹ ਇਸ ਵਿਸ਼ੇ ਵਿਚ ਕਾਨੂੰਨ ਵੀ ਵੇਖੇਗੀ।ਮਾਓਵਾਦੀ ਕੇਂਦਰ ਦੇ ਬੁਲਾਰੇ ਨਰਾਇਣ ਕਾਜੀ ਦੇ ਅਨੁਸਾਰ ਰਾਸ਼ਟਰਪਤੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਕੇਪੀ ਸ਼ਰਮਾ ਓਲੀ ਵੀ ਬਹੁਮਤ ਦਾ ਦਾਅਵਾ ਕਰਨ ਦੇ ਲਈ ਆਏ ਸੀ। ਇਸ ਵਿਸ਼ੇ ਵਿਚ ਕਾਨੂੰਨ ਦੇਖਿਆ ਜਾਵੇਗਾ।
ਵਿਰੋਧੀ ਗਠਜੋੜ ਨੇ ਕਿਹਾ ਕਿ ਓਲੀ ਨੇ ਸਾਂਸਦਾਂ ਦੇ ਹਸਤਾਖਰ ਪੇਸ਼ ਨਹੀਂ ਕੀਤੇ। ਇਸ ਲਈ ਉਨ੍ਹਾਂ ਦੇ ਦਾਅਵੇ ਦਾ ਕੋਈ ਅਰਥ ਨਹੀਂ ਹੈ। ਵਿਰੋਧੀ ਗਠਜੋੜ ਦੇਉਬਾ ਨੂੰ ਪ੍ਰਧਾਨ ਬਣਾਉਣ ਦੇ ਲਈ ਹਸਤਾਖਰ ਸਣੇ ਪੱਤਰ ਰਾਸ਼ਟਰਪਤੀ ਦਫਤਰ ਵਿਚ ਰਜਿਸਟਰ ਕੀਤਾ ਸੀ। ਨੇਪਾਲ ਦੇ ਵਿਰੋਧੀ ਦਲਾਂ ਨੇ ਪ੍ਰਧਾਨ ਮੰਤਰੀ ਕੇਪੀ ਸ਼ਰਮਾ ਓਲੀ ਨੂੰ ਅਹੁਦੇ ਤੋਂ ਹਟਾਉਣ ਅਤੇ ਮੌਜੂਦਾ ਸਿਅਸੀ ਸੰਕਟ ਨੂੰ ਸੁਲਝਾਉਣ ਦੇ ਲਈ ਇੱਕ ਬੈਠਕ ਵਿਚ ਅੱਗੇ ਦੀ ਰਣਨੀਤੀ ਤੈਅ ਕੀਤੀ ਸੀ। ਵਿਰੋਧੀ ਦਲ ਨੇ ਸ਼ੁੱਕਰਵਾਰ ਨੂੰ ਰਾਸ਼ਟਰਪੀ ਵਿਦਿਆ ਦੇਵੀ ਭੰਡਾਰੀ ਨਾਲ ਮਿਲ ਕੇ ਗਠਜੋੜ ਦੇ ਨੇਤਾ ਸ਼ੇਰਬਹਾਦਰ ਦੀ ਅਗਵਾਈ ਨਵੀਂ ਸਰਕਾਰ ਦਾ ਗਠਨ ਕਰਨ ਦੇ ਲਈ ਓਲੀ ਨੂੰ ਸ਼ਕਤੀ ਪ੍ਰੀਖਣ ਦਾ ਮੌਕਾ ਦੇਣ ਪ੍ਰਤੀ ਇੱਛਾ ਨਹੀਂ ਜਤਾਈ ਸੀ।
ਓਲੀ ਨੇ ਇਕ ਪੱਤਰ ਸੌਂਪਿਆ ਸੀ ਜਿਸ ਵਿਚ ਆਪਣੀ ਪਾਰਟੀ ਸੀਪੀਐਨ-ਯੂਐਮਐਲ ਦੇ 121 ਮੈਂਬਰਾਂ ਅਤੇ ਜਨਤਾ ਸਮਾਜਵਾਦੀ ਪਾਰਟੀ-ਨੇਪਾਲ (ਜੇਐਸਪੀ-ਐਨ) ਦੇ 32 ਸੰਸਦ ਮੈਂਬਰਾਂ ਦੇ ਸੰਵਿਧਾਨ ਦੇ ਆਰਟੀਕਲ 76 (5) ਦੇ ਅਨੁਸਾਰ ਦੁਬਾਰਾ ਪ੍ਰਧਾਨ ਮੰਤਰੀ ਬਣਨ ਦਾ ਦਾਅਵਾ ਕੀਤਾ ਸੀ। ਉਸੇ ਸਮੇਂ, ਨੇਪਾਲੀ ਕਾਂਗਰਸ ਦੇ ਪ੍ਰਧਾਨ ਸ਼ੇਰ ਬਹਾਦੁਰ ਦੇਉਬਾ ਨੇ 149 ਸੰਸਦ ਮੈਂਬਰਾਂ ਦੇ ਸਮਰਥਨ ਦਾ ਦਾਅਵਾ ਕੀਤਾ। ਦੇਉਬਾ ਵਿਰੋਧੀ ਪਾਰਟੀਆਂ ਦੇ ਨੇਤਾਵਾਂ ਦੇ ਨਾਲ ਪ੍ਰਧਾਨ ਮੰਤਰੀ ਦੇ ਅਹੁਦੇ ਲਈ ਦਾਅਵੇਦਾਰੀ ਲਈ ਰਾਸ਼ਟਰਪਤੀ ਦੇ ਦਫਤਰ ਪਹੁੰਚੇ ਸੀ।
ਓਲੀ ਨੇ 153 ਮੈਂਬਰਾਂ ਦੀ ਹਮਾਇਤ ਹਾਸਲ ਕਰਨ ਦਾ ਦਾਅਵਾ ਕੀਤਾ, ਜਦੋਂਕਿ ਦੇਉਬਾ ਨੇ ਆਪਣੀ ਅਦਾਲਤ ਵਿੱਚ 149 ਸੰਸਦ ਮੈਂਬਰ ਹੋਣ ਦਾ ਦਾਅਵਾ ਕੀਤਾ। ਸੀਪੀਐਨ-ਯੂਐਮਐਲ ਨੇਪਾਲ ਦੀ ਸਭ ਤੋਂ ਵੱਡੀ ਪਾਰਟੀ ਹੈ ਜਿਸ ਵਿਚ 275-ਮੈਂਬਰਾਂ ਦੇ ਪ੍ਰਤੀਨਿਧ ਸਦਨ ਵਿਚ 121 ਸੀਟਾਂ ਹਨ। ਬਹੁਮਤ ਨਾਲ ਸਰਕਾਰ ਬਣਾਉਣ ਲਈ 138 ਸੀਟਾਂ ਦੀ ਲੋੜ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ