True Love Story: ਤੁਸੀਂ ਭਾਰਤੀ ਫ਼ਿਲਮਾਂ 'ਚ ਅਜਿਹੀਆਂ ਕਈ ਕਹਾਣੀਆਂ ਦੇਖੀਆਂ ਹੋਣਗੀਆਂ, ਜਿਸ 'ਚ ਇਕ ਅਮੀਰ ਕੁੜੀ ਨੂੰ ਇਕ ਗਰੀਬ ਲੜਕੇ ਨਾਲ ਪਿਆਰ ਹੋ ਜਾਂਦਾ ਹੈ ਤੇ ਫਿਰ ਵਿਆਹ ਹੋ ਜਾਂਦਾ ਹੈ। ਇਸ ਤਰ੍ਹਾਂ ਦੀ ਕਹਾਣੀ ਰੀਲ ਲਾਈਫ ਤੋਂ ਇਲਾਵਾ ਅਸਲ ਜ਼ਿੰਦਗੀ 'ਚ ਘੱਟ ਹੀ ਦੇਖਣ ਨੂੰ ਮਿਲਦੀ ਹੈ, ਪਰ ਜਾਪਾਨ 'ਚ ਅਜਿਹਾ ਹੀ ਇਕ ਹਾਈ-ਪ੍ਰੋਫਾਈਲ ਮਾਮਲਾ ਸਾਹਮਣੇ ਆਇਆ ਹੈ। ਇਸ 'ਚ ਜਾਪਾਨ ਦੀ ਰਾਜਕੁਮਾਰੀ ਮਾਕੋ ਨੇ ਆਮ ਲੜਕੇ ਨਾਲ ਵਿਆਹ ਕਰਕੇ ਪਿਆਰ ਕਰਨ ਵਾਲਿਆਂ ਨੂੰ ਖ਼ਾਸ ਸੰਦੇਸ਼ ਦਿੱਤਾ ਹੈ। ਰਾਜਕੁਮਾਰੀ ਮਾਕੋ ਨੂੰ ਵੀ ਇਸ ਪਿਆਰ ਦੀ ਵੱਡੀ ਕੀਮਤ ਚੁਕਾਉਣੀ ਪਈ ਹੈ। ਮਾਮਲੇ ਬਾਰੇ ਵਿਸਥਾਰ 'ਚ ਜਾਣੋ।
ਮਾਕੋ ਕੌਣ ਹੈ?
29 ਸਾਲਾ ਮਾਕੋ ਜਾਪਾਨ ਦੇ ਸਾਬਕਾ ਰਾਜਾ ਅਕੀਹਿਤੋ ਦੀ ਪੋਤੀ ਹੈ। ਮਾਕੋ ਨੇ ਸਾਲ 2017 'ਚ ਆਪਣੇ ਦੋਸਤ ਕੋਮੂਰੋ ਨਾਲ ਮੰਗਣੀ ਕੀਤੀ ਸੀ। ਕੋਮੂਰੋ ਕਿਸੇ ਸ਼ਾਹੀ ਪਰਿਵਾਰ ਤੋਂ ਨਹੀਂ ਆਉਂਦਾ ਹੈ। ਉਹ ਇਕ ਆਮ ਆਦਮੀ ਹੈ। ਮੰਗਣੀ ਤੋਂ ਬਾਅਦ ਕੋਮੂਰੋ ਦੇ ਪਰਿਵਾਰ 'ਚ ਝਗੜਾ ਹੋ ਗਿਆ ਸੀ, ਜਿਸ ਕਾਰਨ ਦੋਹਾਂ ਦਾ ਵਿਆਹ 4 ਸਾਲ ਤਕ ਅਟਕਿਆ ਹੋਇਆ ਸੀ। ਹਾਲਾਂਕਿ ਦੋਵਾਂ ਦਾ ਹਾਲ ਹੀ 'ਚ ਵਿਆਹ ਹੋਇਆ ਹੈ।
ਰਾਜਕੁਮਾਰੀ ਨੂੰ ਚੁਕਾਉਣੀ ਪਈ ਇਹ ਕੀਮਤ
ਇਸ ਪਿਆਰ 'ਚ ਰਾਜਕੁਮਾਰੀ ਨੂੰ ਵੱਡੀ ਕੀਮਤ ਵੀ ਚੁਕਾਉਣੀ ਪਈ ਹੈ। ਦਰਅਸਲ ਇਕ ਆਮ ਵਿਅਕਤੀ ਨਾਲ ਵਿਆਹ ਕਰਨ ਕਰਕੇ ਰਾਜਕੁਮਾਰੀ ਮਾਕੋ ਦਾ ਸ਼ਾਹੀ ਰੁਤਬਾ ਖ਼ਤਮ ਹੋ ਗਿਆ ਹੈ। ਬਦਲੇ 'ਚ ਮਾਕੋ ਨੂੰ ਕਰੀਬ 1 ਮਿਲੀਅਨ ਡਾਲਰ ਮਤਲਬ ਕਰੀਬ 8 ਕਰੋੜ ਮਿਲਣੇ ਸਨ, ਪਰ ਇਸ ਦੇ ਲਈ ਉਨ੍ਹਾਂ ਦੀ ਮੰਗੇਤਰ ਦੀ ਕਾਫੀ ਆਲੋਚਨਾ ਹੋਈ। ਇਸ ਤੋਂ ਬਾਅਦ ਮਾਕੋ ਨੇ ਇਹ ਰਕਮ ਵੀ ਨਾ ਲੈਣ ਦਾ ਫ਼ੈਸਲਾ ਕੀਤਾ। ਜਾਪਾਨ ਸਰਕਾਰ ਨੇ ਵੀ ਮਾਕੋ ਦੇ ਇਸ ਫ਼ੈਸਲੇ ਦਾ ਸਮਰਥਨ ਕੀਤਾ ਹੈ। ਹੁਣ ਇਹ ਜੋੜਾ ਅਮਰੀਕਾ 'ਚ ਰਹਿ ਸਕਦਾ ਹੈ।
ਇਸ ਤਰ੍ਹਾਂ ਪ੍ਰੇਮ ਕਹਾਣੀ ਦੀ ਸ਼ੁਰੂਆਤ ਹੋਈ
ਮਾਕੋ ਅਤੇ ਕੋਮੂਰੋ ਕਾਲਜ 'ਚ ਇਕੱਠੇ ਪੜ੍ਹਦੇ ਸਨ। ਇੱਥੋਂ ਉਨ੍ਹਾਂ ਦੀ ਪ੍ਰੇਮ ਕਹਾਣੀ ਸ਼ੁਰੂ ਹੋਈ। ਕੋਮੂਰੋ ਨੇ 2013 'ਚ ਮਾਕੋ ਨੂੰ ਪ੍ਰਸਤਾਵਿਤ ਕੀਤਾ ਸੀ। ਰਾਜਕੁਮਾਰੀ ਮਾਕੋ ਨੇ ਸ਼ੁਰੂ 'ਚ ਆਪਣੇ ਰਿਸ਼ਤੇ ਨੂੰ ਗੁਪਤ ਰੱਖਿਆ। ਲੰਬੇ ਸਮੇਂ ਤਕ ਰਿਲੇਸ਼ਨਸ਼ਿਪ 'ਚ ਰਹਿਣ ਤੋਂ ਬਾਅਦ ਦੋਹਾਂ ਨੇ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਮਾਕੋ ਨੇ ਸਾਲ 2017 ਵਿੱਚ ਬ੍ਰਿਟੇਨ ਤੋਂ ਆਪਣੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਐਲਾਨ ਕੀਤਾ ਸੀ ਕਿ ਉਹ ਇਕ ਆਮ ਆਦਮੀ ਨਾਲ ਵਿਆਹ ਕਰਨ ਜਾ ਰਹੀ ਹੈ। ਪਹਿਲਾਂ ਤਾਂ ਉਸ ਦੇ ਪਰਿਵਾਰਕ ਮੈਂਬਰ ਇਸ ਲਈ ਤਿਆਰ ਨਹੀਂ ਸਨ ਪਰ ਲੰਬੇ ਵਿਵਾਦ ਤੋਂ ਬਾਅਦ ਜਾਪਾਨ ਦੀ ਕ੍ਰਾਊਨ ਪ੍ਰਿੰਸੈਸ ਨੇ ਮਾਕੋ ਦੇ ਵਿਆਹ ਲਈ ਆਪਣੀ ਸਹਿਮਤੀ ਦੇ ਦਿੱਤੀ।
ਮਾਕੋ ਦੇ ਪਿਤਾ ਨੇ ਵੀ ਧੀ ਦੇ ਫ਼ੈਸਲੇ ਦਾ ਸਤਿਕਾਰ ਕੀਤਾ ਅਤੇ ਉਨ੍ਹਾਂ ਨੂੰ ਆਪਣਾ ਫ਼ੈਸਲਾ ਲੈਣ ਦਿੱਤਾ। ਜਾਪਾਨ 'ਚ ਇਕ ਨਿਯਮ ਹੈ ਕਿ ਜੇਕਰ ਸ਼ਾਹੀ ਪਰਿਵਾਰ ਦਾ ਕੋਈ ਵਿਅਕਤੀ, ਭਾਵੇਂ ਮਰਦ ਹੋਵੇ ਜਾਂ ਔਰਤ, ਕਿਸੇ ਆਮ ਆਦਮੀ ਨਾਲ ਵਿਆਹ ਕਰਦਾ ਹੈ, ਤਾਂ ਉਸ ਦਾ ਸ਼ਾਹੀ ਰੁਤਬਾ ਖਤਮ ਹੋ ਜਾਵੇਗਾ। ਮਾਕੋ ਨੂੰ ਇਸ ਗੱਲ ਦੀ ਬਿਲਕੁਲ ਵੀ ਪਰਵਾਹ ਨਹੀਂ ਸੀ। ਕੋਮੂਰੋ ਅਮਰੀਕਾ 'ਚ ਇਕ ਲਾਅ ਕੰਪਨੀ 'ਚ ਕੰਮ ਕਰਦਾ ਹੈ।
ਇਹ ਵੀ ਪੜ੍ਹੋ: Hyundai ਅਗਲੇ ਸਾਲ ਨਵੇਂ ਲੁੱਕ ਨਾਲ ਭਾਰਤ 'ਚ ਲਾਂਚ ਕਰੇਗੀ Creta facelift ਵਰਜ਼ਨ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin