ਟਰੰਪ ਨੇ ਕੈਨੇਡਾ ਦੀ ਮੁਸ਼ਕਲ ਵਧਾਈ, 50 ਫ਼ੀਸਦੀ ਟੈਰਿਫ਼ ਦੀ ਧਮਕੀ, ਬੌਮਬਰਡਿਅਰ ਜੈਟਸ ਨੂੰ ਕੀਤਾ ਡੀ-ਸਰਟੀਫਾਈ
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕੈਨੇਡਾ ਖ਼ਿਲਾਫ਼ ਇਕ ਵਾਰ ਫਿਰ ਕਠੋਰ ਰਵੱਈਆ ਅਪਨਾਉਂਦੇ ਹੋਏ ਹਵਾਈ ਜਹਾਜ਼ਾਂ ਦੇ ਖੇਤਰ ਵਿੱਚ ਵੱਡਾ ਅਤੇ ਹਮਲਾ ਭਰਿਆ ਕਦਮ ਚੁੱਕਣ ਦਾ ਐਲਾਨ ਕੀਤਾ ਹੈ। ਸੋਸ਼ਲ ਮੀਡੀਆ 'ਤੇ ਕੀਤੇ ਗਏ..
US Canada Aviation Dispute : ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕੈਨੇਡਾ ਖ਼ਿਲਾਫ਼ ਇਕ ਵਾਰ ਫਿਰ ਕਠੋਰ ਰਵੱਈਆ ਅਪਨਾਉਂਦੇ ਹੋਏ ਹਵਾਈ ਜਹਾਜ਼ਾਂ ਦੇ ਖੇਤਰ ਵਿੱਚ ਵੱਡਾ ਅਤੇ ਹਮਲਾ ਭਰਿਆ ਕਦਮ ਚੁੱਕਣ ਦਾ ਐਲਾਨ ਕੀਤਾ ਹੈ। ਸੋਸ਼ਲ ਮੀਡੀਆ 'ਤੇ ਕੀਤੇ ਗਏ ਇੱਕ ਪੋਸਟ ਰਾਹੀਂ ਟਰੰਪ ਨੇ ਕੈਨੇਡਾ 'ਤੇ ਅਮਰੀਕੀ ਜਹਾਜ਼ ਨਿਰਮਾਤਾ ਕੰਪਨੀ ਗਲਫਸਟ੍ਰੀਮ ਦੇ ਨਾਲ ਭੇਦਭਾਵ ਕਰਨ ਦਾ ਦੋਸ਼ ਲਾਇਆ, ਜਿਸ ਨਾਲ ਦੋਹਾਂ ਦੇਸ਼ਾਂ ਵਿੱਚ ਵਪਾਰਕ ਤਣਾਅ ਹੋਣ ਦੀ ਸੰਭਾਵਨਾ ਵਧ ਗਈ ਹੈ।
ਟਰੰਪ ਦੀ ਜਵਾਬੀ ਕਾਰਵਾਈ
ਰਾਸ਼ਟਰਪਤੀ ਟਰੰਪ ਨੇ ਦੋਸ਼ ਲਗਾਇਆ ਕਿ ਕੈਨੇਡਾ ਨੇ ਜਾਣਬੂਝ ਕੇ ਅਤੇ ਗੈਰਕਾਨੂੰਨੀ ਤਰੀਕੇ ਨਾਲ ਅਮਰੀਕੀ ਮਾਨਯਤਾਪ੍ਰਾਪਤ ਜਹਾਜ਼ ਨਿਰਮਾਤਾ ਕੰਪਨੀ ਗਲਫਸਟ੍ਰੀਮ ਦੇ 500, 600, 700 ਅਤੇ 800 ਸੀਰੀਜ਼ ਦੇ ਜੈੱਟ ਜਹਾਜ਼ਾਂ ਨੂੰ ਸਰਟੀਫਿਕੇਸ਼ਨ ਦੇਣ ਤੋਂ ਇਨਕਾਰ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਗਲਫਸਟ੍ਰੀਮ ਜੈੱਟ ਦੁਨੀਆ ਦੇ ਸਭ ਤੋਂ ਆਧੁਨਿਕ ਅਤੇ ਤਕਨੀਕੀ ਤੌਰ 'ਤੇ ਉੱਨਤ ਜਹਾਜ਼ਾਂ ਵਿੱਚੋਂ ਹਨ, ਫਿਰ ਵੀ ਕੈਨੇਡਾ ਸਾਲਾਂ ਤੋਂ ਇਨ੍ਹਾਂ ਨੂੰ ਮਨਜ਼ੂਰੀ ਨਹੀਂ ਦੇ ਰਿਹਾ ਹੈ। ਟਰੰਪ ਨੇ ਇਸ ਰਵੱਈਏ ਨੂੰ ਅਮਰੀਕੀ ਕੰਪਨੀਆਂ ਪ੍ਰਤੀ ਪੱਖਪਾਤੀ ਕਰਾਰ ਦਿੱਤਾ ਹੈ।
ਇਸ ਦੇ ਜਵਾਬ ਵਿੱਚ ਰਾਸ਼ਟਰਪਤੀ ਟਰੰਪ ਨੇ ਵੱਡਾ ਐਲਾਨ ਕਰਦਿਆਂ ਕਿਹਾ ਕਿ ਅਮਰੀਕਾ ਹੁਣ ਕੈਨੇਡਾ ਵਿੱਚ ਬਣੇ ਬੌਮਬਰਡਿਅਰ ਗਲੋਬਲ ਐਕਸਪ੍ਰੈਸ ਜਹਾਜ਼ਾਂ ਸਮੇਤ ਸਾਰੇ ਕੈਨੇਡੀਅਨ ਜਹਾਜ਼ਾਂ ਦਾ ਸਰਟੀਫਿਕੇਸ਼ਨ ਰੱਦ (ਡੀ-ਸਰਟੀਫਾਈ) ਕਰ ਰਿਹਾ ਹੈ। ਉਨ੍ਹਾਂ ਸਪਸ਼ਟ ਕੀਤਾ ਕਿ ਇਹ ਫੈਸਲਾ ਉਸ ਵੇਲੇ ਤੱਕ ਲਾਗੂ ਰਹੇਗਾ, ਜਦ ਤੱਕ ਗਲਫਸਟ੍ਰੀਮ ਜੈੱਟ ਜਹਾਜ਼ਾਂ ਨੂੰ ਕੈਨੇਡਾ ਵੱਲੋਂ ਪੂਰਨ ਸਰਟੀਫਿਕੇਸ਼ਨ ਨਹੀਂ ਮਿਲ ਜਾਂਦਾ।
ਟਰੰਪ ਨੇ ਦਿੱਤੀ ਚੇਤਾਵਨੀ
ਟਰੰਪ ਨੇ ਅੱਗੇ ਚੇਤਾਵਨੀ ਦਿੱਤੀ ਕਿ ਜੇ ਕੈਨੇਡਾ ਨੇ ਤੁਰੰਤ ਇਸ ਸਥਿਤੀ ਨੂੰ ਠੀਕ ਨਹੀਂ ਕੀਤਾ ਤਾਂ ਅਮਰੀਕਾ ਕੈਨੇਡਾ ਤੋਂ ਆਮਦਨ ਹੋਣ ਵਾਲੇ ਸਾਰੇ ਜਹਾਜ਼ਾਂ ’ਤੇ 50 ਫ਼ਿਸਦੀ ਟੈਰਿਫ਼ ਲਗਾਏਗਾ। ਇਸ ਬਿਆਨ ਦੇ ਬਾਅਦ ਅਮਰੀਕਾ ਅਤੇ ਕੈਨੇਡਾ ਦਰਮਿਆਨ ਵਪਾਰਕ ਸੰਬੰਧਾਂ ਵਿੱਚ ਤਣਾਅ ਵਧਣ ਦੀ ਸੰਭਾਵਨਾ ਹੈ।
ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਵਿਵਾਦ ਸਿਰਫ਼ ਹਵਾਈ ਜਹਾਜ਼ ਉਦਯੋਗ ਤੱਕ ਸੀਮਿਤ ਨਹੀਂ ਰਹੇਗਾ, ਬਲਕਿ ਦੋਹਾਂ ਦੇਸ਼ਾਂ ਦੇ ਵਪਾਰਕ ਅਤੇ ਕੂਟਨੀਤਿਕ ਰਿਸ਼ਤਿਆਂ ’ਤੇ ਵੀ ਇਸਦਾ ਪ੍ਰਭਾਵ ਪੈ ਸਕਦਾ ਹੈ। ਇਸ ਸਮੇਂ ਦੁਨੀਆ ਦੀਆਂ ਨਜ਼ਰਾਂ ਇਸ ਮਾਮਲੇ ’ਤੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਦੀ ਪ੍ਰਤੀਕ੍ਰਿਆ ਉੱਤੇ ਟਿਕੀਆਂ ਹੋਈਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
