Ukraine-Russia Conflict: ਅਮਰੀਕਾ ਦੇ McDonald's ਨੂੰ ਟੱਕਰ ਦੇਵੇਗਾ ਰੂਸ ਦਾ 'ਅੰਕਲ ਵਾਨਿਆ', ਜਲਦ ਖੁੱਲ੍ਹਣਗੇ ਆਊਟਲੈਟਸ

Ukraine-Russia Conflict: ਯੂਕਰੇਨ 'ਤੇ ਰੂਸ ਦੇ ਹਮਲੇ ਦੌਰਾਨ ਅਮਰੀਕਾ ਅਤੇ ਉਸ ਦੇ ਸਹਿਯੋਗੀਆਂ ਨੇ ਰੂਸ 'ਤੇ ਪਾਬੰਦੀਆਂ ਲਗਾਉਣੀਆਂ ਸ਼ੁਰੂ ਕਰ ਦਿੱਤੀਆਂ।

ਅੰਕਲ ਵਾਨਿਆ- ਮੈਕ ਡਾਨਲਡ

Ukraine-Russia Conflict: ਯੂਕਰੇਨ 'ਤੇ ਰੂਸ ਦੇ ਹਮਲੇ ਦੌਰਾਨ ਅਮਰੀਕਾ ਅਤੇ ਉਸ ਦੇ ਸਹਿਯੋਗੀਆਂ ਨੇ ਰੂਸ 'ਤੇ ਪਾਬੰਦੀਆਂ ਲਗਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਰੂਸ ਨੂੰ SWIFT ਪ੍ਰਣਾਲੀ ਤੋਂ ਬਾਹਰ ਕੱਢ ਦਿੱਤਾ ਗਿਆ ਸੀ ਅਤੇ ਇਸ 'ਤੇ ਕਈ ਵਪਾਰਕ ਪਾਬੰਦੀਆਂ ਵੀ ਲਗਾਈਆਂ ਗਈਆਂ ਸਨ। ਇਸ ਤੋਂ ਬਾਅਦ ਕਈ ਵੱਡੀਆਂ ਕੰਪਨੀਆਂ ਨੇ ਵੀ ਪਾਬੰਦੀਆਂ ਲਗਾ ਕੇ ਰੂਸ ਤੋਂ ਆਪਣਾ ਕੰਮ ਵਾਪਸ ਲੈ ਲਿਆ। ਇਨ੍ਹਾਂ ਵੱਡੀਆਂ ਕੰਪਨੀਆਂ ਵਿੱਚ ਟਵਿਟਰ, ਗੂਗਲ, ​​ਫੇਸਬੁੱਕ, ਐਪਲ, ਕੇਐਫਸੀ ਅਤੇ ਮੈਕਡੋਨਲਡਜ਼ ਵੀ ਸ਼ਾਮਲ ਹਨ। ਉਨ੍ਹਾਂ ਦੇ ਬਦਲ ਵਜੋਂ ਹੁਣ ਰੂਸੀ ਕੰਪਨੀਆਂ ਆਪਣੇ ਪ੍ਰੋਡੱਕਟਸ ਲਾਂਚ ਕਰ ਰਹੀਆਂ ਹਨ। ਮੈਕਡੋਨਲਡ ਨੂੰ ਟੱਕਰ ਦੇਣ ਲਈ ਰੂਸੀ ਕੰਪਨੀ ਨੇ ਵੀ ਆਪਸ਼ਨ ਲੱਭ ਲਿਆ ਹੈ। 

ਮੈਕਡੋਨਲਡ ਜਿਹਾ ਹੀ ਲੋਗੋ -
ਰਿਪੋਰਟ ਮੁਤਾਬਕ ਮਾਸਕੋ ਦੇ ਇੱਕ ਪੇਟੈਂਟ ਵਕੀਲ ਨੇ ਪਿਛਲੇ ਦਿਨੀਂ 'ਅੰਕਲ ਵਾਨਿਆ' ਨਾਮ ਦੇ ਲੋਗੋ ਲਈ ਅਰਜ਼ੀ ਦਿੱਤੀ ਸੀ। ਇਹ ਲੋਗੋ ਦਿੱਖ ਵਿੱਚ ਕਾਫੀ ਹੱਦ ਤੱਕ ਮੈਕਡੋਨਲਡਜ਼ ਵਰਗਾ ਹੀ ਲੱਗਦਾ ਹੈ। ਜੇਕਰ ਧਿਆਨ ਨਾਲ ਦੇਖਿਆ ਜਾਵੇ ਤਾਂ ਇਸ ਵਿਚ ਥੋੜ੍ਹਾ ਜਿਹਾ ਫਰਕ ਨਜ਼ਰ ਆਉਂਦਾ ਹੈ। ਇਹ ਫਰਕ ਹੈ 'ਅੰਕਲ ਵਾਨੀਆ' ਲੋਗੋ ਦੇ ਹੇਠਾਂ ਲਿਖਿਆ ਗਿਆ ਹੈ।

ਮੈਕਡੋਨਲਡਜ਼ ਨੇ ਰੂਸ ਵਿੱਚ ਬੰਦ ਕੀਤੇ 850 ਆਊਟਲੇਟ -
ਦੱਸ ਦੇਈਏ ਕਿ ਮੈਕਡੋਨਲਡਜ਼ ਇੱਕ ਅਮਰੀਕੀ ਕੰਪਨੀ ਹੈ। ਇਸਨੇ 8 ਮਾਰਚ ਨੂੰ ਘੋਸ਼ਣਾ ਕੀਤੀ ਕਿ ਇਹ ਯੁੱਧ ਦੇ ਵਿਰੋਧ ਵਿੱਚ ਰੂਸ ਵਿੱਚ ਆਪਣੇ 850 ਆਊਟਲੇਟ ਬੰਦ ਕਰ ਦੇਵੇਗਾ। ਰੂਸ ਦੇ ਨੇਤਾਵਾਂ ਨੇ ਵੀ ਇਸ ਫੈਸਲੇ 'ਤੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਰੂਸੀ ਸਟੇਟ ਡੂਮਾ ਦੇ ਪ੍ਰਧਾਨ ਵਿਆਚੇਸਲਾਵ ਵੋਲੋਡਿਨ ਨੇ ਪਿਛਲੇ ਹਫ਼ਤੇ ਸੰਸਦ ਵਿੱਚ ਕਿਹਾ ਸੀ ਕਿ, 'ਮੈਕਡੋਨਲਡਜ਼ ਨੇ ਰੂਸ ਵਿੱਚ ਆਪਣੇ ਆਊਟਲੈਟਸ ਨੂੰ ਬੰਦ ਕਰਨ ਦਾ ਐਲਾਨ ਕੀਤਾ ਹੈ, ਬਿਹਤਰ ਹੈ ਕਿ ਉਹ ਇੱਥੇ ਆਪਣਾ ਕਾਰੋਬਾਰ ਬੰਦ ਕਰ ਦੇਣ।' ਉਹਨਾਂ ਨੇ ਅੱਗੇ ਕਿਹਾ ਕਿ ਕੱਲ੍ਹ ਬੇਸ਼ੱਕ ਮੈਕਡੋਨਲਡਜ਼ ਨਹੀਂ ਹੋਣਗੇ ਪਰ 'ਅੰਕਲ ਵਾਨੀਆ' ਜ਼ਰੂਰ ਹੋਣਗੇ।