Highest Range E2W: ਇੱਕ ਵਾਰ ਚਾਰਜ ਹੋਣ 'ਤੇ ਇਹ ਇਲੈਕਟ੍ਰਿਕ ਸਕੂਟਰ ਕਰਵਾ ਸਕਦੇ ਨੇ ਸੈਂਕੜੇ ਕਿਲੋਮੀਟਰ ਦੀ ਸੈਰ

ਜੇਕਰ ਤੁਸੀਂ ਵੀ ਇਸ ਗਲਤ ਧਾਰਨਾ ਦਾ ਸ਼ਿਕਾਰ ਹੋ ਕਿ ਇਲੈਕਟ੍ਰਿਕ ਸਕੂਟਰ ਰੇਂਜ ਦੇ ਲਿਹਾਜ਼ ਨਾਲ ਚੰਗੇ ਨਹੀਂ ਹੁੰਦੇ। ਇਸ ਲਈ ਇਹ ਵਿਕਲਪ ਤੁਹਾਡੀ ਗਲਤ ਧਾਰਨਾ ਨੂੰ ਦੂਰ ਕਰਨ ਲਈ ਕਾਫੀ ਹਨ। ਜਿਸ ਬਾਰੇ ਅਸੀਂ ਅੱਗੇ ਦੱਸਣ ਜਾ ਰਹੇ ਹਾਂ।

Highest Range E2W

ਇਸ ਲਿਸਟ 'ਚ ਪਹਿਲਾ ਨਾਂ ਸਿੰਪਲ ਵਨ ਇਲੈਕਟ੍ਰਿਕ ਸਕੂਟਰ ਦਾ ਹੈ, ਜੋ ਰੇਂਜ ਦੇ ਮਾਮਲੇ 'ਚ ਸਭ ਤੋਂ ਅੱਗੇ ਹੈ। ਇੱਕ ਵਾਰ ਚਾਰਜ ਕਰਨ 'ਤੇ ਤੁਸੀਂ 212 ਕਿਲੋਮੀਟਰ ਤੱਕ ਦੀ ਦੂਰੀ ਤੈਅ ਕਰ ਸਕਦੇ ਹੋ। ਇਸ ਨੂੰ ਘਰ ਲਿਆਉਣ ਲਈ ਤੁਹਾਨੂੰ 1.45 ਲੱਖ ਰੁਪਏ ਦੀ ਐਕਸ-ਸ਼ੋਰੂਮ ਕੀਮਤ ਅਦਾ ਕਰਨੀ ਪਵੇਗੀ।

ਦੂਜਾ ਇਲੈਕਟ੍ਰਿਕ ਸਕੂਟਰ Ola S1 Pro Second Gen ਹੈ, ਜੋ ਕਿ ਸ਼ਾਨਦਾਰ ਰਾਈਡਿੰਗ ਰੇਂਜ ਵਾਲਾ ਸਕੂਟਰ ਹੈ। ਇੱਕ ਵਾਰ ਚਾਰਜ ਕਰਨ 'ਤੇ ਇਹ 195 ਕਿਲੋਮੀਟਰ ਤੱਕ ਦੀ ਦੂਰੀ ਤੈਅ ਕਰ ਸਕਦਾ ਹੈ। ਇਸ ਦੀ ਟਾਪ ਸਪੀਡ 120 ਕਿਲੋਮੀਟਰ ਪ੍ਰਤੀ ਘੰਟਾ ਹੈ। ਇਸ ਨੂੰ ਘਰ ਲਿਆਉਣ ਲਈ ਤੁਹਾਨੂੰ 1,47,499 ਰੁਪਏ ਦੀ ਐਕਸ-ਸ਼ੋਰੂਮ ਕੀਮਤ ਅਦਾ ਕਰਨੀ ਪਵੇਗੀ।

ਅਗਲਾ ਵਿਕਲਪ Hero Vida V1 ਇਲੈਕਟ੍ਰਿਕ ਸਕੂਟਰ ਹੈ, ਜਿਸ ਨੂੰ ਤੁਸੀਂ 1.26 ਲੱਖ ਰੁਪਏ ਵਿੱਚ ਘਰ ਲਿਆ ਸਕਦੇ ਹੋ। ਕੰਪਨੀ ਮੁਤਾਬਕ ਇਹ ਸਿੰਗਲ ਚਾਰਜ 'ਤੇ 165 ਕਿਲੋਮੀਟਰ ਤੱਕ ਦਾ ਸਫਰ ਤੈਅ ਕਰ ਸਕਦੀ ਹੈ।

ਸ਼ਾਨਦਾਰ ਰੇਂਜ ਵਾਲਾ ਅਗਲਾ ਇਲੈਕਟ੍ਰਿਕ ਸਕੂਟਰ Ather 450X ਹੈ, ਜੋ ਇੱਕ ਵਾਰ ਚਾਰਜ ਕਰਨ 'ਤੇ 146 ਕਿਲੋਮੀਟਰ ਤੱਕ ਦਾ ਸਫਰ ਕਰਨ ਦੇ ਸਮਰੱਥ ਹੈ। ਇਸ ਦੇ ਲਈ ਤੁਹਾਨੂੰ 1.28 ਲੱਖ ਰੁਪਏ ਦੀ ਐਕਸ-ਸ਼ੋਰੂਮ ਕੀਮਤ ਅਦਾ ਕਰਨੀ ਪਵੇਗੀ।

ਪੰਜਵਾਂ ਇਲੈਕਟ੍ਰਿਕ ਸਕੂਟਰ ਜੋ ਤੁਸੀਂ ਇਸਦੀ ਸ਼ਾਨਦਾਰ ਰੇਂਜ ਦੇ ਕਾਰਨ ਘਰ ਲਿਆ ਸਕਦੇ ਹੋ, ਉਹ ਹੈ TVS ਦਾ iQube। ਇਸ ਦੀ ਐਕਸ-ਸ਼ੋਰੂਮ ਕੀਮਤ 1.22 ਲੱਖ ਰੁਪਏ ਹੈ। ਇਸ ਨੂੰ ਇਕ ਵਾਰ ਚਾਰਜ ਕਰਕੇ ਤੁਸੀਂ 145 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਸਕਦੇ ਹੋ।