ਉਰਵਸ਼ੀ ਰੌਤੇਲਾ ਨੇ 'ਵਰਜਿਨ ਭਾਨੂਪ੍ਰਿਆ' ਲਈ ਵਧਾਇਆ 7 ਕਿਲੋ ਭਾਰ, ਇੱਥੇ ਵੇਖੋ ਤਸਵੀਰਾਂ

ਦੱਸ ਦੇਈਏ ਕਿ ਉਰਵਸ਼ੀ 'ਭਾਗ ਜੌਨੀ', 'ਸਨਮ ਰੇ', 'ਗ੍ਰੇਟ ਗ੍ਰੈਂਡ ਮਸਤੀ', 'ਕਾਬਿਲ' ਤੇ 'ਹੇਟ ਸਟੋਰੀ 4' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆਈ ਹੈ। ਇਸ ਤੋਂ ਇਲਾਵਾ ਉਹ ਆਖਰੀ ਵਾਰ ਸੈਫ ਅਲੀ ਖ਼ਾਨ ਦੀ ਫਿਲਮ 'ਪਾਗਲਪੰਤੀ' 'ਚ ਨਜ਼ਰ ਆਈ ਸੀ।

ਅਜਿਹੀਆਂ ਖ਼ਬਰਾਂ ਵੀ ਹਨ ਕਿ ਉਰਵਸ਼ੀ ਦੀ ਫਿਲਮ ਏਮਾ ਸਟੋਨ ਦੀ ਹਾਲੀਵੁੱਡ ਫਿਲਮ ਈਜੀ-ਏ ਤੋਂ ਪ੍ਰੇਰਿਤ ਹੈ। ਉਰਵਸ਼ੀ ਨੇ ਖੁਦ ਇੱਕ ਇੰਟਰਵਿਊ ਦੌਰਾਨ ਇਸ ਪ੍ਰਸ਼ਨ 'ਤੇ ਪ੍ਰਤੀਕ੍ਰਿਆ ਦਿੱਤੀ ਪਰ ਕੁਝ ਸਪੱਸ਼ਟ ਨਹੀਂ ਕਿਹਾ।

ਦੱਸ ਦਈਏ ਕਿ ਫਿਲਮ ਜੀ-5 'ਤੇ ਸਟ੍ਰੀਮ ਕੀਤੀ ਜਾਏਗੀ। ਫਿਲਮ ਬਾਰੇ ਚਰਚਾ ਇਸ ਲਈ ਵੀ ਹੈ ਕਿਉਂਕਿ ਇਸ ਫ਼ਿਲਮ 'ਚ ਉਰਵਸ਼ੀ ਦੀ ਭੂਮਿਕਾ ਉਸ ਦੀਆਂ ਬਾਕੀ ਫਿਲਮਾਂ ਤੋਂ ਥੋੜ੍ਹੀ ਵੱਖਰੀ ਹੈ।

ਉਰਵਸ਼ੀ ਦੀ ਫਿਲਮ ਵਰਜਿਲ ਭਾਨੂਪ੍ਰਿਆ 16 ਜੁਲਾਈ, 2020 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਵਿਚ ਉਹ ਇੱਕ ਜਵਾਨ ਲੜਕੀ ਦੇ ਕਿਰਦਾਰ ਵਿੱਚ ਨਜ਼ਰ ਆਵੇਗੀ। ਫਿਲਮ ਵਿੱਚ ਉਸ ਦੇ ਓਪੌਜ਼ਿਟ ਗੌਤਮ ਗੁਲਾਟੀ ਨਜ਼ਰ ਆਉਣਗੇ। ਫਿਲਮ 'ਚ ਅਰਚਨਾ ਪੂਰਨ ਸਿੰਘ ਵੀ ਹੈ, ਜੋ ਉਰਵਸ਼ੀ ਦੀ ਮਾਂ ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ।

ਉਸ ਨੇ ਅੱਗੇ ਕਿਹਾ, “ਮੈਂ ਸਭ ਤੋਂ ਯਾਦਗਾਰੀ ਤੇ ਪ੍ਰਸੰਸਾਯੋਗ ਪ੍ਰਦਰਸ਼ਨ ਪੇਸ਼ ਕਰਨਾ ਚਾਹੁੰਦੀ ਸੀ ਤੇ ਪੂਰੀ ਤਰ੍ਹਾਂ ਭਾਨੂਪ੍ਰਿਯਾ ਬਣਨਾ ਚਾਹੁੰਦਾ ਸੀ, ਜਿਸ ਨੂੰ ਸਮਰਪਣ ਦੀ ਲੋੜ ਸੀ। ਇਸ ਲਈ ਮੈਂ ਭਾਨੂਪ੍ਰਿਆ ਨੂੰ ਵੱਖਰੇ ਨਜ਼ਰੀਏ ਤੋਂ ਦਰਸਾਇਆ। ਭਾਨੂਪ੍ਰਿਆ ਦੀ ਅੰਦਰੂਨੀ ਸਮੱਸਿਆ ਵੱਲ ਧਿਆਨ ਕੇਂਦਰਤ ਕੀਤਾ ਤੇ ਫਿਰ ਇਸ ਮੁੱਦੇ ਨੂੰ ਜ਼ਾਹਰ ਕਰਨਾ ਬਹੁਤ ਜ਼ਰੂਰੀ ਸੀ।”

ਉਰਵਸ਼ੀ ਨੇ ਕਿਹਾ ਕਿ ਉਹ ਸੱਚਮੁੱਚ ਆਪਣੇ ਸਕਰੀਨ ਅਵਤਾਰ, ਭਾਨੂਪ੍ਰਿਯਾ ਦੇ ਗੁਣਾਂ ਦਾ ਅਹਿਸਾਸ ਕਰਨਾ ਚਾਹੁੰਦੀ ਸੀ।

ਉਰਵਸ਼ੀ ਨੇ ਕਿਹਾ, “ਭਾਨੂਪ੍ਰਿਯਾ ਦੇ ਕਿਰਦਾਰ ਲਈ ਮੈਂ ਸੱਤ ਕਿੱਲੋ ਭਾਰ ਵਧਾਇਆ ਹੈ ਤੇ ਮੈਂ ਇਹ ਕਹਿਣਾ ਚਾਹਾਂਗੀ ਕਿ ਕਿਰਦਾਰ ਦੀ ਤਿਆਰੀ ਅਭਿਨੇਤਰੀ ਵਜੋਂ ਓਨੀ ਹੀ ਹੈ ਜਿੰਨੀ ਇੱਕ ਪ੍ਰਦਰਸ਼ਨ ਦੇ ਤੌਰ 'ਚ, ਕਿਉਂਕਿ ਭਾਨੂਪ੍ਰਿਯਾ ਦੀਆਂ ਸਰੀਰਕ ਹਰਕਤਾਂ, ਬੋਲ-ਚਾਲ ਦਾ ਢੰਗ ਜਾਂ ਸ਼ਖਸੀਅਤ ਮੇਰੀ ਆਪਣੀ ਸ਼ਖਸੀਅਤ ਤੋਂ ਬਹੁਤ ਵੱਖਰੀ ਹੈ।”

ਉਸ ਦਾ ਕਹਿਣਾ ਹੈ ਕਿ ਇੱਕ ਅਭਿਨੇਤਰੀ ਹੋਣ ਦੇ ਨਾਤੇ ਇਹ ਚੁਣੌਤੀ ਉਸ ਲਈ ਸਰੀਰਕ, ਮਾਨਸਿਕ ਤੇ ਭਾਵਨਾਤਮਕ ਸੀ।

ਉਰਵਸ਼ੀ ਰੌਤੇਲਾ ਨੇ ਖੁਲਾਸਾ ਕੀਤਾ ਕਿ ਉਸ ਨੇ ਆਪਣੀ ਨਵੀਂ ਫਿਲਮ 'ਵਰਜਿਨ ਭਾਨੂਪ੍ਰਿਆ' ਵਿੱਚ ਮੁੱਖ ਭੂਮਿਕਾ ਲਈ ਸੱਤ ਕਿਲੋ ਭਾਰ ਵਧਾਇਆ ਸੀ।