Air Travel Rules: ਘਰੇਲੂ ਹਵਾਈ ਯਾਤਰੀਆਂ ਲਈ ਬੁਰੀ ਖ਼ਬਰ, ਜਾਣੋ ਜਹਾਜ਼ ਦੇ ਕੈਬਿਨ ਬਾਰੇ ਨਵੇਂ ਨਿਯਮ

Air Travel Rules

New Hand Baggage Rules: ਘਰੇਲੂ ਉਡਾਣ ਭਰਨ ਵਾਲੇ ਯਾਤਰੀਆਂ ਲਈ ਬੁਰੀ ਖ਼ਬਰ ਹੈ। ਹੁਣ ਸਫ਼ਰ ਦੌਰਾਨ ਘਰੇਲੂ ਹਵਾਈ ਯਾਤਰੀ ਜਹਾਜ਼ ਦੇ ਕੈਬਿਨ ਅੰਦਰ ਸਿਰਫ਼ ਇੱਕ ਬੈਗ ਲੈ ਕੇ ਹਵਾਈ ਸਫ਼ਰ ਕਰ ਸਕਣਗੇ।

ਹਵਾਈ ਯਾਤਰਾ ਦੌਰਾਨ ਯਾਤਰੀਆਂ ਨੂੰ ਹੁਣ ਜਹਾਜ਼ ਦੇ ਕੈਬਿਨ ਦੇ ਅੰਦਰ ਇੱਕ ਤੋਂ ਵੱਧ ਬੈਗ ਲੈ ਕੇ ਜਾਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਬਿਊਰੋ ਆਫ ਸਿਵਲ ਏਵੀਏਸ਼ਨ ਸਕਿਓਰਿਟੀ (BCAS) ਨੇ ਹਵਾਈ ਅੱਡਿਆਂ ਤੇ ਏਅਰਲਾਈਨਾਂ ਨੂੰ ਇਕ ਬੈਗ ਨਿਯਮਾਂ ਨੂੰ ਲਾਗੂ ਕਰਨ ਦਾ ਆਦੇਸ਼ ਜਾਰੀ ਕੀਤਾ ਹੈ।

ਬੀਸੀਏਐਸ ਨੇ ਏਅਰਪੋਰਟ ਆਪਰੇਟਰਾਂ ਤੇ ਏਅਰਲਾਈਨਜ਼ ਨੂੰ ਹੁਕਮ ਲਾਗੂ ਕਰਨ ਲਈ ਕਿਹਾ ਹੈ। ਦਰਅਸਲ, ਇਹ ਪਾਇਆ ਗਿਆ ਹੈ ਕਿ ਇੱਕ ਤੋਂ ਵੱਧ ਕੈਬਿਨ ਬੈਗੇਜ ਨਾਲ ਉਡਾਣ ਭਰਨ ਵਾਲੇ ਯਾਤਰੀਆਂ ਕਾਰਨ ਦੇਸ਼ ਭਰ ਦੇ ਹਵਾਈ ਅੱਡਿਆਂ 'ਤੇ ਸੁਰੱਖਿਆ ਜਾਂਚ ਕਾਊਂਟਰਾਂ 'ਤੇ ਕੰਮਕਾਜ ਠੱਪ ਹੋ ਰਿਹਾ ਹੈ।

ਬੀਸੀਏਐਸ ਨੇ ਆਪਣੇ ਆਦੇਸ਼ ਵਿੱਚ ਕਿਹਾ ਬੀਸੀਏਐਸ ਏਵੀਐਸਈਸੀ ਸਰਕੂਲਰ ਨੰਬਰ 06/200 ਦੇ ਅਨੁਸਾਰ ਕਿਸੇ ਵੀ ਯਾਤਰੀ ਨੂੰ ਸਰਕੂਲਰ ਵਿੱਚ ਪਹਿਲਾਂ ਤੋਂ ਸੂਚੀਬੱਧ ਚੀਜ਼ਾਂ ਤੋਂ ਇਲਾਵਾ ਔਰਤਾਂ ਦੇ ਬੈਗ ਸਮੇਤ ਇੱਕ ਤੋਂ ਵੱਧ ਬੈਗ ਲੈ ਕੇ ਜਾਣ ਦੀ ਆਗਿਆ ਨਹੀਂ ਹੋਣੀ ਚਾਹੀਦੀ।

BCAS ਦੇ ਅਨੁਸਾਰ ਇਹ ਦੇਖਿਆ ਗਿਆ ਹੈ ਕਿ ਔਸਤਨ ਯਾਤਰੀ ਸਕ੍ਰੀਨਿੰਗ ਪੁਆਇੰਟ ਤੱਕ 2 ਤੋਂ 3 ਹੈਂਡ ਬੈਗ ਲੈ ਕੇ ਜਾਂਦੇ ਹਨ। ਇਸ ਦੇ ਨਤੀਜੇ ਵਜੋਂ ਵਧੇਰੇ ਕਲੀਅਰੈਂਸ ਸਮਾਂ, PESC ਪੁਆਇੰਟ 'ਤੇ ਭੀੜ ਤੇ ਯਾਤਰੀਆਂ ਨੂੰ ਅਸੁਵਿਧਾ ਹੁੰਦੀ ਹੈ।

ਇਸ ਹੁਕਮ ਨੂੰ ਸਾਰੀਆਂ ਸਟੇਕਹੋਲਡਰ ਏਅਰਲਾਈਨਜ਼ ਦੁਆਰਾ ਲਾਗੂ ਕੀਤਾ ਜਾਣਾ ਚਾਹੀਦਾ ਹੈ। BCAS ਨੇ ਸਾਰੀਆਂ ਏਅਰਲਾਈਨਾਂ ਨੂੰ ਬੋਰਡਿੰਗ ਪਾਸਾਂ ਤੇ ਟਿਕਟਾਂ 'ਤੇ ਇਹ ਸੰਦੇਸ਼ ਛਾਪ ਕੇ ਯਾਤਰੀਆਂ ਨੂੰ ਸੂਚਿਤ ਕਰਨ ਲਈ ਕਿਹਾ ਹੈ।

ਬੀਸੀਏਐਸ ਦੇ ਆਦੇਸ਼ ਵਿੱਚ ਕਿਹਾ ਗਿਆ ਹੈ, "ਸਾਰੀਆਂ ਏਅਰਲਾਈਨਾਂ ਨੂੰ ਯਾਤਰੀਆਂ ਨੂੰ ਸੂਚਿਤ ਕਰਨ ਅਤੇ ਉਨ੍ਹਾਂ ਦੀਆਂ ਟਿਕਟਾਂ ਅਤੇ ਬੋਰਡਿੰਗ ਪਾਸਾਂ 'ਤੇ 'ਵਨ ਹੈਂਡ ਬੈਗ ਨਿਯਮ' ਨੂੰ ਸਪਸ਼ਟ ਤੌਰ 'ਤੇ ਪ੍ਰਦਰਸ਼ਿਤ ਕਰਨ ਦੇ ਨਿਰਦੇਸ਼ ਦਿੱਤੇ ਜਾਣੇ ਚਾਹੀਦੇ ਹਨ। ਇਹ ਜਾਣਕਾਰੀ ਯਾਤਰੀਆਂ ਨੂੰ ਸੂਚਿਤ ਕਰਨ ਲਈ ਕਿਹਾ ਗਿਆ ਹੈ।

ਹਵਾਈ ਅੱਡੇ ਦੇ ਸੰਚਾਲਕਾਂ ਨੂੰ ਹਵਾਈ ਅੱਡਿਆਂ 'ਤੇ SHA (ਸੁਰੱਖਿਆ ਹੋਲਡ ਏਰੀਆ) ਤੋਂ ਪਹਿਲਾਂ ਚੈੱਕ-ਇਨ ਕਾਊਂਟਰਾਂ, ਸੁਵਿਧਾਜਨਕ ਥਾਵਾਂ ਦੇ ਨੇੜੇ 'ਵਨ ਹੈਂਡ ਬੈਗ ਨਿਯਮ' ਦੀ ਸਮੱਗਰੀ ਨੂੰ ਦਰਸਾਉਂਦੇ ਹੋਰਡਿੰਗ, ਬੈਨਰ, ਬੋਰਡ, ਸਟੈਂਡ ਲਗਾਉਣ ਲਈ ਨਿਰਦੇਸ਼ ਦਿੱਤੇ ਗਏ ਹਨ ਤਾਂ ਜੋ ਯਾਤਰੀਆਂ ਨੂੰ ਇਸ ਸੰਦੇਸ਼ ਤੋਂ ਜਾਣੂ ਕਰਵਾਇਆ ਜਾ ਸਕੇ ਅਤੇ ਉਹ ਆਪਣੇ ਵਾਧੂ ਹੈਂਡ ਬੈਗ ਨੂੰ ਰਜਿਸਟਰਡ ਸਮਾਨ ਵਿੱਚ ਬਦਲ ਸਕਦੇ ਹਨ।