IRCTC Tour: ਸਿੱਕਮ ਘੁੰਮਣ ਦਾ ਵਧੀਆ ਮੌਕਾ ਲਿਆਇਆ ਰੇਲਵੇ, ਮਹਿਜ਼ ਇੰਨ੍ਹਾ ਕੁ ਆਵੇਗਾ ਖ਼ਰਚਾ, ਜਾਣੋ

IRCTC Sikkim Tour: ਸਿੱਕਮ ਦਾ ਗੰਗਟੋਕ ਮਸ਼ਹੂਰ ਸੈਰ-ਸਪਾਟਾ ਸਥਾਨਾਂ ਵਿੱਚੋਂ ਇੱਕ ਹੈ ਜਿੱਥੇ ਹਰ ਸਾਲ ਹਜ਼ਾਰਾਂ ਸੈਲਾਨੀ ਆਉਂਦੇ ਹਨ। ਇੱਥੇ ਅਸੀਂ ਤੁਹਾਨੂੰ ਇਸ ਸਥਾਨ ਨਾਲ ਸਬੰਧਤ IRCTC ਦੇ ਵਿਸ਼ੇਸ਼ ਟੂਰ ਬਾਰੇ ਦੱਸ ਰਹੇ ਹਾਂ।

ਸਿੱਕਮ ਘੁੰਮਣ ਦਾ ਵਧੀਆ ਮੌਕਾ ਲਿਆਇਆ ਰੇਲਵੇ, ਮਹਿਜ਼ ਇੰਨ੍ਹਾ ਕੁ ਆਵੇਗਾ ਖ਼ਰਚਾ, ਜਾਣੋ

ਉੱਤਰ-ਪੂਰਬੀ ਰਾਜ ਸਿੱਕਮ ਆਪਣੀ ਸੁੰਦਰਤਾ ਲਈ ਪੂਰੇ ਦੇਸ਼ ਵਿੱਚ ਜਾਣਿਆ ਜਾਂਦਾ ਹੈ। ਜੇਕਰ ਤੁਸੀਂ ਨਵੰਬਰ ਵਿੱਚ ਸਿੱਕਮ ਜਾਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ IRCTC ਤੁਹਾਡੇ ਲਈ ਇੱਕ ਸ਼ਾਨਦਾਰ ਟੂਰ ਪੈਕੇਜ ਲੈ ਕੇ ਆਇਆ ਹੈ।

ਇਸ ਪੈਕੇਜ ਦਾ ਨਾਂ ਨਾਰਥ ਸਿੱਕਮ ਡਿਲਾਈਟ ਹੈ। ਇਹ ਇੱਕ ਰੇਲ ਟੂਰ ਪੈਕੇਜ ਹੈ ਜੋ 20 ਨਵੰਬਰ 2023 ਤੋਂ ਸ਼ੁਰੂ ਹੋਵੇਗਾ।

ਇਹ ਪੈਕੇਜ ਪੂਰੇ 8 ਦਿਨ ਅਤੇ 7 ਰਾਤਾਂ ਲਈ ਹੈ। ਇਸ ਪੈਕੇਜ ਵਿੱਚ ਤੁਸੀਂ ਸੀਲਦਾਹ ਰੇਲਵੇ ਸਟੇਸ਼ਨ ਤੋਂ ਟ੍ਰੇਨ ਰਾਹੀਂ ਨਿਊ ਜਲਪਾਈਗੁੜੀ ਜਾਵੋਗੇ। ਇਸ ਤੋਂ ਬਾਅਦ ਗੰਗਟੋਕ ਪਹੁੰਚ ਕੇ ਤੁਹਾਡਾ ਟੂਰ ਸ਼ੁਰੂ ਹੋਵੇਗਾ।

ਇਸ ਪੈਕੇਜ ਵਿੱਚ, ਗੰਗਟੋਕ ਤੋਂ ਇਲਾਵਾ, ਤੁਹਾਨੂੰ ਲਾਚੇਨ, ਗੁਰੂਡੋਂਗਰ ਝੀਲ, ਲਾਚੁੰਗ ਅਤੇ ਯੁਮਥਾਂਗ ਵੈਲੀ ਵਰਗੀਆਂ ਕਈ ਥਾਵਾਂ ਦਾ ਦੌਰਾ ਕਰਨ ਦਾ ਮੌਕਾ ਮਿਲੇਗਾ।

ਇਸ ਪੈਕੇਜ 'ਚ ਤੁਹਾਨੂੰ ਹਰ ਜਗ੍ਹਾ ਹੋਟਲਾਂ 'ਚ ਠਹਿਰਣ ਦੀ ਸਹੂਲਤ ਮਿਲੇਗੀ। ਇਸ ਵਿੱਚ ਤੁਹਾਨੂੰ ਨਾਸ਼ਤੇ ਅਤੇ ਰਾਤ ਦੇ ਖਾਣੇ ਦੀ ਸਹੂਲਤ ਵੀ ਮਿਲੇਗੀ। ਹਰ ਕਿਸੇ ਨੂੰ IRCTC ਮੈਨੇਜਰ ਦੀ ਸਹੂਲਤ ਵੀ ਮਿਲੇਗੀ।

ਇਸ ਪੈਕੇਜ 'ਚ ਜੇਕਰ ਤੁਸੀਂ ਇਕੱਲੇ ਸਫਰ ਕਰਦੇ ਹੋ ਤਾਂ ਤੁਹਾਨੂੰ 41,800 ਰੁਪਏ, ਦੋ ਲੋਕਾਂ ਲਈ 31,500 ਰੁਪਏ ਅਤੇ ਤਿੰਨ ਲੋਕਾਂ ਲਈ 30,500 ਰੁਪਏ ਪ੍ਰਤੀ ਵਿਅਕਤੀ ਦੇਣੇ ਹੋਣਗੇ।