ਆਮਿਰ ਖਾਨ ਦੀ ਧੀ ਨੂੰ ਉਨ੍ਹਾਂ ਦੇ ਫਿਟਨੈੱਸ ਕੋਚ ਨਾਲ ਇਸ਼ਕ, ਨੁਪੁਰ ਸ਼ਿਖਰੇ ਨੂੰ ਦਿਲ ਦੇ ਬੈਠੀ ਇਰਾ ਖਾਨ

ਬਾਲੀਵੁੱਡ ਸੁਪਰਸਟਾਰ ਆਮਿਰ ਖਾਨ ਦੀ ਬੇਟੀ ਇਰਾ ਖਾਨ ਸਭ ਤੋਂ ਪਾਪੂਲਰ ਸਟਾਰ ਕਿਡਸ 'ਚੋਂ ਇੱਕ ਹੈ। ਹਾਲਾਂਕਿ ਇਰਾ ਨੇ ਅਜੇ ਬਾਲੀਵੁੱਡ 'ਚ ਐਂਟਰੀ ਨਹੀਂ ਕੀਤੀ ਪਰ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਕਾਫੀ ਫੈਨ ਫੌਲੋਇੰਗ ਹੈ। ਫਿਲਹਾਲ ਇਰਾ ਆਪਣੀ ਲਵ ਲਾਈਫ ਨੂੰ ਲੈ ਕੇ ਕਾਫੀ ਸੁਰਖੀਆਂ 'ਚ ਹੈ। ਦਰਅਸਲ ਇਰਾ ਨੇ ਵੈਲੇਨਟਾਇਨ ਡੇਅ ਤੋਂ ਪਹਿਲਾਂ ਹੀ ਖੁੱਲ੍ਹ-ਮ-ਖੁੱਲਾ ਆਪਣੇ ਪਿਆਰ ਦਾ ਇਜ਼ਹਾਰ ਕਰ ਦਿੱਤਾ ਹੈ। ਇਰਾ ਨੇ ਫਿੱਟਨੈਸ ਟ੍ਰੇਨਰ ਨੁਪੁਰ ਸ਼ਿਖਰੇ ਨਾਲ ਆਪਣੇ ਰਿਲੇਸਨਸ਼ਿਪ 'ਤੇ ਮੋਹਰ ਲਾ ਦਿੱਤੀ ਹੈ।

ਵੈਲੇਨਟਾਇਨ ਡੇਅ ਤੋਂ ਪਹਿਲਾਂ ਪ੍ਰੌਮਿਸ ਡੇਅ ਮੌਕੇ ਇਰਾ ਨੇ ਨੁਪੁਰ ਨੂੰ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦਿਆਂ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸ਼ੇਅਰ ਕੀਤੀ ਹੈ।

ਇਰਾ ਨੇ ਨੁਪੁਰ ਦੇ ਨਾਲ ਕਈ ਰੋਮਾਂਟਿਕ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਜਿਨ੍ਹਾਂ 'ਚ ਉਹ ਉਨ੍ਹਾਂ ਦੀਆਂ ਅੱਖਾਂ 'ਚ ਅੱਖਾਂ ਪਾਕੇ ਦੇਖ ਰਹੀ ਹੈ। ਇਰਾ ਨੇ ਲਿਖਿਆ, 'ਤੁਹਾਡੇ ਨਾਲ ਤੇ ਤੁਹਾਡੇ ਲਈ ਵਾਅਦੇ ਕਰਨਾ ਮੇਰੇ ਲਈ ਸਨਮਾਨ ਦੀ ਗੱਲ ਹੈ।' ਇਰਾ ਨੇ ਪੋਸਟ 'ਚ ਨੁਪੁਰ ਨੂੰ ਡ੍ਰੀਮ ਬੁਆਏ ਦੱਸਿਆ। ਇਰਾ ਦੀ ਇਹ ਪੋਸਟ ਦੇਖ ਕੇ ਉਨ੍ਹਾਂ ਦੇ ਫ੍ਰੈਂਡਸ ਤੇ ਦੋਸਤਾਂ ਨੇ ਉਨ੍ਹਾਂ ਨੂੰ ਵਧਾਈ ਦੇਣੀ ਸ਼ੁਰੂ ਕਰ ਦਿੱਤੀ।

ਇਰਾ ਤੇ ਨੁਪੁਰ ਆਮਿਰ ਖਾਨ ਦੇ ਮਹਾਬਲੇਸ਼ਰਮ ਫਾਰਮ ਹਾਊਸ 'ਤੇ ਛੁੱਟੀਆਂ ਮਨਾਾਉਣ ਵੀ ਗਏ ਸਨ। ਇਸ ਦੌਰਾਨ ਦੋਵਾਂ ਨੇ ਇਕ ਦੂਜੇ ਦੇ ਨਾਲ ਕਾਫੀ ਸਮਾਂ ਗੁਜ਼ਾਰਿਆ ਸੀ। ਖ਼ਬਰਾਂ ਇਹ ਵੀ ਹਨ ਕਿ ਇਰਾ ਨੇ ਨੁਪੁਰ ਦੀ ਮੁਲਾਕਾਤ ਆਪਣੀ ਮਾਂ ਰੀਨਾ ਦੱਤਾ ਨਾਲ ਵੀ ਕਰਵਾਈ ਸੀ। ਦੋਵਾਂ ਨੇ ਦੀਵਾਲੀ ਦਾ ਤਿਉਹਾਰ ਵੀ ਇਕੱਠਿਆਂ ਸੈਲੀਬ੍ਰੇਟ ਕੀਤਾ ਸੀ।

ਮਿਸ਼ਾਲ ਕ੍ਰਿਪਲਾਨੀ ਨਾਲ ਬ੍ਰੇਕਅਪ ਤੋਂ ਬਾਦ ਇਰਾ ਨੂੰ ਨੁਪੁਰ ਨਾਲ ਪਿਆਰ ਹੋਇਆ। ਖ਼ਬਰਾਂ ਦੀ ਮੰਨੀਏ ਤਾਂ ਇਰਾ ਨੂੰ ਕੋਵਿਡ ਲੌਕਡਾਊਨ ਦੌਰਾਨ ਨੁਪੁਰ ਸ਼ਿਖਰੇ ਨਾਲ ਇਸ਼ਕ ਹੋਇਆ। ਨੁਪੁਰ ਉਨ੍ਹਾਂ ਦੇ ਪਿਤਾ ਦਾ ਫਿਟਨੈਸ ਕੋਚ ਹੈ।

ਨੁਪੁਰ ਦੇ ਨਾਲ ਇਰਾ ਦੇ ਰਿਸ਼ਤੇ ਦੀਆਂ ਖ਼ਬਰਾਂ ਪਿਛਲੇ ਸਾਲ ਅਕਤੂਬਰ 'ਚ ਉੱਡਣ ਲੱਗੀਆਂ ਸਨ ਜਦੋਂ ਇਰਾ ਨੇ ਉਨ੍ਹਾਂ ਦੇ ਨਾਂ ਦਾ ਟੈਟੂ ਬਣਵਾ ਲਿਆ ਸੀ।

ਕੁਝ ਸਮਾਂ ਪਹਿਲਾਂ ਇਰਾ ਨੇ ਖੁਲਾਸਾ ਕੀਤਾ ਸੀ ਕਿ ਉਹ ਪਿਛਲੇ ਸਾਲ ਤੋਂ ਕਲੀਨੀਕਲ ਡਿਪ੍ਰੈਸ਼ਨ ਨਾਲ ਜੂਝ ਰਹੀ ਹੈ। ਇਨ੍ਹਾਂ ਦਿਨਾਂ 'ਚ ਵੀ ਉਹ ਇਸ ਤੋਂ ਉੱਭਰ ਨਹੀਂ ਸਕੀ। ਰੋਣਾ, ਖਾਣਾ ਤੇ ਸੌਣਾ ਹੀ ਉਨ੍ਹਾਂ ਦੀ ਇਕ ਮਾਤਰ ਰੁਟੀਨ ਬਣ ਕੇ ਰਹਿ ਗਈ ਹੈ।

ਦਸੰਬਰ 2019 'ਚ ਇਰਾ ਤੇ ਮਿਊਜ਼ਿਕ ਕੰਪੋਜ਼ਰ ਮਿਸ਼ਾਲ ਦਾ ਬ੍ਰੇਕਅਪ ਹੋ ਗਿਆ। 23 ਸਾਲ ਦੀ ਇਰਾ ਨੇ ਆਪਣੇ ਬ੍ਰੇਕਅਪ ਨੂੰ ਲੈਕੇ ਇੰਸਟਾਗ੍ਰਾਮ 'ਤੇ ਇਕ ਪੋਸਟ ਵੀ ਸ਼ੇਅਰ ਕੀਤੀ ਸੀ।

(Photo Credit- Ira Khan Instagram)