Sridevi: ਸ਼੍ਰੀਦੇਵੀ ਨੂੰ Harassment ਦਾ ਕਰਨਾ ਪਿਆ ਸਾਹਮਣਾ, ਅਦਾਕਾਰਾ ਤੋਂ ਬਦਲਾ ਲੈਣ ਲਈ ਸ਼ਖਸ਼ ਨੇ ਪੈਰਾਂ 'ਤੇ ਚੜ੍ਹਾਈ ਸੀ ਜੀਪ

Sridevi Talked About Harassment: ਸ਼੍ਰੀਦੇਵੀ ਭਾਰਤੀ ਸਿਨੇਮਾ ਦੀ ਪਹਿਲੀ ਮਹਿਲਾ ਸੁਪਰਸਟਾਰ ਸੀ। ਉਸਨੇ ਸਿਰਫ 4 ਸਾਲ ਦੀ ਉਮਰ ਵਿੱਚ ਫਿਲਮ ਥੁਨਾਇਵਨ ਨਾਲ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਕੀਤੀ।

Sridevi Talked About Harassment

ਇਸ ਤੋਂ ਬਾਅਦ ਸਾਊਥ ਤੋਂ ਲੈ ਕੇ ਬਾਲੀਵੁੱਡ ਤੱਕ ਉਨ੍ਹਾਂ ਨੇ ਕਈ ਸੁਪਰਹਿੱਟ ਫਿਲਮਾਂ ਦਿੱਤੀਆਂ। ਉਹ 300 ਤੋਂ ਵੱਧ ਬਲਾਕਬਸਟਰ ਫਿਲਮਾਂ ਦੇ ਨਾਲ ਆਪਣੇ ਦੌਰ ਦੀ ਸਭ ਤੋਂ ਸਫਲ ਅਭਿਨੇਤਰੀ ਸੀ।

ਉਹ ਅਜਿਹੀ ਅਭਿਨੇਤਰੀ ਸੀ ਜੋ ਪੁਰਸ਼ ਸਟਾਰਸ ਨਾਲੋਂ ਵੱਧ ਫੀਸ ਲੈਂਦੀ ਸੀ। ਜਦੋਂ ਸ਼੍ਰੀਦੇਵੀ ਨੇ 15 ਸਾਲ ਦੇ ਬ੍ਰੇਕ ਤੋਂ ਬਾਅਦ 'ਇੰਗਲਿਸ਼ ਵਿੰਗਲਿਸ਼' ਨਾਲ ਵਾਪਸੀ ਕੀਤੀ ਤਾਂ ਉਨ੍ਹਾਂ ਦੀ ਇਹ ਫਿਲਮ ਸੁਪਰਹਿੱਟ ਸਾਬਤ ਹੋਈ। ਪਰ ਇੱਕ ਸਮਾਂ ਅਜਿਹਾ ਵੀ ਸੀ ਜਦੋਂ ਸ਼੍ਰੀਦੇਵੀ ਨੂੰ ਵੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ ਸੀ। ਅਦਾਕਾਰਾ ਨੇ ਖੁਦ ਇਸ ਗੱਲ ਦਾ ਖੁਲਾਸਾ ਕੀਤਾ।

ਸ਼੍ਰੀਦੇਵੀ ਆਪਣੇ ਸਮੇਂ ਦੀ ਸਭ ਤੋਂ ਖੂਬਸੂਰਤ ਅਭਿਨੇਤਰੀਆਂ ਵਿੱਚੋਂ ਇੱਕ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਜ਼ਿੰਦਗੀ 'ਚ ਅਜਿਹੇ ਕਈ ਕਿੱਸੇ ਰਹੇ ਜਿਨ੍ਹਾਂ ਬਾਰੇ ਬਹੁਤ ਘੱਟ ਲੋਕ ਜਾਣਦੇ ਹਨ।

ਪਰ ਕਿਹਾ ਜਾਂਦਾ ਹੈ ਕਿ ਹਰ ਚੀਜ਼ ਜੋ ਚਮਕਦੀ ਹੈ ਉਹ ਸੋਨਾ ਨਹੀਂ ਹੁੰਦਾ। ਅਜਿਹਾ ਹੀ ਕੁਝ ਸ਼੍ਰੀਦੇਵੀ ਨਾਲ ਹੋਇਆ। ਇੰਨੇ ਸਫਲ ਕਰੀਅਰ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਇੰਡਸਟਰੀ 'ਚ ਮਾਨਸਿਕ ਤਸ਼ੱਦਦ ਦਾ ਸਾਹਮਣਾ ਕਰਨਾ ਪਿਆ।

ਬਾਲੀਵੁੱਡ ਸ਼ਾਦੀਜ਼ ਦੇ ਅਨੁਸਾਰ, ਇੱਕ ਵਾਰ ਇੱਕ ਇੰਟਰਵਿਊ ਵਿੱਚ ਸ਼੍ਰੀਦੇਵੀ ਨੂੰ ਪੁੱਛਿਆ ਗਿਆ ਸੀ ਕਿ ਉਹ ਬਾਲੀਵੁੱਡ ਵਿੱਚ ਇੱਕ ਬੰਦ ਜ਼ਿੰਦਗੀ ਜਿਉਣ ਦੇ ਬਾਵਜੂਦ ਵੀ ਵੱਖ-ਵੱਖ ਭੂਮਿਕਾਵਾਂ ਕਿਵੇਂ ਨਿਭਾਉਂਦੀ ਹੈ।

ਜਿਸ ਦੇ ਜਵਾਬ 'ਚ ਅਭਿਨੇਤਰੀ ਨੇ ਕਿਹਾ, ਇੱਕ ਵਾਰ ਇੱਕ ਪੁਰਸ਼ ਐਕਟਰ ਉਸ ਨੂੰ ਲਗਾਤਾਰ ਕੁਝ ਨਾ ਕੁਝ ਬੋਲ ਰਿਹਾ ਸੀ। ਜਦੋਂ ਉਹ ਉਸਨੂੰ ਲਗਾਤਾਰ ਜਵਾਬ ਦਿੰਦੀ ਰਹੀ ਤਾਂ ਉਸਨੂੰ ਵੀ ਗੁੱਸਾ ਆ ਗਿਆ। ਫਿਰ ਜਦੋਂ ਉਸ ਸ਼ਖਸ਼ ਨੇ ਫਿਲਮ ਦੇ ਇੱਕ ਸੀਨ ਵਿੱਚ ਸ਼੍ਰੀਦੇਵੀ ਦਾ ਪਿੱਛਾ ਕਰਨਾ ਸੀ ਤਾਂ ਉਨ੍ਹਾਂ ਤੋਂ ਬਦਲਾ ਲੈਣ ਉਸਨੇ ਜੀਪ ਅਦਾਕਾਰਾ ਦੇ ਪੈਰਾਂ 'ਤੇ ਚੜ੍ਹਾ ਦਿੱਤੀ। ਅਦਾਕਾਰਾ ਨੇ ਕਿਹਾ, "ਲੋਕ ਸੋਚਦੇ ਹਨ ਕਿ ਮੈਂ ਕੁਝ ਅਨੁਭਵ ਨਹੀਂ ਕੀਤਾ, ਪਰ ਮੈਂ ਜ਼ਿੰਦਗੀ ਵਿੱਚ ਬਹੁਤ ਦੁੱਖ ਝੱਲਿਆ ਹੈ।"

ਤੁਸੀ ਸ਼੍ਰੀਦੇਵੀ ਦਾ ਮਸ਼ਹੂਰ ਗੀਤ 'ਨਾ ਜਾਨੇ ਕਹਾਂ ਸੇ ਆਯੀ ਹੈ' ਸੁਣਿਆ ਹੋਵੇਗਾ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸ਼੍ਰੀਦੇਵੀ ਨੇ ਇਸ ਨੂੰ 103 ਡਿਗਰੀ ਬੁਖਾਰ 'ਚ ਸ਼ੂਟ ਕੀਤਾ ਸੀ। ਸ਼੍ਰੀਦੇਵੀ ਆਪਣੇ ਕੰਮ ਨੂੰ ਲੈ ਕੇ ਬਹੁਤ ਗੰਭੀਰ ਸੀ, ਸ਼ਾਇਦ ਇਹੀ ਵਜ੍ਹਾ ਹੈ ਕਿ ਅੱਜ ਤੱਕ ਕੋਈ ਵੀ ਅਭਿਨੇਤਰੀ ਦੀ ਕਾਮਯਾਬੀ ਦੀਆਂ ਬੁਲੰਦੀਆਂ ਨੂੰ ਛੂਹ ਨਹੀਂ ਸਕਿਆ ਹੈ।