11 ਸਾਲ ਪੁਰਾਣਾ ਰਿਸ਼ਤਾ ਤੋੜ ਕੇ ਦੀਆ ਮਿਰਜਾ ਅੱਜ ਕਰਵੇਗੀ ਦੂਜਾ ਵਿਆਹ, ਵੈਭਵ ਰੇਖੀ 'ਤੇ ਆਇਆ ਦੀਆ ਦਾ ਦਿਲ

ਸਾਲ 2002 'ਚ ਫ਼ਿਲਮ 'ਰਹਨਾ ਹੈ ਤੇਰੇ ਦਿਲ ਮੇ' ਤੋਂ ਆਪਣੇ ਬਾਲੀਵੁੱਡ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਅਦਾਕਾਰਾ ਦੀਆ ਮਿਰਜਾ ਅੱਜ ਇੱਕ ਵਾਰ ਫਿਰ ਤੋਂ ਵਿਆਹ ਬੰਧਨ 'ਚ ਬੱਝਣ ਜਾ ਰਹੀ ਹੈ। ਦੀਆ ਮਿਰਜਾ ਦੇ ਦੁਬਾਰਾ ਹੋਣ ਵਾਲੇ ਵਿਆਹ ਦੀਆਂ ਸਾਰੀਆਂ ਰਸਮਾਂ ਮੁੰਬਈ 'ਚ ਨਿਭਾਈਆਂ ਜਾਣਗੀਆਂ।

39 ਸਾਲ ਦੀ ਉਮਰ 'ਚ ਦੀਆ ਇਕ ਵਾਰ ਫਿਰ ਆਪਣੀ ਲਵ ਲਾਈਫ ਨੂੰ ਲੈ ਕੇ ਸੁਰਖੀਆਂ 'ਚ ਆ ਗਈ ਹੈ।

ਦੀਆ ਮਿਰਜਾ ਦਾ ਵਿਆਹ ਅੱਜ 15 ਫਰਵਰੀ ਨੂੰ ਹੋਵੇਗਾ ਜਿਸ ਸ਼ਖਸ ਨਾਲ ਦੀਆ ਵਿਆਹ ਕਰਨ ਜਾ ਰਹੀ ਹੈ ਉਸ ਦਾ ਨਾਂ ਹੈ ਵੈਭਵ ਰੇਖੀ।

ਵੈਭਵ ਰੇਖੀ ਪੇਸ਼ੇ ਤੋਂ ਇਕ ਬਿਜ਼ਨਸਮੈਨ ਹੈ ਤੇ ਦੀਆ ਤੇ ਵੈਭਵ ਕੁਝ ਸਮੇਂ ਤੋਂ ਦੋਸਤ ਦੇ ਤੌਰ 'ਤੇ ਇੱਕ ਦੂਜੇ ਨੂੰ ਜਾਣਦੇ ਹਨ। ਉਹ ਮੁੰਬਈ ਦੇ ਪਾਲੀ ਹਿਲ ਇਲਾਕੇ 'ਚ ਰਹਿੰਦੇ ਹਨ।

ਦੀਆ ਮਿਰਜਾ ਤੇ ਵੈਭਵ ਰੇਖੀ ਦਾ ਵਿਆਹ ਇਕ ਬੇਹੱਦ ਸਧਾਰਨ ਤਰੀਕੇ ਨਾਲ ਹੋਵੇਗਾ। ਦੋਵੇਂ ਪਰਿਵਾਰਾਂ ਤੋਂ ਕੁਝ ਚੋਣਵੇਂ ਲੋਕ ਇਸ ਵਿਆਹ 'ਚ ਸ਼ਿਰਕਤ ਕਰਨਗੇ।

ਵਿਆਹ ਦੀਆਂ ਤਮਾਮ ਰਸਮਾਂ ਕਾਫੀ ਲੋ ਪ੍ਰੋਫਾਈਲ ਅੰਦਾਜ਼ 'ਚ ਨਿਭਾਈਆਂ ਜਾਣਗੀਆਂ।

ਇਸ ਤੋਂ ਪਹਿਲਾਂ ਦੀਆ ਮਿਰਜਾ ਨੇ ਸਾਹਿਲ ਸੰਗਾ ਨਾਮਕ ਵਿਅਕਤੀ ਨਾਲ 2014 'ਚ ਵਿਆਹ ਕਰਵਾਇਆ ਸੀ ਜਿੰਨ੍ਹਾਂ ਨਾਲ ਮਿਲ ਕੇ ਉਹ ਇਕ ਪ੍ਰੋਡਕਸ਼ਨ ਹਾਊਸ ਵੀ ਚਲਾਉਂਦੀ ਸੀ।

ਦੋਵਾਂ ਦਾ ਵਿਆਹ ਪੰਜ ਸਾਲ ਚੱਲਿਆ। ਪਰ 2019 'ਚ ਦੀਆ ਮਿਰਜਾ ਨੇ ਸੋਸ਼ਲ ਮੀਡੀਆ 'ਚ ਪਾਏ ਇਕ ਪੋਸਟ ਜ਼ਰੀਏ ਦੁਨੀਆਂ ਨੂੰ ਦੱਸਿਆ ਸੀ ਕਿ ਕਿਹੜੇ ਕਾਰਨਾਂ ਤੋਂ ਹੁਣ ਸਾਹਿਲ ਤੇ ਉਹ ਵੱਖ ਹੋ ਰਹੇ ਹਨ ਤੇ ਹੁਣ ਉਹ ਇਸ ਰਿਸ਼ਤੇ ਤੋਂ ਅੱਗੇ ਨਿੱਕਲ ਚੁੱਕੀ ਹੈ।

ਦੀਆ ਨੇ ਇਸ ਪੋਸਟ ਦੇ ਮਾਧਿਅਮ ਤੋਂ ਲਿਖਿਆ ਸੀ ਕਿ ਦੋਵਾਂ ਨੇ 11 ਸਾਲ ਪੁਰਾਣੇ ਰਿਸ਼ਤੇ ਨੂੰ ਖਤਮ ਕਰਨ ਦਾ ਫੈਸਲਾ ਲਿਆ ਹੈ। ਪਰ ਦੋਵਾਂ ਦੇ ਵਿਚ ਕਿਸੇ ਤਰ੍ਹਾਂ ਦੀ ਕੜਵਾਹਟ ਨਹੀਂ ਹੈ ਤੇ ਇਸ ਰਿਸ਼ਤੇ ਲਈ ਉਹ ਸਾਹਿਲ ਦੀ ਸ਼ੁਕਰਗੁਜ਼ਾਰ ਹੈ।