ਪੰਜਾਬੀ ਅਦਾਕਾਰਾ ਸਰਗੁਣ ਮਹਿਤਾ ਨੇ ਐਮੀ ਵਿਰਕ ਨੂੰ ਮਸਤੀ ਭਰੇ ਅੰਦਾਜ਼ 'ਚ ਦਿੱਤੀਆਂ ਜਨਮ ਦਿਨ ਦੀਆਂ ਵਧਾਈਆਂ, ਤਸਵੀਰਾਂ ਦੇਖ ਤੁਹਾਡੀ ਵੀ ਨਿਕਲ ਜਾਵੇਗਾ ਹਾਸਾ

Amy virk birthday

Sargun Mehta New Post: ਪੰਜਾਬ ਦੇ ਮਸ਼ਹੂਰ ਅਦਾਕਾਰ ਤੇ ਗਾਇਕ ਐਮੀ ਵਿਰਕ ਨੇ 11 ਮਈ ਨੂੰ ਆਪਣਾ ਜਨਮ ਦਿਨ ਮਨਾਇਆ ਹੈ। ਇਸ ਮੌਕੇ 'ਤੇ ਕਈ ਸਿਤਾਰਿਆਂ ਨੇ ਸੋਸ਼ਲ ਮੀਡੀਆ ਰਾਹੀਂ ਉਨ੍ਹਾਂ ਨੂੰ ਵਧਾਈ ਦਿੱਤੀ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਫਿਲਮ 'ਸੌਕਣ ਸੌਂਕਣੇ' ਦੀ ਕੋਸਟਾਰ ਸਰਗੁਣ ਮਹਿਤਾ ਨੇ ਵੀ ਐਮੀ ਲਈ ਇਕ ਪੋਸਟ ਸ਼ੇਅਰ ਕੀਤੀ ਹੈ। ਜਿਸ 'ਚ ਉਨ੍ਹਾਂ ਨੇ ਫਿਲਮ ਦੀ ਸ਼ੂਟਿੰਗ ਦੀਆਂ ਕੁਝ ਤਸਵੀਰਾਂ ਦਿਖਾਈਆਂ ਹਨ ਤੇ ਐਮੀ ਨੂੰ ਜਨਮ ਦਿਨ ਦੀ ਵਧਾਈ ਦਿੱਤੀ ਹੈ।

ਅਸਲ ਵਿੱਚ ਐਮੀ ਤੇ ਸਰਗੁਣ ਇੱਕ ਦੂਜੇ ਨਾਲ ਦੋਸਤੀ ਵਾਲਾ ਬੌਂਡ ਸ਼ੇਅਰ ਕਰਦੇ ਹਨ। 13 ਮਈ ਨੂੰ ਦੋਵਾਂ ਦੀ ਫਿਲਮ 'ਸੌਕਣ ਸੌਂਕਣੇ' ਵੀ ਰਿਲੀਜ਼ ਹੋਣ ਜਾ ਰਹੀ ਹੈ।

ਅਜਿਹੇ 'ਚ ਦੋਵੇਂ ਫਿਲਮ ਦੀ ਪ੍ਰਮੋਸ਼ਨ 'ਚ ਰੁੱਝੇ ਹੋਏ ਹਨ। ਇਸ ਵਿਅਸਤ ਸ਼ੈਡਿਊਲ ਦੇ ਵਿਚਕਾਰ ਸਰਗੁਣ ਨੇ ਐਮੀ ਨੂੰ ਜਨਮ ਦਿਨ ਦੀ ਵਧਾਈ ਦਿੱਤੀ ਹੈ।

ਸਰਗੁਣ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਫਿਲਮ ਦੇ ਸੈੱਟ ਤੋਂ ਐਮੀ ਨਾਲ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਜਿਸ ਵਿੱਚ ਅਦਾਕਾਰਾ ਨਿਮਰਤ ਖਹਿਰਾ ਵੀ ਨਜ਼ਰ ਆ ਰਹੀ ਹੈ।

ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਸਰਗੁਣ ਨੇ ਲਿਖਿਆ, ਐਮੀ ਨੂੰ ਜਨਮਦਿਨ ਮੁਬਾਰਕ। ਰੱਬ ਕਰੇ ਤੇਰੀ ਏਹੋ ਜਿਹੀ ਹਲਤ ਕੋਈ ਹੋਰ ਨਾ ਕਰੇ। ਮੇਰੇ ਯਾਰ ਨੂੰ ਬਹੁਤ ਸਾਰਾ ਪਿਆਰ ਸੋਨੇ ਦੇ ਦਿਲ ਨਾਲ। ਰੱਬ ਕਰੇ ਤੇਰੀ ਤੇ ਇਹ ਫਿਲਮ ਚੰਗੀ ਚੱਲੇ।