ਰੌਸ਼ਨ ਪ੍ਰਿੰਸ ਦੀ ਫ਼ਿਲਮ 13Teen ਦੀ ਸ਼ੂਟਿੰਗ ਸ਼ੁਰੂ, ਰੌਸ਼ਨ ਪ੍ਰਿੰਸ ਲਈ ਹੋਵੇਗੀ ਚੁਣੌਤੀ

ਪੰਜਾਬੀ ਗਾਇਕ ਤੇ ਅਦਾਕਾਰ ਰੋਸ਼ਨ ਪ੍ਰਿੰਸ ਦੀ ਪੰਜਾਬੀ ਫ਼ਿਲਮ 13Teen ਦਾ ਸ਼ੂਟ ਸ਼ੁਰੂ ਹੋ ਗਿਆ ਹੈ। ਅਦਾਕਾਰ ਨੇ ਸੈੱਟ ਤੋਂ ਕੁਝ ਤਸਵੀਰ ਸਾਂਝੀਆਂ ਕੀਤੀਆਂ ਹਨ।

ਅੱਜ ਫ਼ਿਲਮ ਦੇ ਸ਼ੂਟ ਦਾ ਪਹਿਲਾ ਦਿਨ ਸੀ। ਫ਼ਿਲਮ 13Teen ਦੀ ਕਹਾਣੀ ਰੋਸ਼ਨ ਪ੍ਰਿੰਸ ਨੇ ਖੁਦ ਲਿਖੀ ਹੈ।

ਫ਼ਿਲਮ ਨੂੰ ਰੋਸ਼ਨ ਪ੍ਰਿੰਸ ਡਾਇਰੈਕਟ ਵੀ ਕਰ ਰਹੇ ਨੇ ਤੇ ਲੀਡ ਕਿਰਦਾਰ ਕਰਦੇ ਵੀ ਨਜ਼ਰ ਆਉਣਗੇ।

ਰੋਸ਼ਨ ਪ੍ਰਿੰਸ ਇਸ ਤੋਂ ਪਹਿਲਾ ਨਾਨਕਾ ਮੇਲ , ਲਾਵਾਂ ਫੇਰੇ , ਮੁੰਡਾ ਫਰੀਦਕੋਟੀਆ , ਮੈਂ ਤੇਰੀ ਤੂੰ ਮੇਰਾ , ਇਸ਼ਕ ਬਰਾਂਡੀ , ਅਰਜਨ , ਮੁੰਡਿਆਂ ਤੋਂ ਬੱਚ ਕੇ ਰਹੀ ਵਰਗੀਆਂ ਫ਼ਿਲਮਾਂ ਕਰ ਚੁਕੇ ਹਨ।

ਪਰ 13Teen ਫ਼ਿਲਮ ਉਨ੍ਹਾਂ ਦੇ ਕਰੀਅਰ ਦੀ ਸਭ ਤੋਂ ਚੁਣੌਤੀ ਭਰੀ ਫ਼ਿਲਮ ਹੋ ਸਕਦੀ ਹੈ। ਕਿਉਂਕਿ ਰੋਸ਼ਨ ਪ੍ਰਿੰਸ ਖੁਦ ਦੀ ਲਿਖੀ ਹੋਈ ਕਹਾਣੀ ਨੂੰ ਆਪਣੀ ਡਾਇਰੈਕਸ਼ਨ ਹੇਠ ਫਿਲਮਾਉਣਗੇ। ਫ਼ਿਲਮ ਦੀ ਬਾਕੀ ਕਾਸਟ ਦਾ ਖੁਲਾਸਾ ਹੋਣਾ ਅਜੇ ਬਾਕੀ ਹੈ।