ਪ੍ਰਿੰਯਕਾ ਚੋਪੜਾ ਨੇ ਨਿਊਯਾਰਕ 'ਚ ਖੋਲ੍ਹਿਆ ਰੈਸਟੋਰੈਂਟ, ਪਤੀ ਨਿੱਕ ਨਾਲ ਕੀਤੀ ਪੂਜਾ, ਵੇਖੋ ਤਸਵੀਰਾਂ

ਪ੍ਰਿੰਯਕਾ ਚੋਪੜਾ ਨੇ ਨਿਊਯਾਰਕ 'ਚ ਖੋਲ੍ਹਿਆ ਰੈਸਟੋਰੈਂਟ, ਪਤੀ ਨਿੱਕ ਨਾਲ ਕੀਤੀ ਪੂਜਾ, ਵੇਖੋ ਤਸਵੀਰਾਂ

ਬਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਨੇ ਨਿਊਯਾਰਕ ਵਿੱਚ ਆਪਣਾ ਨਵਾਂ ਕਾਰੋਬਾਰ ਸ਼ੁਰੂ ਕੀਤਾ ਹੈ। ਉਨ੍ਹਾਂ ਨੇ ਇਸ ਬਾਰੇ ਜਾਣਕਾਰੀ ਸੋਸ਼ਲ ਮੀਡੀਆ ਰਾਹੀਂ ਦਿੱਤੀ ਹੈ। ਪ੍ਰਿਯੰਕਾ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਇੱਕ ਪੋਸਟ ਸ਼ੇਅਰ ਕੀਤੀ ਹੈ। ਇਸ ਪੋਸਟ ਵਿੱਚ ਉਸ ਨਵੇਂ ਰੈਸਟੋਰੈਂਟ ਦੀ ਤਸਵੀਰ ਹੈ।

ਉਸਨੇ ਇਹ ਵੀ ਲਿਖਿਆ, "ਮੈਂ ਤੁਹਾਨੂੰ ਆਪਣੇ ਨਵੇਂ ਰੈਸਟੋਰੈਂਟ (SONA) ਬਾਰੇ ਦੱਸਦਿਆਂ ਬਹੁਤ ਖੁਸ਼ ਹਾਂ। ਇਹ ਇੱਕ ਅਜਿਹਾ ਰੈਸਟੋਰੈਂਟ ਹੈ ਜਿੱਥੇ ਤੁਹਾਨੂੰ ਭਾਰਤੀ ਖਾਣੇ ਦਾ ਸਵਾਦ ਮਿਲੇਗਾ। ਮੈਂ ਵਿਸ਼ੇਸ਼ ਤੌਰ‘ਤੇ ਮੀਨੂੰ ਤਿਆਰ ਕੀਤਾ ਹੈ। "

ਆਪਣੇ ਰੈਸਟੋਰੈਂਟ ਬਾਰੇ ਵਧੇਰੇ ਜਾਣਕਾਰੀ ਦਿੰਦੇ ਹੋਏ ਪ੍ਰਿਯੰਕਾ ਨੇ ਕਿਹਾ, "ਮੇਰਾ ਰੈਸਟੋਰੈਂਟ ਇਸ ਮਹੀਨੇ ਦੇ ਅੰਤ ਵਿੱਚ ਖੁੱਲ੍ਹ ਜਾਵੇਗਾ। ਮੈਂ ਤੁਹਾਡੇ ਸਾਰਿਆਂ ਦੇ ਪਿਆਰ ਅਤੇ ਸਹਿਯੋਗੀਤਾ ਦੇ ਕਾਰਨ ਅੱਜ ਅਜਿਹਾ ਕਰ ਸਕੀ ਹਾਂ।"

ਪ੍ਰਿਯੰਕਾ ਨੇ ਆਪਣੀ ਟੀਮ ਨੂੰ ਵਧਾਈ ਦਿੱਤੀ ਹੈ। ਉਸਨੇ ਲਿਖਿਆ, "ਖਾਸ ਤੌਰ 'ਤੇ ਸਾਡੀ ਡਿਜ਼ਾਈਨਰ ਮੇਲਿਸਾ ਬੋਵਰਸ ਅਤੇ ਪੂਰੀ ਟੀਮ ਨੂੰ ਵਧਾਈਆਂ ਜਿਨ੍ਹਾਂ ਨੇ ਮੇਰਾ ਸੁਪਨਾ ਪੂਰਾ ਕੀਤਾ।"

ਇਸ ਤੋਂ ਇਲਾਵਾ ਪ੍ਰਿਯੰਕਾ ਨੇ ਆਪਣੇ ਰੈਸਟੋਰੈਂਟ ਨਾਲ ਜੁੜੀਆਂ ਕੁਝ ਹੋਰ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਇੱਕ ਫੋਟੋ ਵਿੱਚ ਉਹ ਪੂਜਾ ਕਰਦੀ ਦਿਖਾਈ ਦੇ ਰਹੀ ਹੈ, ਜਦਕਿ ਇੱਕ ਫੋਟੋ ਵਿੱਚ ਉਸ ਦਾ ਪਤੀ ਨਿੱਕ ਜੋਨਸ ਵੀ ਦਿਖਾਈ ਦੇ ਰਿਹਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਬਾਲੀਵੁੱਡ ਅਭਿਨੇਤਾ ਫਰਹਾਨ ਅਖ਼ਤਰ ਸਮੇਤ ਕਈ ਹੋਰ ਮਸ਼ਹੂਰ ਹਸਤੀਆਂ ਨੇ ਇਸ ਪੋਸਟ 'ਤੇ ਟਿੱਪਣੀ ਕੀਤੀ ਹੈ। ਸਾਰੇ ਪ੍ਰਿਅੰਕਾ ਨੂੰ ਇਸ ਰੈਸਟੋਰੈਂਟ ਦੀ ਸ਼ੁਰੂਆਤ ਲਈ ਵਧਾਈ ਦੇ ਰਹੇ ਹਨ।

ਇਸ ਦੇ ਨਾਲ ਹੀ ਯੂਜ਼ਰਸ ਪ੍ਰਿਯੰਕਾ ਨੂੰ ਵਧਾਈ ਵੀ ਦੇ ਰਹੇ ਹਨ।ਇੱਕ ਉਪਭੋਗਤਾ ਨੇ ਲਿਖਿਆ, "ਮੈਂ ਅੱਜਕੱਲ੍ਹ ਨਿਊ ਯਾਰਕ ਵਿਚ ਹਾਂ ਅਤੇ ਇਸ ਤੋਂ ਵੱਡੀ ਖ਼ੁਸ਼ ਖ਼ਬਰੀ ਹੋਰ ਕੀ ਹੋ ਸਕਦੀ ਹੈ। ਮੈਂ ਜਲਦੀ ਹੀ ਤੁਹਾਡੇ ਖਾਣਾ ਖਾਣ ਲਈ ਤੁਹਾਡੇ ਰੈਸਟੋਰੈਂਟ ਵਿੱਚ ਆਵਾਂਗਾ।"