ਦੁਪਹਿਰ ਦੀ ਕੜਕਦੀ ਧੁੱਪ 'ਚ ਤਾਜ ਮਹਿਲ ਦੇਖਣ ਪਹੁੰਚੀ ਯਾਮੀ ਗੌਤਮ, ਅਦਾਕਾਰਾ ਨੂੰ ਦੇਖਣ ਲਈ ਇਕੱਠੀ ਹੋਈ ਭੀੜ

Yami_Gautam

ਯਾਮੀ ਗੌਤਮ ਇਨ੍ਹੀਂ ਦਿਨੀਂ ਆਪਣੀ ਅਗਲੀ ਫਿਲਮ 'ਦਸਵੀ' ਨੂੰ ਲੈ ਕੇ ਕਾਫੀ ਸੁਰਖੀਆਂ 'ਚ ਹੈ। ਹਾਲ ਹੀ 'ਚ ਫਿਲਮ ਦੀ ਸਕ੍ਰੀਨਿੰਗ ਲਈ ਉਹ ਆਪਣੇ ਕੋ-ਸਟਾਰ ਅਭਿਸ਼ੇਕ ਬੱਚਨ ਨਾਲ ਤਾਜਨਗਰੀ ਦੀ ਸੈਂਟਰਲ ਜੇਲ ਪਹੁੰਚੀ ਸੀ। ਅਜਿਹੇ 'ਚ ਯਾਮੀ ਨੇ ਆਪਣੇ ਲਈ ਸਮਾਂ ਕੱਢਦੇ ਹੋਏ ਤਾਜ ਮਹਿਲ ਦਾ ਦੌਰਾ ਵੀ ਕੀਤਾ।

ਯਾਮੀ ਗੌਤਮ ਨੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਉਹ ਅਤੇ ਨਿਮਰਤ ਕੌਰ ਆਪਣੇ ਨਿੱਜੀ ਸੁਰੱਖਿਆ ਗਾਰਡਾਂ ਨਾਲ ਤਾਜ ਮਹਿਲ ਪਹੁੰਚਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਤਾਜ ਮਹਿਲ ਦੀਆਂ ਵੱਖ-ਵੱਖ ਥਾਵਾਂ 'ਤੇ ਫੋਟੋਸ਼ੂਟ ਕਰਵਾਇਆ ਹੈ।

ਇਸ ਦੌਰਾਨ ਗੋਲਡਨ ਬ੍ਰਾਊਨ ਕਲਰ ਦੇ ਗਾਊਨ 'ਚ ਯਾਮੀ ਅਤੇ ਪਿੰਕ ਕਲਰ ਦੀ ਡਰੈੱਸ 'ਚ ਨਿਮਰਤ ਕੌਰ ਦੀ ਖੂਬਸੂਰਤੀ ਉਥੇ ਮੌਜੂਦ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਰਹੀ ਸੀ।

ਉਸ ਨੂੰ ਦੇਖ ਲੋਕਾਂ ਦੀ ਭੀੜ ਲੱਗ ਗਈ ਪਰ ਉਸ ਦੇ ਨਾਲ ਮੌਜੂਦ ਸੁਰੱਖਿਆ ਕਰਮਚਾਰੀਆਂ ਨੇ ਕਿਸੇ ਨੂੰ ਵੀ ਉਸ ਦੇ ਨੇੜੇ ਨਹੀਂ ਆਉਣ ਦਿੱਤਾ।

ਤਸਵੀਰਾਂ 'ਚ ਜਿੱਥੇ ਉਹ ਤਾਜ ਮਹਿਲ ਦੀ ਖੂਬਸੂਰਤੀ ਦਿਖਾਉਂਦੀ ਨਜ਼ਰ ਆ ਰਹੀ ਹੈ। ਦੂਜੇ ਪਾਸੇ, ਉਹ ਛਤਰੀ ਹੇਠ ਖੜ੍ਹੀ ਦੁਪਹਿਰ ਦੀ ਕੜਕਦੀ ਧੁੱਪ ਤੋਂ ਆਪਣੇ ਆਪ ਨੂੰ ਬਚਾ ਰਹੀ ਸੀ।

ਇਸ ਫਿਲਮ ਦੀ ਗੱਲ ਕਰੀਏ ਤਾਂ ਇਹ ਸਿਨੇਮਾਘਰਾਂ ਦੀ ਬਜਾਏ ਸਿੱਧੇ OTT ਪਲੇਟਫਾਰਮ 'ਤੇ ਰਿਲੀਜ਼ ਹੋ ਰਹੀ ਹੈ। ਇਹ ਫਿਲਮ 7 ਅਪ੍ਰੈਲ ਨੂੰ ਨੈੱਟਫਲਿਕਸ 'ਤੇ ਪ੍ਰਸਾਰਿਤ ਕੀਤੀ ਜਾਵੇਗੀ।