ਚਲਦੇ-ਚਲਦੇ ਅਚਾਨਕ ਬੰਦ ਹੋ ਗਈ ਕਾਰ, ਤਾਂ ਕੀ ਇੰਸ਼ੂਰੈਂਸ ਦਾ ਲੈ ਸਕਦੇ ਕਲੇਮ?

Car Insurance Tips: ਜੇਕਰ ਤੁਹਾਡੀ ਕਾਰ ਸੜਕ ਵਿਚਾਲੇ ਅਚਾਨਕ ਬੰਦ ਹੋ ਜਾਵੇ ਤਾਂ ਕੀ ਕਰਨਾ ਚਾਹੀਦਾ? ਟੋਇੰਗ ਸੱਦੋ ਜਾਂ ਸਰਵਿਸ ਸੈਂਟਰ ਜਾਂ ਫਿਰ ਕੀ ਇੰਸ਼ੂਰੈਂਸ ਮਦਦ ਕਰੇਗਾ? ਜਾਣੋ ਕੀ ਹੈ ਸਹੀ ਤਰੀਕਾ

Car

ਜੇਕਰ ਗੱਡੀ ਅਚਾਨਕ ਸੜਕ 'ਤੇ ਬੰਦ ਹੋ ਜਾਵੇ, ਤਾਂ ਮਨ ਵਿੱਚ ਇਹ ਸਵਾਲ ਆਉਂਦਾ ਹੈ ਕੀ ਕਰਨਾ ਹੋਵੇਗਾ। ਅਜਿਹੀਆਂ ਸਥਿਤੀਆਂ ਵਿੱਚ ਬਹੁਤ ਸਾਰੇ ਲੋਕ ਡਰ ਜਾਂਦੇ ਹਨ। ਆਮ ਤੌਰ 'ਤੇ ਲੋਕ ਟੋਇੰਗ ਸਰਵਿਸ ਲੱਭਣ ਲੱਗ ਜਾਂਦੇ ਹਨ। ਕੁਝ ਲੋਕ ਸਿੱਧੇ ਕਾਰ ਸਰਵਿਸ ਸੈਂਟਰ ਨੂੰ ਕਾਲ ਕਰਦੇ ਹਨ। ਪਰ ਬਹੁਤ ਸਾਰੇ ਲੋਕਾਂ ਦੇ ਮਨ ਵਿੱਚ ਇਹ ਸਵਾਲ ਹੁੰਦਾ ਹੈ ਕਿ ਕੀ ਅਜਿਹੀ ਸਥਿਤੀ ਵਿੱਚ ਇੰਸ਼ੂਰੈਂਸ ਦਾ ਕਲੇਮ ਮਿਲ ਸਕਦਾ ਹੈ।

ਤੁਹਾਨੂੰ ਦੱਸ ਦਈਏ ਕਿ ਕਾਰ ਬੀਮਾ ਸਿਰਫ਼ ਦੁਰਘਟਨਾਵਾਂ ਜਾਂ ਚੋਰੀ ਲਈ ਨਹੀਂ ਹੁੰਦਾ ਹੈ। ਅੱਜਕੱਲ੍ਹ, ਬਹੁਤ ਸਾਰੀਆਂ ਬੀਮਾ ਯੋਜਨਾਵਾਂ ਅਜਿਹੇ ਲਾਭ ਪੇਸ਼ ਕਰਦੀਆਂ ਹਨ ਜੋ ਸੜਕ 'ਤੇ ਕਾਰ ਦੇ ਅਚਾਨਕ ਰੁਕ ਜਾਣ ਦੀ ਸਥਿਤੀ ਵਿੱਚ ਵੀ ਲਾਭਦਾਇਕ ਹੁੰਦੀਆਂ ਹਨ। ਪਰ ਇਹ ਸਭ ਪਾਲਿਸੀ ਦੀਆਂ ਸ਼ਰਤਾਂ 'ਤੇ ਨਿਰਭਰ ਕਰਦਾ ਹੈ।

ਕੁਝ ਕੰਪਨੀਆਂ ਤੁਹਾਨੂੰ ਬ੍ਰੇਕਡਾਊਨ ਅਸੀਸਟੈਂਸ ਜਾਂ ਆਨ-ਸਪਾਟ ਰਿਪੇਅਰ ਵਰਗੀਆਂ ਸਹੂਲਤਾਂ ਪ੍ਰਦਾਨ ਕਰਦੀਆਂ ਹਨ। ਜੇਕਰ ਤੁਸੀਂ ਉਹ ਕਵਰ ਲਿਆ ਹੈ, ਤਾਂ ਤੁਸੀਂ ਉੱਥੇ ਤੁਰੰਤ ਇੰਸ਼ੂਰੈਂਸ ਦਾ ਕਲੇਮ ਲੈ ਸਕਦੇ ਹੋ। ਪਰ ਪਹਿਲਾਂ ਤੁਹਾਨੂੰ ਇਹ ਪਤਾ ਲਗਾਉਣਾ ਹੋਵੇਗਾ ਕਿ ਇਹ ਤੁਹਾਡੀ ਪਾਲਿਸੀ ਵਿੱਚ ਹੈ ਜਾਂ ਨਹੀਂ।

ਇਹ ਪਤਾ ਲਗਾਉਣ ਲਈ, ਆਪਣੇ ਪਾਲਿਸੀ ਦਸਤਾਵੇਜ਼ਾਂ ਦੀ ਜਾਂਚ ਕਰੋ। ਇੱਥੇ ਰੋਡਸਾਈਡ ਅਸਿਸਟੈਂਸ ਜਾਂ 'RSA' ਨਾਮਕ ਇੱਕ ਸੈਕਸ਼ਨ ਹੋਵੇਗਾ। ਜੇਕਰ ਇਹ ਐਡ-ਆਨ ਲਿਆ ਗਿਆ ਹੈ, ਤਾਂ ਤੁਸੀਂ ਟੋਇੰਗ, ਆਨ-ਸਾਈਟ ਮਕੈਨਿਕ ਅਤੇ ਫਿਊਲ ਦੀ ਮਦਦ ਮਿਲ ਸਕਦੀ ਹੈ। ਬਿਨਾਂ ਜ਼ਿਆਦਾ ਪੈਸਾ ਦਿੱਤਿਆਂ।

ਪਰ ਜੇਕਰ ਤੁਹਾਡੀ ਕਾਰ ਕਿਸੇ ਅੰਦਰੂਨੀ ਨੁਕਸ ਜਾਂ ਪਾਰਟ ਫੇਲ੍ਹ ਹੋਣ ਕਾਰਨ ਖਰਾਬ ਜਾਂਦੀ ਹੈ, ਤਾਂ ਰੈਗੂਲਰ ਇੰਸ਼ੂਰੈਂਸ ਵਿੱਚ ਉਸ ਦਾ ਖਰਤਾ ਕਵਰ ਨਹੀਂ ਹੁੰਦਾ ਹੈ। ਇੰਜਣ ਫੇਲ੍ਹ ਹੋਣ, ਬੈਟਰੀ ਡਰੇਨ ਜਾਂ ਗਿਅਰਬਾਕਸ ਵਰਗੀਆਂ ਸਮੱਸਿਆਵਾਂ ਨੂੰ ਕਵਰ ਕਰਨ ਲਈ ਇੰਜਣ ਪ੍ਰੋਟੈਕਟ, ਜ਼ੀਰੋ ਡੈਪ ਜਾਂ ਕੰਜ਼ਿਊਮੇਬਲ ਕਵਰ ਵਰਗੇ ਵਿਸ਼ੇਸ਼ ਐਡ-ਆਨ ਹੁੰਦੇ ਹਨ।

ਇਹ ਉਦੋਂ ਕੰਮ ਆਉਂਦੇ ਹਨ ਜਦੋਂ ਸਮੱਸਿਆ ਵੱਡੀ ਹੁੰਦੀ ਹੈ ਅਤੇ ਮੁਰੰਮਤ ਦੀ ਲਾਗਤ ਬਹੁਤ ਜ਼ਿਆਦਾ ਹੁੰਦੀ ਹੈ। ਇਸ ਲਈ, ਕਾਰ ਬੀਮਾ ਲੈਣ ਵੇਲੇ ਇਨ੍ਹਾਂ ਸਾਰੀਆਂ ਗੱਲਾਂ ਵੱਲ ਵਿਸ਼ੇਸ਼ ਧਿਆਨ ਦੇਣਾ ਚਾਹੀਦਾ ਹੈ। ਤਾਂ ਜੋ ਤੁਹਾਨੂੰ ਅਜਿਹੀਆਂ ਸਥਿਤੀਆਂ ਵਿੱਚ ਸਮੱਸਿਆਵਾਂ ਦਾ ਸਾਹਮਣਾ ਨਾ ਕਰਨਾ ਪਵੇ।