ਅਸਲੀ ਅਤੇ ਨਕਲੀ ਵ੍ਹਿਸਕੀ ਦੀ ਇਦਾਂ ਕਰੋ ਪਛਾਣ? ਖਰੀਦਣ ਤੋਂ ਪਹਿਲਾਂ ਜਾਣ ਲਓ ਬਚਣ ਦਾ ਤਰੀਕਾ

ਪਾਰਟੀ ਕਰਨ ਦੇ ਸ਼ੌਕੀਨ ਅਤੇ ਦੋਸਤਾਂ ਨਾਲ ਮਹਿਫ਼ਲਾਂ ਲਗਾਉਣ ਵਾਲੇ ਲੋਕਾਂ ਦੀ ਕੋਈ ਘਾਟ ਨਹੀਂ ਹੈ। ਅਜਿਹੇ ਵਿੱਚ ਜ਼ਿਆਦਾਤਰ ਲੋਕ ਸ਼ਰਾਬ ਦੇ ਰੂਪ ਵਿੱਚ ਵਿਸਕੀ ਪੀਣ ਨੂੰ ਤਰਜੀਹ ਦਿੰਦੇ ਹਨ।

Identify Fake Whiskey

ਪਾਰਟੀ ਕਰਨ ਦੇ ਸ਼ੌਕੀਨ ਅਤੇ ਦੋਸਤਾਂ ਨਾਲ ਮਹਿਫ਼ਲਾਂ ਲਗਾਉਣ ਵਾਲੇ ਲੋਕਾਂ ਦੀ ਕੋਈ ਘਾਟ ਨਹੀਂ ਹੈ। ਅਜਿਹੇ ਵਿੱਚ ਜ਼ਿਆਦਾਤਰ ਲੋਕ ਸ਼ਰਾਬ ਦੇ ਰੂਪ ਵਿੱਚ ਵਿਸਕੀ ਪੀਣ ਨੂੰ ਤਰਜੀਹ ਦਿੰਦੇ ਹਨ। ਪਰ ਬਾਜ਼ਾਰ ਵਿੱਚ ਅਸਲੀ ਅਤੇ ਨਕਲੀ ਸ਼ਰਾਬ ਦਾ ਧੰਦਾ ਵੀ ਖੂਬ ਚੱਲਦਾ ਹੈ। ਮੁਨਾਫ਼ਾਖੋਰ ਮਸ਼ਹੂਰ ਬ੍ਰਾਂਡਾਂ ਦੀਆਂ ਬੋਤਲਾਂ ਵਿੱਚ ਨਕਲੀ ਸ਼ਰਾਬ ਵੇਚਣ ਤੋਂ ਵੀ ਗੁਰੇਜ਼ ਨਹੀਂ ਕਰਦੇ। ਇਸ ਲਈ ਸਮਝਦਾਰੀ ਇਸੇ ਵਿੱਚ ਹੈ ਕਿ ਬੋਤਲ ਖੋਲ੍ਹਣ ਅਤੇ ਜਾਮ ਛਲਕਾਉਣ ਤੋਂ ਪਹਿਲਾਂ ਉਸ ਦੀ ਅਸਲੀ ਜਾਂ ਨਕਲੀ ਹੋਣ ਦੀ ਪਛਾਣ ਕਰ ਲਈ ਜਾਵੇ।

ਤਕਨਾਲੋਜੀ ਦੇ ਇਸ ਦੌਰ ਵਿੱਚ ਅਸਲੀ ਅਤੇ ਨਕਲੀ ਵਿੱਚ ਫ਼ਰਕ ਕਰਨਾ ਕਾਫ਼ੀ ਆਸਾਨ ਹੋ ਗਿਆ ਹੈ। ਜ਼ਿਆਦਾਤਰ ਵੱਡੀਆਂ ਅਤੇ ਮਸ਼ਹੂਰ ਸ਼ਰਾਬ ਕੰਪਨੀਆਂ ਆਪਣੀਆਂ ਬੋਤਲਾਂ 'ਤੇ ਇੱਕ ਖ਼ਾਸ ਬਾਰਕੋਡ ਜਾਂ ਕਿਊਆਰ (QR) ਕੋਡ ਦਿੰਦੀਆਂ ਹਨ। ਜੇ ਤੁਹਾਨੂੰ ਕੋਈ ਸ਼ੱਕ ਹੋਵੇ ਤਾਂ ਵਿਸਕੀ ਖਰੀਦਣ ਤੋਂ ਪਹਿਲਾਂ ਆਪਣੇ ਸਮਾਰਟਫੋਨ ਦੇ ਕੈਮਰੇ ਨਾਲ ਇਸ ਕੋਡ ਨੂੰ ਸਕੈਨ ਕਰੋ।

ਜੇਕਰ ਬੋਤਲ ਅਸਲੀ ਹੋਵੇਗੀ ਤਾਂ ਇਹ ਕੋਡ ਤੁਹਾਨੂੰ ਸਿੱਧਾ ਉਸ ਬ੍ਰਾਂਡ ਦੀ ਅਧਿਕਾਰਤ ਵੈੱਬਸਾਈਟ ਜਾਂ ਪ੍ਰਮਾਣਿਤ ਡਾਟਾਬੇਸ 'ਤੇ ਲੈ ਜਾਵੇਗਾ, ਜਿੱਥੇ ਤੁਹਾਨੂੰ ਬੋਤਲ ਬਾਰੇ ਪੂਰੀ ਜਾਣਕਾਰੀ ਮਿਲ ਜਾਵੇਗੀ। ਜੇ ਕੋਡ ਸਕੈਨ ਨਾ ਹੋਵੇ ਤਾਂ ਸਮਝ ਲਵੋ ਕਿ ਕੁਝ ਗੜਬੜ ਹੋ ਸਕਦੀ ਹੈ।

ਇਸ ਤੋਂ ਇਲਾਵਾ ਸ਼ੁੱਧਤਾ ਦੀ ਜਾਂਚ ਲਈ ਇੱਕ ਹੋਰ ਤਰੀਕਾ ਵੀ ਹੈ, ਜਿਸ ਨੂੰ "ਫੇਕ ਸ਼ੇਕ ਟੈਸਟ" ਕਿਹਾ ਜਾਂਦਾ ਹੈ। ਇਸ ਲਈ ਤੁਹਾਨੂੰ ਵਿਸਕੀ ਦੀ ਬੋਤਲ ਨੂੰ ਹੱਥ ਵਿੱਚ ਫੜ ਕੇ ਚੰਗੀ ਤਰ੍ਹਾਂ ਹਿਲਾਉਣਾ ਹੈ ਅਤੇ ਫਿਰ ਉਸ ਵਿੱਚ ਬਣਨ ਵਾਲੇ ਬੁਲਬੁਲਿਆਂ ਨੂੰ ਧਿਆਨ ਨਾਲ ਦੇਖਣਾ ਹੈ।

ਜੇ ਵਿਸਕੀ ਅਸਲੀ ਹੋਵੇਗੀ ਤਾਂ ਬੁਲਬੁਲੇ ਬਹੁਤ ਛੋਟੇ ਹੋਣਗੇ ਅਤੇ ਕੁਝ ਸਕਿੰਟਾਂ ਵਿੱਚ ਗਾਇਬ ਹੋ ਜਾਣਗੇ। ਪਰ ਜੇ ਸ਼ਰਾਬ ਨਕਲੀ ਹੋਵੇ ਤਾਂ ਝੱਗ ਲੰਬੇ ਸਮੇਂ ਤੱਕ ਬੋਤਲ ਵਿੱਚ ਰਹੇਗੀ ਅਤੇ ਸ਼ਰਾਬ ਦਾ ਰੰਗ ਵੀ ਧੁੰਦਲਾ ਦਿਖਾਈ ਦੇ ਸਕਦਾ ਹੈ।

ਠੱਗ ਅਕਸਰ ਪੁਰਾਣੀਆਂ ਅਸਲੀ ਬੋਤਲਾਂ ਨੂੰ ਸਾਫ਼ ਕਰਕੇ ਉਨ੍ਹਾਂ ਵਿੱਚ ਨਕਲੀ ਸ਼ਰਾਬ ਭਰ ਦਿੰਦੇ ਹਨ। ਇਸ ਲਈ ਸ਼ਰਾਬ ਖਰੀਦਦੇ ਸਮੇਂ ਬੋਤਲ ਦੇ ਢੱਕਣ ਅਤੇ ਆਬਕਾਰੀ ਸੀਲ ਨੂੰ ਬੜੀ ਬਾਰੀਕੀ ਨਾਲ ਦੇਖੋ। ਜੇ ਢੱਕਣ ਢਿੱਲਾ ਲੱਗੇ, ਆਸਾਨੀ ਨਾਲ ਘੁੰਮ ਜਾਵੇ ਜਾਂ ਸੀਲ ਟੁੱਟੀ ਹੋਈ ਹੋਵੇ ਤਾਂ ਅਜਿਹੀ ਬੋਤਲ ਨਾ ਖਰੀਦੋ।

ਇਸ ਤੋਂ ਇਲਾਵਾ ਬੋਤਲ 'ਤੇ ਲੱਗੇ ਲੇਬਲ ਨੂੰ ਵੀ ਧਿਆਨ ਨਾਲ ਦੇਖੋ। ਨਕਲੀ ਬੋਤਲਾਂ 'ਤੇ ਅਕਸਰ ਲੇਬਲ ਟੇਢੇ-ਮੇਢੇ ਹੁੰਦੇ ਹਨ ਜਾਂ ਉਨ੍ਹਾਂ ਦੀ ਛਪਾਈ ਧੁੰਦਲੀ ਹੁੰਦੀ ਹੈ। ਕਈ ਵਾਰ ਠੱਗ ਕਾਪੀਰਾਈਟ ਤੋਂ ਬਚਣ ਲਈ ਬ੍ਰਾਂਡ ਦੇ ਨਾਮ ਵਿੱਚ ਵੀ ਹੇਰਾਫੇਰੀ ਕਰ ਦਿੰਦੇ ਹਨ, ਇਸ ਲਈ ਨਾਮ ਨੂੰ ਧਿਆਨ ਨਾਲ ਪੜ੍ਹੋ। ਸ਼ਰਾਬ ਖਰੀਦਣ ਤੋਂ ਪਹਿਲਾਂ ਬੋਤਲ ਨੂੰ ਚੰਗੀ ਰੌਸ਼ਨੀ ਜਾਂ ਬਲਬ ਸਾਹਮਣੇ ਰੱਖ ਕੇ ਧਿਆਨ ਨਾਲ ਦੇਖੋ। ਅਸਲੀ ਵਿਸਕੀ ਦਾ ਰੰਗ ਪੂਰੀ ਤਰ੍ਹਾਂ ਸਾਫ਼, ਪਾਰਦਰਸ਼ੀ ਅਤੇ ਇਕਸਾਰ ਚਮਕਦਾਰ ਸੁਨਹਿਰੀ ਜਾਂ ਐਂਬਰ ਰੰਗ ਦਾ ਹੁੰਦਾ ਹੈ।