Bird: ਇਸ ਪੰਛੀ ਨੂੰ ਹੱਥ ਲਾਉਣ ਨਾਲ ਵੀ ਹੋ ਸਕਦੀ ਮੌਤ, ਜਾਣੋ ਕਿੰਨਾ ਜ਼ਹਿਰੀਲਾ ਆਹ ਪੰਛੀ

Bird: ਇਦਾਂ ਤਾਂ ਚਿੜੀਆਂ ਬਹੁਤ ਹੀ ਮਾਸੂਮ ਅਤੇ ਪਿਆਰੀਆਂ ਲੱਗਦੀਆਂ ਹਨ ਪਰ ਇੱਕ ਅਜਿਹਾ ਪੰਛੀ ਹੈ ਜਿਸ ਨੂੰ ਹੱਥ ਲਾਉਣ ਨਾਲ ਹੀ ਅਧਰੰਗ ਹੋ ਸਕਦਾ ਹੈ, ਇੱਥੇ ਤੱਕ ਕਿ ਤੁਹਾਡੀ ਜਾਨ ਤੱਕ ਵੀ ਜਾ ਸਕਦੀ ਹੈ।

Bird

ਦੁਨੀਆ ਵਿਚ ਕਈ ਤਰ੍ਹਾਂ ਦੇ ਪੰਛੀ ਹੁੰਦੇ ਹਨ, ਜਿਨ੍ਹਾਂ ਵਿਚੋਂ ਕੁਝ ਬਹੁਤ ਖਤਰਨਾਕ ਹਨ ਅਤੇ ਕੁਝ ਬਹੁਤ ਮਾਸੂਮ ਹੁੰਦੇ ਹਨ। ਅਜਿਹੇ ਵਿੱਚ ਕੀ ਤੁਸੀਂ ਜਾਣਦੇ ਹੋ ਕਿ ਇੱਕ ਅਜਿਹਾ ਪੰਛੀ ਵੀ ਹੈ ਜਿਸ ਨੂੰ ਹੱਥ ਲਾਉਣ ਨਾਲ ਹੀ ਤੁਹਾਡੀ ਜਾਨ ਨੂੰ ਖਤਰਾ ਪੈਦਾ ਹੋ ਜਾਂਦਾ ਹੈ। ਦਰਅਸਲ ਇਸ ਪੰਛੀ ਦਾ ਨਾਮ ਹੂਡੇਡ ਪਿਤੋਹੁਈ ਹੈ ਜਿਸ ਨੂੰ ਗਿਨੀ ਪਿਤੋਹੁਈ ਵੀ ਕਿਹਾ ਜਾਂਦਾ ਹੈ। ਸਥਾਨਕ ਲੋਕ ਇਸ ਨੂੰ ਬਕਵਾਸ ਜਾਂ ਕੂੜਾ ਪੰਛੀ ਵੀ ਕਹਿੰਦੇ ਹਨ। ਇਸ ਨੂੰ ਦੁਨੀਆ ਦਾ ਸਭ ਤੋਂ ਜ਼ਹਿਰੀਲਾ ਪੰਛੀ ਕਿਹਾ ਜਾਂਦਾ ਹੈ।

ਬਰਡਪੋਸਟ ਦੀ ਰਿਪੋਰਟ ਮੁਤਾਬਕ 1990 ਤੱਕ ਇਸ ਪੰਛੀ ਦੇ ਜ਼ਹਿਰੀਲੇ ਹੋਣ ਬਾਰੇ ਬਿਲਕੁਲ ਵੀ ਨਹੀਂ ਪਤਾ ਸੀ। 1990 ਵਿੱਚ ਪਹਿਲੀ ਵਾਰ, ਕੈਲੀਫੋਰਨੀਆ ਅਕੈਡਮੀ ਆਫ਼ ਸਾਇੰਸਿਜ਼ ਦੇ ਇੱਕ ਵਾਤਾਵਰਣ ਵਿਗਿਆਨੀ ਜੈਕ ਡੈਂਬਸਰ ਨੇ ਖੋਜ ਕੀਤੀ ਸੀ ਜਿਸ ਤੋਂ ਬਾਅਦ ਪਤਾ ਲੱਗਿਆ ਕਿ ਇਹ ਜ਼ਹਿਰੀਲਾ ਸੀ।