ਥਰਡ ਏਸੀ ਦੀ ਟਿਕਟ ਬੁੱਕ ਕਰਕੇ ਫਰਸਟ ਏਸੀ ‘ਚ ਕਰ ਸਕਦੇ ਸਫਰ, ਤੁਸੀਂ ਵੀ ਜਾਣ ਲਓ ਰੇਲਵੇ ਦੀ ਆਹ ਟ੍ਰਿਕ

Train Auto Upgradation Scheme: ਰੇਲਵੇ ਦੇ ਨਿਯਮਾਂ ਅਨੁਸਾਰ, ਰੇਲਗੱਡੀ ਰਾਹੀਂ ਯਾਤਰਾ ਕਰਨ ਵੇਲੇ ਤੁਹਾਡੀ ਥਰਡ ਏਸੀ ਟਿਕਟ ਨੂੰ ਫਰਸਟ ਏਸੀ ਵਿੱਚ ਬਦਲਿਆ ਜਾ ਸਕਦਾ ਹੈ। ਆਓ ਜਾਣਦੇ ਹਾਂ ਕੀ ਹਨ ਨਿਯਮ

railway news

ਭਾਰਤ ਵਿੱਚ ਹਰ ਰੋਜ਼ ਕਰੋੜਾਂ ਯਾਤਰੀ ਰੇਲਗੱਡੀਆਂ ਰਾਹੀਂ ਯਾਤਰਾ ਕਰਦੇ ਹਨ। ਰੇਲਵੇ ਵੱਲੋਂ ਯਾਤਰੀਆਂ ਲਈ ਹਜ਼ਾਰਾਂ ਰੇਲਗੱਡੀਆਂ ਵੀ ਚਲਾਈਆਂ ਗਈਆਂ। ਰੇਲਗੱਡੀ ਵਿੱਚ ਰਿਜ਼ਰਵੇਸ਼ਨ ਕਰਨ ਤੋਂ ਬਾਅਦ, ਜ਼ਿਆਦਾਤਰ ਲੋਕ ਏਸੀ ਅਤੇ ਸਲੀਪਰ ਵਿੱਚ ਸਫਰ ਕਰਨਾ ਪਸੰਦ ਕਰਦੇ ਹਨ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਤੁਸੀਂ ਥਰਡ ਏਸੀ ਟਿਕਟ ਲੈ ਕੇ ਫਸਟ ਏਸੀ ਕੋਚ ਵਿੱਚ ਸਫਰ ਕਰ ਸਕਦੇ ਹੋ। ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਹ ਕਿਵੇਂ ਹੋ ਸਕਦਾ ਹੈ। ਤਾਂ ਮੈਂ ਤੁਹਾਨੂੰ ਦੱਸ ਦਿਆਂ ਕਿ ਇਹ ਹੋ ਸਕਦਾ ਹੈ। ਇਸ ਲਈ ਰੇਲਵੇ ਵੱਲੋਂ ਇੱਕ ਬਕਾਇਦਾ ਇੱਕ ਨਿਯਮ ਬਣਾਇਆ ਗਿਆ ਹੈ।

ਥਰਡ ਏਸੀ ਵਿੱਚ ਟਿਕਟ ਬੁੱਕ ਕਰਨ ਤੋਂ ਬਾਅਦ, ਤੁਹਾਡੀ ਟਿਕਟ ਨੂੰ ਫਸਟ ਏਸੀ ਵਿੱਚ ਬਦਲਿਆ ਜਾ ਸਕਦਾ ਹੈ। ਰੇਲਵੇ ਦੀ ਇਸ ਸਹੂਲਤ ਨੂੰ ਆਟੋਮੈਟਿਕ ਅੱਪਗ੍ਰੇਡੇਸ਼ਨ ਸਕੀਮ ਕਿਹਾ ਜਾਂਦਾ ਹੈ। ਜੋ ਕਿ ਰੇਲਵੇ ਵੱਲੋਂ ਦਿੱਤੀ ਜਾਂਦੀ ਹੈ। ਹਾਲਾਂਕਿ ਇਹ ਸਪੈਸ਼ਲ ਕੇਸ ਵਿੱਚ ਉਪਲੱਬਧ ਹੈ।

ਜਿਵੇਂ ਕਿ ਮੰਨ ਲਓ ਤੁਸੀਂ ਕਿਤੇ ਜਾਣ ਲਈ ਥਰਡ ਏਸੀ ਵਿੱਚ ਆਪਣੀ ਰੇਲ ਦੀ ਟਿਕਟ ਬੁੱਕ ਕੀਤੀ ਹੈ। ਪਰ ਤੁਹਾਡੀ ਟਿਕਟ RAC ਵਿੱਚ ਸੀ। ਜਦੋਂ ਟ੍ਰੇਨ ਚੱਲਣ ਵਾਲੀ ਹੁੰਦੀ ਹੈ ਤਾਂ ਥਰਡ ਏਸੀ ਦੀ ਬਜਾਏ ਫਸਟ ਏਸੀ ਵਿੱਚ ਟਿਕਟ ਖਾਲੀ ਹੋ ਜਾਂਦੀ ਹੈ।

ਤਾਂ ਅਜਿਹੀ ਸਥਿਤੀ ਵਿੱਚ ਭਾਰਤੀ ਰੇਲਵੇ ਦੀ ਆਟੋ ਅਪਗ੍ਰੇਡੇਸ਼ਨ ਸਕੀਮ ਦੇ ਤਹਿਤ ਥਰਡ ਏਸੀ ਵਿੱਚ ਟਿਕਟ ਹੋਣ ਦੇ ਬਾਵਜੂਦ, ਤੁਹਾਡੀ ਟਿਕਟ ਨੂੰ ਫਰਸਟ ਏਸੀ ਵਿੱਚ ਬਦਲ ਦਿੱਤਾ ਜਾਂਦਾ ਹੈ। ਇਸਦਾ ਮਤਲਬ ਹੈ ਕਿ ਤੁਸੀਂ ਥੋੜ੍ਹਾ ਜਿਹਾ ਕਿਰਾਇਆ ਦੇ ਕੇ ਫਸਟ ਏਸੀ ਵਿੱਚ ਸਫਰ ਕਰ ਸਕਦੇ ਹੋ।

ਤੁਹਾਨੂੰ ਦੱਸ ਦਈਏ ਕਿ ਰੇਲਵੇ ਇਸ ਲਈ ਕੋਈ ਵੱਖਰਾ ਚਾਰਜ ਨਹੀਂ ਲੈਂਦਾ। ਹਾਲਾਂਕਿ, ਤੁਹਾਨੂੰ ਇਹ ਸਹੂਲਤ ਤਾਂ ਹੀ ਮਿਲਦੀ ਹੈ ਜੇਕਰ ਤੁਸੀਂ ਬੁਕਿੰਗ ਦੇ ਸਮੇਂ " Consider for Auto Upgradation" ਵਿਕਲਪ 'ਤੇ ਟਿਕ ਕੀਤਾ ਹੋਵਗਾ।

ਤੁਹਾਨੂੰ ਦੱਸ ਦਈਏ ਕਿ ਭਾਰਤੀ ਰੇਲਵੇ ਦੁਆਰਾ ਸਿਰਫ਼ ਕਨਫਰਮ ਕੀਤੀਆਂ ਟਿਕਟਾਂ ਜਾਂ RAC ਟਿਕਟਾਂ ਨੂੰ ਹੀ ਆਟੋਮੈਟਿਕ ਅਪਗ੍ਰੇਡ ਕੀਤਾ ਜਾਂਦਾ ਹੈ। ਵੇਟਿੰਗ ਟਿਕਟ ਨੂੰ ਅਪਗ੍ਰੇਡ ਨਹੀਂ ਕੀਤਾ ਜਾਂਦਾ। ਅੱਪਗ੍ਰੇਡ ਤੋਂ ਬਾਅਦ, ਤੁਹਾਨੂੰ ਇੱਕ ਕਨਫਰਮੇਸ਼ਨ ਮੈਸੇਜ ਵੀ ਮਿਲੇਗਾ।