ਨਾਈਟ੍ਰੋਜਨ, ਏਅਰਲੈਸ ਅਤੇ ਏਅਰ ਟਾਈਰ 'ਚ ਕੀ ਫਰਕ ਹੁੰਦਾ? ਜਾਣੋ ਸਭ ਦੀ ਖ਼ਾਸੀਅਤ

Specialty Of Different Tiers: ਤੁਹਾਨੂੰ ਅਕਸਰ ਆਪਣੇ ਗੱਡੀ ਦੇ ਟਾਇਰਾਂ ਵਿੱਚ ਹਵਾ ਭਰਨ ਅਤੇ ਪੰਕਚਰ ਠੀਕ ਕਰਵਾਉਣ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਆਓ ਜਾਣਦੇ ਹਾਂ ਨਾਈਟ੍ਰੋਜਨ, ਏਅਰਲੈੱਸ ਅਤੇ ਏਅਰ ਟਾਇਰਾਂ ਵਿੱਚ ਕੀ ਫਰਕ ਹੈ।

Tires

ਜਦੋਂ ਵੀ ਤੁਸੀਂ ਡਰਾਈਵ ‘ਤੇ ਜਾਂਦੇ ਹੋ, ਤਾਂ ਟਾਇਰ ਪੰਕਚਰ ਹੋ ਜਾਂਦਾ ਹੈ ਜਾਂ ਹਵਾ ਨਿਕਲ ਜਾਂਦੀ ਹੈ ਤਾਂ ਤੁਹਾਨੂੰ ਰਸਤੇ ਵਿੱਚ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਅਜਿਹੀ ਸਥਿਤੀ ਵਿੱਚ, ਇੱਕ ਸਪੇਅਰ ਵ੍ਹੀਲ ਯਾਨੀ ਸਟੱਪਣੀ ਰੱਖਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਆਓ ਅਸੀਂ ਤੁਹਾਨੂੰ ਨਾਈਟ੍ਰੋਜਨ, ਏਅਰਲੈੱਸ ਅਤੇ ਏਅਰ ਟਾਇਰਾਂ ਵਿੱਚ ਫਰਕ ਦੱਸਦੇ ਹਾਂ। ਨਾਈਟ੍ਰੋਜਨ ਟਾਇਰ ਉਹ ਟਾਇਰ ਹੁੰਦੇ ਹਨ ਜੋ ਆਮ ਹਵਾ ਦੀ ਬਜਾਏ ਨਾਈਟ੍ਰੋਜਨ ਨਾਲ ਭਰੇ ਹੁੰਦੇ ਹਨ। ਨਾਈਟ੍ਰੋਜਨ ਗੈਸ ਨਾਲ ਭਰੇ ਟਾਇਰ ਆਮ ਹਵਾ ਨਾਲ ਭਰੇ ਟਾਇਰਾਂ ਨਾਲੋਂ ਬਿਹਤਰ ਪਰਫਾਰਮੈਂਸ ਦਿੰਦੇ ਹਨ।

ਨਾਈਟ੍ਰੋਜਨ ਦੇ ਕਾਰਨ, ਟਾਇਰ ਦਾ ਤਾਪਮਾਨ ਘੱਟ ਰਹਿੰਦਾ ਹੈ, ਜਿਸ ਨਾਲ ਟਾਇਰਾਂ ਦੀ ਘਿਸਾਈ ਘੱਟ ਜਾਂਦੀ ਹੈ ਅਤੇ ਟਾਇਰ ਦੀ ਉਮਰ ਵਧ ਜਾਂਦੀ ਹੈ। ਭਾਰਤ ਵਿੱਚ ਹਾਲ ਹੀ ਵਿੱਚ ਟਾਇਰਾਂ ਵਿੱਚ ਨਾਈਟ੍ਰੋਜਨ ਗੈਸ ਭਰਨਾ ਸ਼ੁਰੂ ਕੀਤਾ ਗਿਆ ਹੈ। ਇਹ ਵਿਦੇਸ਼ਾਂ ਵਿੱਚ ਲੰਬੇ ਸਮੇਂ ਤੋਂ ਚੱਲ ਰਿਹਾ ਹੈ।

ਜਿਨ੍ਹਾਂ ਟਾਇਰਾਂ ਨੂੰ ਹਵਾ ਦੀ ਲੋੜ ਨਹੀਂ ਹੁੰਦੀ ਉਨ੍ਹਾਂ ਨੂੰ ਏਅਰਲੈਸ ਟਾਇਰ ਕਿਹਾ ਜਾਂਦਾ ਹੈ। ਏਅਰਲੈਸ ਟਾਇਰਾਂ ਵਿੱਚ ਪੰਕਚਰ ਹੋਣ ਦਾ ਕੋਈ ਖ਼ਤਰਾ ਨਹੀਂ ਹੁੰਦਾ ਕਿਉਂਕਿ ਉਹ ਹਵਾ ਨਾਲ ਨਹੀਂ ਭਰੇ ਹੁੰਦੇ। ਦੂਜੇ ਪਾਸੇ, ਰਵਾਇਤੀ ਟਾਇਰ ਹਵਾ ਦੇ ਦਬਾਅ 'ਤੇ ਨਿਰਭਰ ਕਰਦੇ ਹਨ।

ਜੇਕਰ ਟਾਇਰ ਵਿੱਚ ਕੋਈ ਤਿੱਖੀ ਚੀਜ਼ ਵੜ ਵੀ ਗਈ ਹੈ ਤਾਂ ਏਅਰ ਲੈਸ ਟਾਇਰਾਂ ਹਵਾ ਲੀਕ ਹੋਣ ਦਾ ਡਰ ਨਹੀਂ ਹੁੰਦਾ। ਇਹਨਾਂ ਟਾਇਰਾਂ ਨੂੰ ਹਵਾ ਨਾਲ ਭਰਨ ਦੀ ਲੋੜ ਨਹੀਂ ਹੁੰਦੀ। ਇਹਨਾਂ ਨੂੰ ਰਬੜ ਦੇ ਸਪੋਕ ਅਤੇ ਬੈਲਟਾਂ ਦੀ ਵਰਤੋਂ ਕਰਕੇ ਡਿਜ਼ਾਈਨ ਕੀਤਾ ਜਾਂਦਾ ਹੈ।

ਇਹ ਟਾਇਰ ਫਟਦੇ ਨਹੀਂ ਜਾਂ ਪੰਕਚਰ ਨਹੀਂ ਹੁੰਦੇ, ਜਿਸ ਨਾਲ ਦੁਰਘਟਨਾਵਾਂ ਘੱਟ ਹੋ ਸਕਦੀਆਂ ਹਨ। ਇਹ ਟਾਇਰ ਲੰਬੇ ਸਮੇਂ ਤੱਕ ਚੱਲਦੇ ਹਨ ਅਤੇ ਇਹਨਾਂ ਨੂੰ ਵਾਰ-ਵਾਰ ਬਦਲਣ ਦੀ ਲੋੜ ਨਹੀਂ ਪੈਂਦੀ। ਇਹ ਵਾਤਾਵਰਣ ਲਈ ਬਿਹਤਰ ਹਨ।

ਏਅਰ ਟਾਇਰ ਰੈਗੂਲਰ ਟਾਇਰ ਹੁੰਦੇ ਹਨ। ਇਹ ਟਾਇਰ ਆਮ ਤੌਰ 'ਤੇ ਰਬੜ ਦੇ ਬਣੇ ਹੁੰਦੇ ਹਨ ਅਤੇ ਹਵਾ ਨਾਲ ਭਰਨ ਲਈ ਇੱਕ ਅੰਦਰੂਨੀ ਟਿਊਬ ਦੀ ਵਰਤੋਂ ਕੀਤੀ ਜਾਂਦੀ ਹੈ।

ਇਨ੍ਹਾਂ ਟਾਇਰਾਂ ਵਿੱਚ ਹਵਾ ਦਾ ਦਬਾਅ ਜ਼ਰੂਰੀ ਹੁੰਦਾ ਹੈ, ਜੋ ਟਾਇਰਾਂ ਨੂੰ ਆਕਾਰ ਦਿੰਦਾ ਹੈ ਅਤੇ ਝਟਕੇ ਨੂੰ ਘਟਾਉਂਦਾ ਹੈ। ਅੰਦਰ ਭਰੀ ਹਵਾ ਦੇ ਕਾਰਨ, ਇਹ ਟਾਇਰ ਝਟਕਿਆਂ ਅਤੇ ਬੰਪਰਾਂ ਨੂੰ ਸੋਖ ਲੈਂਦੇ ਹਨ।