Republic day 2024: ਕਿਵੇਂ ਮਿਲਦਾ ਗਣਰਾਜ ਦਿਹਾੜੇ ਦੀ ਸਭ ਤੋਂ ਵਧੀਆ ਝਾਕੀ ਦਾ ਅਵਾਰਡ? ਕੌਣ ਕਰਦਾ ਤੈਅ, ਜਾਣੋ ਹਰੇਕ ਗੱਲ

Republic day 2024: ਹਰ ਸਾਲ ਗਣਰਾਜ ਦਿਹਾੜੇ 'ਤੇ ਹਰ ਸੂਬੇ ਦੀ ਕਰਤਵਯ ਪੱਥ 'ਤੇ ਝਾਕੀ ਕੱਢੀ ਜਾਂਦੀ ਹੈ। ਇਸ ਸਾਲ 25 ਤੋਂ ਵੱਧ ਬਹੁਤ ਹੀ ਖੂਬਸੂਰਤ ਝਾਕੀਆਂ ਕੱਢੀਆਂ ਗਈਆਂ।

Republic Day Parade 2024

ਗਣਰਾਜ ਦਿਹਾੜੇ ਦੀ ਪਰੇਡ ਵਿੱਚ ਸ਼ਾਮਲ ਝਾਕੀਆਂ ਵਿੱਚੋਂ ਸਭ ਤੋਂ ਵਧੀਆ ਝਾਕੀ ਦੀ ਚੋਣ ਕੀਤੀ ਜਾਂਦੀ ਹੈ।

ਇਨ੍ਹਾਂ ਵੱਖ-ਵੱਖ ਝਾਕੀਆਂ ਵਿੱਚੋਂ ਤਿੰਨ ਚੁਣੀਆਂ ਗਈਆਂ ਝਾਕੀਆਂ ਨੂੰ ਇਨਾਮ ਦਿੱਤੇ ਜਾਂਦੇ ਹਨ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸਭ ਤੋਂ ਵਧੀਆ ਝਾਂਕੀ ਕੌਣ ਤੈਅ ਕਰਦਾ ਹੈ? ਜੇਕਰ ਨਹੀਂ ਤਾਂ ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ।

ਕਰਤਵਯ ਪੱਥ 'ਤੇ ਵੱਖ-ਵੱਖ ਰਾਜਾਂ ਅਤੇ ਮੰਤਰਾਲਿਆਂ ਦੀਆਂ ਝਾਕੀਆਂ ਸਿਰਫ਼ ਦੇਖਣ ਲਈ ਹੀ ਨਹੀਂ ਹਨ, ਸਗੋਂ ਇਨ੍ਹਾਂ ਝਾਕੀਆਂ ਨੂੰ ਸਭ ਤੋਂ ਸੁੰਦਰ ਵੀ ਬਣਾਇਆ ਗਿਆ ਹੈ ਤਾਂ ਜੋ ਉਹ ਬੈਸਟ ਅਵਾਰਡ ਜਿੱਤ ਸਕਣ।

ਦੱਸ ਦਈਏ ਕਿ ਰੱਖਿਆ ਮੰਤਰਾਲੇ ਵੱਲੋਂ ਇਨ੍ਹਾਂ ਵਿੱਚੋਂ ਸਭ ਤੋਂ ਵਧੀਆ ਝਾਕੀ ਦੀ ਚੋਣ ਕਰਨ ਲਈ ਤਿੰਨ ਲੋਕਾਂ ਦੀ ਟੀਮ ਬਣਾਈ ਗਈ ਹੈ। ਜੋ ਗਣਰਾਜ ਦਿਹਾੜੇ ਦੀ ਪਰੇਡ ਨੂੰ ਬਹੁਤ ਨੇੜਿਓਂ ਦੇਖਦੀ ਹੈ।

ਜਿਸ ਤੋਂ ਬਾਅਦ ਇਨ੍ਹਾਂ ਸਾਰੇ ਪ੍ਰੋਗਰਾਮਾਂ ਵਿੱਚ ਭਾਗ ਲੈਣ ਵਾਲੇ ਰਾਜਾਂ ਅਤੇ ਮੰਤਰਾਲਿਆਂ ਦੀਆਂ ਪਰੇਡਾਂ ਅਤੇ ਮਾਰਚਿੰਗ ਦਲ ਦੀ ਰਿਪੋਰਟ ਤਿਆਰ ਕੀਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਕੇਂਦਰ ਸਰਕਾਰ ਜਨਤਾ ਤੋਂ ਉਨ੍ਹਾਂ ਦੀ ਰਾਏ ਵੀ ਮੰਗਦੀ ਹੈ।

ਇਸ ਲਈ ਵੋਟਾਂ ਵੀ ਕਰਵਾਈਆਂ ਜਾਂਦੀਆਂ ਹਨ। ਜੋ Mygov ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਕੀਤੀ ਜਾਂਦੀਆਂ ਹਨ। ਜਿੱਥੇ ਜਨਤਾ ਆਪਣੀ ਪਸੰਦੀਦਾ ਝਾਕੀ ਲਈ ਵੋਟ ਕਰ ਸਕਦੀ ਹੈ। ਪਿਛਲੇ ਸਾਲ ਇਹ ਚੋਣਾਂ 28 ਜਨਵਰੀ ਤੱਕ ਹੋਈਆਂ ਸਨ। ਜਿਸ ਤੋਂ ਬਾਅਦ ਉਤਰਾਖੰਡ ਦੀ ਝਾਂਕੀ ਨੇ ਸਰਵੋਤਮ ਝਾਂਕੀ ਦਾ ਪੁਰਸਕਾਰ ਜਿੱਤਿਆ ਸੀ।