ਇਸ ਦੇਸ਼ 'ਚ ਵਾਪਰਿਆ ਸੀ ਦੁਨੀਆ ਦਾ ਸਭ ਤੋਂ ਵੱਡਾ ਰੇਲ ਹਾਦਸਾ, 1700 ਲੋਕਾਂ ਦੀ ਹੋਈ ਦਰਦਨਾਕ ਮੌਤ

World's Biggest Rail Accident: ਦੁਨੀਆ ਦੇ ਸਭ ਤੋਂ ਵੱਡੇ ਰੇਲ ਹਾਦਸੇ ਵਿੱਚ ਲਗਭਗ 1700 ਲੋਕਾਂ ਦੀ ਮੌਤ ਹੋ ਗਈ ਸੀ। ਇਸ ਹਾਦਸੇ ਵਿੱਚ ਪਰਿਵਾਰ ਦੇ ਪਰਿਵਾਰ ਖ਼ਤਮ ਹੋ ਗਏ।

Train accident

ਕੀ ਤੁਸੀਂ ਦੁਨੀਆ ਦੇ ਸਭ ਤੋਂ ਵੱਡੇ ਰੇਲ ਹਾਦਸੇ ਬਾਰੇ ਜਾਣਦੇ ਹੋ? ਅੱਜ ਅਸੀਂ ਤੁਹਾਨੂੰ ਦੁਨੀਆ ਦੇ ਸਭ ਤੋਂ ਵੱਡੇ ਰੇਲ ਹਾਦਸੇ ਬਾਰੇ ਦੱਸਣ ਜਾ ਰਹੇ ਹਾਂ। ਇਸ ਹਾਦਸੇ ਵਿੱਚ ਕਰੀਬ 1700 ਲੋਕਾਂ ਦੀ ਮੌਤ ਹੋ ਗਈ ਸੀ। ਆਓ ਜਾਣਦੇ ਹਾਂ ਉਸ ਹਾਦਸੇ ਬਾਰੇ।

ਦੁਨੀਆ ਦਾ ਸਭ ਤੋਂ ਵੱਡਾ ਰੇਲ ਹਾਦਸਾ ਭਾਰਤ ਦੇ ਗੁਆਂਢੀ ਦੇਸ਼ ਸ਼੍ਰੀਲੰਕਾ ਵਿੱਚ ਵਾਪਰਿਆ ਹੈ। 26 ਦਸੰਬਰ 2004 ਨੂੰ ਸ਼੍ਰੀਲੰਕਾ ਵਿੱਚ ਸੁਨਾਮੀ ਕਾਰਨ ‘ਦਿ ਕਵੀਨ ਆਫ਼ ਦ ਸੀ’ ਰੇਲਗੱਡੀ ਵਿੱਚ ਸਵਾਰ ਲਗਭਗ 1700 ਲੋਕਾਂ ਦੀ ਮੌਤ ਹੋ ਗਈ ਸੀ। ਸੁਨਾਮੀ ਦੀਆਂ ਤੇਜ਼ ਲਹਿਰਾਂ ਨੇ ਸਾਰੀ ਰੇਲਗੱਡੀ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ ਸੀ। ਖ਼ਬਰਾਂ ਮੁਤਾਬਕ ਕੋਲੰਬੋ ਤੋਂ ਗਾਲੇ ਜਾ ਰਹੀ ਸ਼੍ਰੀਲੰਕਾਈ ਟਰੇਨ ਛੁੱਟੀਆਂ ਕਾਰਨ ਲੋਕਾਂ ਨਾਲ ਭਰੀ ਹੋਈ ਸੀ।