ਪੜਚੋਲ ਕਰੋ

ਇਨ੍ਹਾਂ ਖਾਣ ਵਾਲੀਆਂ ਚੀਜ਼ਾਂ ਤੋਂ ਬਿਲਕੁਲ ਕਰੋ ਪਰਹੇਜ਼, ਨਹੀਂ ਤਾਂ ਕੱਟਣੇ ਪੈਣਗੇ ਡਾਕਟਰਾਂ ਦੇ ਚੱਕਰ

ਆਹ ਜਿਹੜੀਆਂ ਚੀਜ਼ਾਂ ਅਸੀਂ ਰੋਜ਼ ਖਾਂਦੇ ਹਾਂ, ਇਨ੍ਹਾਂ ਦਾ ਸਾਡੀ ਕਿਡਨੀ 'ਤੇ ਬੂਰਾ ਅਸਰ ਪੈਂਦਾ ਹੈ, ਆਓ ਜਾਣਦੇ ਹਾਂ ਇਨ੍ਹਾਂ ਬਾਰੇ

By : ABP Sanjha | Updated at : 10 Jun 2025 05:38 PM (IST)

Kidney

1/6

ਜ਼ਿਆਦਾ ਨਮਕ: ਬਹੁਤ ਜ਼ਿਆਦਾ ਨਮਕ ਖਾਣ ਨਾਲ ਬਲੱਡ ਪ੍ਰੈਸ਼ਰ ਵਧਦਾ ਹੈ, ਜੋ ਕਿ ਗੁਰਦਿਆਂ 'ਤੇ ਸਿੱਧਾ ਅਸਰ ਪਾਉਂਦਾ ਹੈ। ਹਾਈ ਬਲੱਡ ਪ੍ਰੈਸ਼ਰ ਗੁਰਦਿਆਂ ਦੀ ਫਿਲਟਰਿੰਗ ਸਮਰੱਥਾ ਨੂੰ ਕਮਜ਼ੋਰ ਕਰ ਸਕਦਾ ਹੈ। ਇਸ ਲਈ ਪ੍ਰੋਸੈਸਡ ਫੂਡ ਤੋਂ ਬਚੋ। ਆਪਣੇ ਭੋਜਨ ਵਿੱਚ ਘੱਟ ਨਮਕ ਪਾਓ ਅਤੇ ਇਸ ਦੀ ਥਾਂ ਨਿੰਬੂ ਦੀ ਵਰਤੋਂ ਕਰੋ।

2/6

ਜ਼ਿਆਦਾ ਖੰਡ: ਖੰਡ ਸ਼ੂਗਰ ਦੇ ਖਤਰੇ ਨੂੰ ਵਧਾਉਂਦੀ ਹੈ ਅਤੇ ਸ਼ੂਗਰ ਗੁਰਦੇ ਫੇਲ੍ਹ ਹੋਣ ਦੇ ਸਭ ਤੋਂ ਵੱਡੇ ਕਾਰਨਾਂ ਵਿੱਚੋਂ ਇੱਕ ਹੈ। ਕੋਲਡ ਡ੍ਰਿੰਕਸ, ਮਿਠਾਈਆਂ ਅਤੇ ਬੇਕਰੀ ਪ੍ਰੋਡਕਟਸ ਤੋਂ ਦੂਰ ਰਹੋ। ਇਸਦੀ ਬਜਾਏ ਨੈਚੂਰਲ ਫਲ ਇੱਕ ਬਿਹਤਰ ਆਪਸ਼ਨ ਹਨ।

3/6

ਪ੍ਰੋਸੈਸਡ ਫੂਡ: ਪ੍ਰੋਸੈਸਡ ਫੂਡਸ ਵਿੱਚ ਨਮਕ, ਪ੍ਰੀਜ਼ਰਵੇਟਿਵ ਅਤੇ ਰਸਾਇਣ ਜ਼ਿਆਦਾ ਹੁੰਦੇ ਹਨ, ਜੋ ਗੁਰਦਿਆਂ 'ਤੇ ਜ਼ਿਆਦਾ ਬੋਝ ਪਾਉਂਦੇ ਹਨ। ਤਾਜ਼ੇ ਅਤੇ ਘਰ ਵਿੱਚ ਪਕਾਏ ਹੋਏ ਭੋਜਨ ਨੂੰ ਤਰਜੀਹ ਦਿਓ। ਪੈਕੇਜਿੰਗ 'ਤੇ ਲੇਬਲ ਜ਼ਰੂਰ ਪੜ੍ਹੋ।

4/6

ਰੈਡ ਮੀਟ: ਰੈਡ ਮੀਟ ਵਿੱਚ ਪ੍ਰੋਟੀਨ ਦੀ ਮਾਤਰਾ ਵੱਧ ਹੁੰਦੀ ਹੈ, ਜੋ ਗੁਰਦਿਆਂ 'ਤੇ ਦਬਾਅ ਵਧਾਉਂਦੀ ਹੈ ਅਤੇ ਯੂਰਿਕ ਐਸਿਡ ਦੇ ਪੱਧਰ ਨੂੰ ਵਧਾ ਸਕਦੀ ਹੈ। ਹਫ਼ਤੇ ਵਿੱਚ ਸਿਰਫ਼ ਇੱਕ ਜਾਂ ਦੋ ਵਾਰ ਰੈਡ ਮੀਟ ਖਾਓ। ਇਸ ਦੀ ਬਜਾਏ, ਦਾਲਾਂ, ਅੰਡੇ ਜਾਂ ਚਿਕਨ ਵਰਗੇ ਹਲਕੇ ਪ੍ਰੋਟੀਨ ਵਾਲੇ ਵਿਕਲਪਾਂ ਦੀ ਚੋਣ ਕਰੋ।

5/6

ਜੰਕ ਫੂਡ ਅਤੇ ਡੀਪ ਫਰਾਈ ਕੀਤੀਆਂ ਚੀਜ਼ਾਂ: ਇਨ੍ਹਾਂ ਵਿੱਚ ਹਾਈ ਸੋਡੀਅਮ, ਟ੍ਰਾਂਸ ਫੈਟ ਅਤੇ ਘੱਟ ਪੋਸ਼ਣ ਹੁੰਦਾ ਹੈ, ਜੋ ਮੋਟਾਪਾ ਅਤੇ ਹਾਈ ਬਲੱਡ ਪ੍ਰੈਸ਼ਰ ਦਾ ਕਾਰਨ ਬਣਦਾ ਹੈ। ਦੋਵੇਂ ਗੁਰਦਿਆਂ ਲਈ ਖ਼ਤਰਨਾਕ ਹਨ। ਇਸ ਦੀ ਬਜਾਏ ਘਰੇਲੂ ਬਣੇ ਸਨੈਕਸ ਜਾਂ ਫਲ ਅਤੇ ਸਬਜ਼ੀਆਂ ਬਿਹਤਰ ਆਪਸ਼ਨ ਹਨ।

6/6

ਬਹੁਤ ਜ਼ਿਆਦਾ ਦਰਦ ਨਿਵਾਰਕ ਦਵਾਈਆਂ: ਵਾਰ-ਵਾਰ ਦਰਦ ਨਿਵਾਰਕ ਦਵਾਈਆਂ ਲੈਣ ਨਾਲ ਗੁਰਦਿਆਂ ਵਿੱਚ ਖੂਨ ਦੇ ਪ੍ਰਵਾਹ 'ਤੇ ਅਸਰ ਪੈਂਦਾ ਹੈ ਅਤੇ ਹੌਲੀ-ਹੌਲੀ ਇਸਦੀ ਕਾਰਜਸ਼ੀਲਤਾ ਘੱਟ ਸਕਦੀ ਹੈ। ਪੇਨ ਕਿਲਰ ਨੂੰ ਆਦਤ ਨਾ ਬਣਾਓ, ਯੋਗਾ ਜਾਂ ਆਯੁਰਵੈਦਿਕ ਇਲਾਜ ਵਰਗੇ ਦਰਦ ਲਈ ਵਿਕਲਪਕ ਉਪਚਾਰ ਅਪਣਾਓ।