ਵਾਰ-ਵਾਰ ਆ ਰਹੀ ਖੰਘ ਨੂੰ ਭੁੱਲ ਕੇ ਵੀ ਨਾਂ ਕਰੋ ਨਜ਼ਰਅੰਦਾਜ਼

ਖਾਂਸੀ ਇਕ ਆਮ ਸਮੱਸਿਆ ਹੈ ਜੋ ਸਰਦੀ-ਜ਼ੁਕਾਮ, ਐਲਰਜੀ ਜਾਂ ਹੋਰ ਕਾਰਨਾਂ ਤੋਂ ਹੋ ਜਾਂਦੀ ਹੈ। ਅਕਸਰ ਇਹ 1 ਜਾਂ 2 ਹਫਤੇ 'ਚ ਆਪਣੇ ਆਪ ਠੀਕ ਹੋ ਜਾਂਦੀ ਹੈ ਪਰ ਕਦੇ-ਕਦੇ ਲੰਬੇ ਸਮੇਂ ਤੱਕ ਬਣੀ ਰਹਿੰਦੀ ਹੈ ਤੇ ਇਸ ਨੂੰ ਠੀਕ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ।

cough

ਜੇਕਰ ਤੁਹਾਨੂੰ ਤਿੰਨ ਹਫਤੇ ਤੋਂ ਵੱਧ ਸਮੇਂ ਖਾਂਸੀ ਹੈ ਤੇ ਇਹ ਬੰਦ ਨਹੀਂ ਹੋ ਰਹੀ ਹੈ ਤਾਂ ਇਸ ਨੂੰ ਨਜ਼ਰਅੰਦਾਜ਼ ਨਾ ਕਰੋ। ਲੰਬੇ ਸਮੇਂ ਤੱਕ ਰੁਕ-ਰੁਕ ਕੇ ਖਾਂਸੀ ਆਉਣ ਦੇ ਕਈ ਕਾਰਨ ਹੋ ਸਕਦੇ ਹਨ ਕੁਝ ਗੰਭੀਰ ਬੀਮਾਰੀਆਂ ਕਾਰਨ ਵੀ ਖਾਂਸੀ ਲੰਬੇ ਸਮੇਂ ਤੱਕ ਠੀਕ ਨਹੀਂ ਹੁੰਦੀ ਹੈ।

ਵਾਇਰਲ ਇੰਫੈਕਸ਼ਨ ਲੰਬੇ ਸਮੇਂ ਤੱਕ ਰਹਿਣ ਵਾਲੀ ਖਾਸੀ ਦਾ ਸਭ ਤੋਂ ਆਮ ਕਾਰਨ ਹੈ। ਜਦੋਂ ਸਾਨੂੰ ਸਾਧਾਰਨ ਸਰਦੀ-ਖਾਂਸੀ ਹੁੰਦੀ ਹੈ ਤਾਂ ਇਹ ਵਾਇਰਸ ਕਾਰਨ ਹੁੰਦੀ ਹੈ। ਅਕਸਰ ਇਕ ਹਫਤੇ ਜਾਂ ਦੋ ਹਫਤਿਆਂ 'ਚ ਇਹ ਖਤਮ ਹੋ ਜਾਂਦੀ ਹੈ ਪਰ ਕਦੇ-ਕਦੇ ਵਾਇਰਸ 3 ਤੋਂ 4 ਹਫਤਿਆਂ ਤੱਕ ਬਣਿਆ ਰਹਿ ਸਕਦਾ ਹੈ ਤੇ ਖਾਂਸੀ ਨੂੰ ਬਰਕਰਾਰ ਰੱਖ ਸਕਦਾ ਹੈ।