Sports News: ਚੈਂਪੀਅਨਸ ਟਰਾਫੀ ਤੋਂ ਬਾਅਦ ਵਨਡੇ ਨੂੰ ਅਲਵਿਦਾ ਕਹੇਗਾ ਇਹ ਖਿਡਾਰੀ, ਅਜਿਹਾ ਰਿਹਾ ਆਲਰਾਊਂਡਰ ਦਾ ਕਰੀਅਰ

Mohammad Nabi: ਅਫਗਾਨਿਸਤਾਨ ਕ੍ਰਿਕਟ ਟੀਮ ਦੇ ਸਭ ਤੋਂ ਤਜ਼ਰਬੇਕਾਰ ਖਿਡਾਰੀਆਂ 'ਚ ਮੁਹੰਮਦ ਨਬੀ ਦਾ ਨਾਂ ਸ਼ਾਮਲ ਹੈ, ਪਰ ਹੁਣ ਇਸ ਆਲਰਾਊਂਡਰ ਨੇ ਵਨਡੇ ਫਾਰਮੈਟ ਨੂੰ ਅਲਵਿਦਾ ਕਹਿਣ ਦਾ ਫੈਸਲਾ ਕਰ ਲਿਆ ਹੈ।

Mohammad Nabi

ਮੁਹੰਮਦ ਨਬੀ ਦੀ ਗਿਣਤੀ ਅਫਗਾਨਿਸਤਾਨ ਕ੍ਰਿਕਟ ਦੇ ਸਭ ਤੋਂ ਤਜ਼ਰਬੇਕਾਰ ਖਿਡਾਰੀਆਂ 'ਚ ਹੁੰਦੀ ਹੈ। ਇਸ ਖਿਡਾਰੀ ਨੇ ਅਫਗਾਨਿਸਤਾਨ ਲਈ 2009 'ਚ ਪਹਿਲੀ ਵਾਰ ਵਨਡੇ ਖੇਡਿਆ ਸੀ।

ਮੁਹੰਮਦ ਨਬੀ ਦਾ ਵਨਡੇ ਕਰੀਅਰ ਲਗਭਗ 17 ਸਾਲ ਤੱਕ ਚੱਲਿਆ ਪਰ ਹੁਣ ਇਸ ਆਲਰਾਊਂਡਰ ਨੇ ਵਨ ਡੇ ਇੰਟਰਨੈਸ਼ਨਲ ਨੂੰ ਅਲਵਿਦਾ ਕਹਿਣ ਦਾ ਫੈਸਲਾ ਕਰ ਲਿਆ ਹੈ।

ਮੁਹੰਮਦ ਨਬੀ ਨੇ ਦੱਸਿਆ ਕਿ ਆਈਸੀਸੀ ਚੈਂਪੀਅਨਜ਼ ਟਰਾਫੀ 2025 ਤੋਂ ਬਾਅਦ ਉਹ ਵਨਡੇ ਫਾਰਮੈਟ ਨੂੰ ਅਲਵਿਦਾ ਕਹਿ ਦੇਣਗੇ। ਇਹ ਟੂਰਨਾਮੈਂਟ ਅਗਲੇ ਸਾਲ ਪਾਕਿਸਤਾਨ ਵਿੱਚ ਕਰਵਾਇਆ ਜਾਣਾ ਹੈ।

ਮੁਹੰਮਦ ਨਬੀ ਨੇ 165 ਵਨਡੇ ਮੈਚਾਂ ਵਿੱਚ ਅਫਗਾਨਿਸਤਾਨ ਦੀ ਨੁਮਾਇੰਦਗੀ ਕੀਤੀ ਹੈ। ਜਿਸ ਵਿੱਚ ਇਸ ਆਲਰਾਊਂਡਰ ਨੇ 86.61 ਦੀ ਸਟ੍ਰਾਈਕ ਰੇਟ ਅਤੇ 27 ਦੀ ਔਸਤ ਨਾਲ 3357 ਦੌੜਾਂ ਬਣਾਈਆਂ।

ਇੱਕ ਦਿਨਾ ਅੰਤਰਰਾਸ਼ਟਰੀ ਵਿੱਚ ਮੁਹੰਮਦ ਨਬੀ ਦਾ ਸਭ ਤੋਂ ਵੱਧ ਸਕੋਰ 136 ਦੌੜਾਂ ਹੈ। ਇਸ ਤੋਂ ਇਲਾਵਾ ਮੁਹੰਮਦ ਨਬੀ ਨੇ ਵਨਡੇ ਫਾਰਮੈਟ 'ਚ 171 ਵਿਕਟਾਂ ਲਈਆਂ। ਜਿਸ 'ਚ ਸਭ ਤੋਂ ਵਧੀਆ ਗੇਂਦਬਾਜ਼ੀ 17 ਦੌੜਾਂ 'ਤੇ 5 ਵਿਕਟਾਂ ਹਨ।