ਰਣਜੀ ਟਰਾਫੀ 'ਚ ਜ਼ੌਹਰ ਦਿਖਾਉਣ ਤੋਂ ਪਹਿਲਾਂ ਰਿਸ਼ੀਕੇਸ਼ 'ਚ ਪਤਨੀ ਨਾਲ ਛੁੱਟੀਆਂ ਮਨਾ ਰਹੇ ਨੇ Suryakumar Yadav, ਵੇਖੋ ਤਸਵੀਰਾਂ

ਸੂਰਿਆਕੁਮਾਰ ਯਾਦਵ ਇਨ੍ਹੀਂ ਦਿਨੀਂ ਛੁੱਟੀਆਂ ਦਾ ਖੂਬ ਆਨੰਦ ਲੈ ਰਹੇ ਹਨ। ਉਹ ਅਤੇ ਉਨ੍ਹਾਂ ਦੀ ਪਤਨੀ ਦੇਵੀਸ਼ਾ ਸ਼ੈੱਟੀ ਮੁੰਬਈ ਤੋਂ ਦੂਰ ਰਿਸ਼ੀਕੇਸ਼ ਵਿੱਚ ਛੁੱਟੀਆਂ ਮਨਾ ਰਹੇ ਹਨ, ਜਿੱਥੇ ਇਹ ਜੋੜਾ ਕੁਝ ਸਮਾਂ ਇਕੱਠੇ ਬਿਤਾ ਰਿਹਾ ਹੈ।

ਸੂਰਿਆਕੁਮਾਰ ਯਾਦਵ

ਸੂਰਿਆਕੁਮਾਰ ਯਾਦਵ ਆਪਣੇ ਹਾਲੀਆ ਪ੍ਰਦਰਸ਼ਨ ਕਾਰਨ ਲਗਾਤਾਰ ਸੁਰਖੀਆਂ 'ਚ ਹਨ। ਸੂਰਜ ਲਈ ਸਾਲ 2022 ਬਹੁਤ ਵਧੀਆ ਰਿਹਾ। ਉਨ੍ਹਾਂ ਇੱਕ ਕੈਲੰਡਰ ਸਾਲ ਵਿੱਚ 31 ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ 187.43 ਦੀ ਸਟ੍ਰਾਈਕ ਰੇਟ ਅਤੇ 46.56 ਦੀ ਔਸਤ ਨਾਲ 1164 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਸੂਰਿਆ ਨੇ 11 ਵਾਰ 50 ਪਲੱਸ ਦਾ ਸਕੋਰ ਬਣਾਇਆ। ਸਾਰਾ ਸਾਲ ਧਮਾਕੇਦਾਰ ਪ੍ਰਦਰਸ਼ਨ ਕਰਨ ਤੋਂ ਬਾਅਦ ਸੂਰਿਆਕੁਮਾਰ ਯਾਦਵ ਹੁਣ ਆਪਣੀ ਪਤਨੀ ਦੇਵੀਸ਼ਾ ਸ਼ੈੱਟੀ ਨਾਲ ਰਿਸ਼ੀਕੇਸ਼ 'ਚ ਛੁੱਟੀਆਂ ਦਾ ਆਨੰਦ ਮਾਣ ਰਹੇ ਹਨ। ਹਾਲਾਂਕਿ, ਬਹੁਤ ਜਲਦੀ ਹੀ ਪ੍ਰਸ਼ੰਸਕ ਸੂਰਿਆਕੁਮਾਰ ਯਾਦਵ ਨੂੰ ਇੱਕ ਵਾਰ ਫਿਰ ਐਕਸ਼ਨ ਵਿੱਚ ਦੇਖਣ ਦੇ ਯੋਗ ਹੋਣਗੇ।

ਦਰਅਸਲ, ਸੂਰਿਆਕੁਮਾਰ ਯਾਦਵ ਰਣਜੀ ਟਰਾਫੀ 2022-23 ਵਿੱਚ ਮੁੰਬਈ ਲਈ ਦੂਜਾ ਮੈਚ ਖੇਡਣਗੇ, ਜੋ ਹੈਦਰਾਬਾਦ ਨਾਲ ਹੋਵੇਗਾ। ਇਹ ਮੈਚ 20 ਦਸੰਬਰ ਤੋਂ ਸ਼ੁਰੂ ਹੋਵੇਗਾ। ਇਸ ਮੈਚ 'ਚ ਸੂਰਿਆ ਅਜਿੰਕਯ ਰਹਾਣੇ ਦੀ ਕਪਤਾਨੀ 'ਚ ਖੇਡੇਗਾ। ਜਿੱਥੇ ਇੱਕ ਪਾਸੇ ਰਹਾਣੇ ਆਪਣੇ ਪ੍ਰਦਰਸ਼ਨ ਦੇ ਦਮ 'ਤੇ ਟੀਮ ਇੰਡੀਆ 'ਚ ਵਾਪਸੀ ਦੀ ਕੋਸ਼ਿਸ਼ ਕਰਨਗੇ। ਇਸ ਦੇ ਨਾਲ ਹੀ ਸੂਰਿਆਕੁਮਾਰ ਯਾਦਵ ਟੀ-20 ਅਤੇ ਵਨਡੇ ਤੋਂ ਬਾਅਦ ਟੈਸਟ 'ਚ ਵੀ ਆਪਣਾ ਦਾਅਵਾ ਪੇਸ਼ ਕਰਨਾ ਚਾਹੁਣਗੇ।