T20 World Cup ਦੇ ਹਰ ਮੈਚ 'ਚ 100 ਦੌੜਾਂ ਬਣਦੇ ਹੀ ਦਿੱਤੀਆਂ ਜਾਂਦੀਆਂ ਨੇ 10 ਕਿੱਟਾਂ, ਜਾਣੋ ਕਿਸ ਨੂੰ ਮਿਲਦੀਆਂ ?

ਟੀ-20 ਵਿਸ਼ਵ ਕੱਪ 'ਚ 100 ਦੌੜਾਂ ਬਣਾਉਣ 'ਤੇ ਖਾਸ ਕੰਮ ਕੀਤਾ ਜਾਂਦਾ ਹੈ। ਦਰਅਸਲ, ਹਰ 100 ਦੌੜਾਂ ਲਈ 10 ਕਿੱਟਾਂ ਵੰਡੀਆਂ ਜਾਂਦੀਆਂ ਹਨ।

T20 worldcup

ਦਰਅਸਲ ਇੰਟਰਨੈਸ਼ਨਲ ਕ੍ਰਿਕੇਟ ਕਾਉਂਸਿਲ (ICC) ਅਤੇ DP ਵਰਲਡ ਦੇ ਵਿੱਚ ਇੱਕ ਸਾਂਝੇਦਾਰੀ ਹੈ। ਅਜਿਹੇ 'ਚ ਡੀਪੀ ਵਰਲਡ ਨੇ ਵਿਸ਼ਵ ਕੱਪ 'ਚ 100 ਦੌੜਾਂ ਬਣਾਉਣ 'ਤੇ 10 ਕ੍ਰਿਕਟ ਕਿੱਟਾਂ ਵੰਡਣ ਦਾ ਫੈਸਲਾ ਕੀਤਾ ਹੈ। ਇਸ ਨੂੰ ਬਿਓਂਡ ਬਾਊਂਡਰੀਜ਼ ਇਨੀਸ਼ੀਏਟਿਵ ਦਾ ਨਾਂ ਦਿੱਤਾ ਗਿਆ ਹੈ।

ਇਸ ਵਿੱਚ ਕ੍ਰਿਕੇਟ ਕਿੱਟਾਂ ਅਤੇ ਸਾਜ਼ੋ-ਸਾਮਾਨ ਨੂੰ ਮੁੜ ਤੋਂ ਤਿਆਰ ਕੀਤੇ ਸ਼ਿਪਿੰਗ ਕੰਟੇਨਰਾਂ ਰਾਹੀਂ ਪਹੁੰਚਾ ਕੇ ਆਮ ਲੋਕਾਂ ਨੂੰ ਸ਼ਕਤੀ ਪ੍ਰਦਾਨ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਫੈਸਲਾ ਵਿਸ਼ਵ ਕੱਪ ਸ਼ੁਰੂ ਹੋਣ ਤੋਂ ਠੀਕ ਇਕ ਸ਼ਾਮ ਪਹਿਲਾਂ ਲਿਆ ਗਿਆ ਸੀ।

2,500 ਤੋਂ ਵੱਧ ਕਿੱਟਾਂ ਦਾ ਪਹਿਲਾਂ ਹੀ ਵਾਅਦਾ ਕੀਤਾ ਜਾ ਚੁੱਕਾ ਹੈ। ਇਸ ਫੈਸਲੇ ਵਿੱਚ ਇਹ ਵਿਚਾਰ ਕੀਤਾ ਗਿਆ ਸੀ ਕਿ ਆਈਸੀਸੀ ਟੂਰਨਾਮੈਂਟ ਵਿੱਚ ਹਰ 100 ਦੌੜਾਂ ਬਣਾਉਣ ਲਈ 10 ਕਿੱਟਾਂ ਵੰਡੀਆਂ ਜਾਣਗੀਆਂ।

ਹੁਣ ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਇਹ ਕ੍ਰਿਕਟ ਕਿੱਟ ਕਿਸ ਨੂੰ ਵੰਡੀ ਜਾਂਦੀ ਹੈ ਅਤੇ ਕੌਣ ਲੈਂਦਾ ਹੈ?

ਇਸ ਲਈ ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ, ਦੱਖਣੀ ਅਫਰੀਕਾ ਅਤੇ ਯੂਏਈ ਵਿੱਚ ਹਜ਼ਾਰਾਂ ਚਾਹਵਾਨ ਕ੍ਰਿਕਟਰਾਂ ਨੂੰ 1,750 ਕਿੱਟਾਂ ਵੰਡੀਆਂ ਗਈਆਂ ਹਨ। ਇਸ ਪਹਿਲਕਦਮੀ ਵਿੱਚ ਉਨ੍ਹਾਂ ਲੋਕਾਂ ਨੂੰ ਕ੍ਰਿਕਟ ਕਿੱਟਾਂ ਵੰਡੀਆਂ ਜਾਂਦੀਆਂ ਹਨ ਜੋ ਭਵਿੱਖ ਵਿੱਚ ਕ੍ਰਿਕਟਰ ਬਣਨ ਦਾ ਸੁਪਨਾ ਦੇਖ ਰਹੇ ਹਨ ਅਤੇ ਉਨ੍ਹਾਂ ਕੋਲ ਕਿੱਟ ਖਰੀਦਣ ਲਈ ਪੈਸੇ ਨਹੀਂ ਹਨ।