Anushka Sharma ਤੋਂ ਲੈ ਕੇ Sanjana Ganesan ਤੱਕ, ਜਾਣੋ ਭਾਰਤੀ ਕ੍ਰਿਕੇਟਰਾਂ ਦੀਆਂ Hottest WAGs ਬਾਰੇ

ਇੰਡੀਅਨ ਪ੍ਰੀਮੀਅਰ ਲੀਗ ਦਾ 14ਵਾਂ ਸੀਜ਼ਨ ਛੇਤੀ ਹੀ ਸ਼ੁਰੂ ਹੋਣ ਜਾ ਰਿਹਾ ਹੈ। ਜਿਵੇਂ ਜਿਵੇਂ ਇਹ ਟੂਰਨਾਮੈਂਟ ਨੇੜੇ ਆ ਰਿਹਾ ਹੈ, ਉਵੇਂ ਉਵੇਂ ਇਸ ਵਿੱਚ ਸ਼ਾਮਲ ਹੋਣ ਵਾਲੇ ਕ੍ਰਿਕੇਟਰਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀਆਂ ਵੀ ਚਰਚਾਵਾਂ ਹੋਣ ਲੱਗੀਆਂ ਹਨ। ਕ੍ਰਿਕੇਟਰਾਂ, ਉਨ੍ਹਾਂ ਦੀਆਂ ਪਤਨੀਆਂ ਤੇ ਪ੍ਰੇਮਿਕਾਵਾਂ ਬਾਰੇ ਉਨ੍ਹਾਂ ਦੇ ਪ੍ਰਸ਼ੰਸਕ ਸਭ ਕੁਝ ਜਾਣਨਾ ਚਾਹੁੰਦੇ ਹਨ। ਆਓ ਤੁਹਾਨੂੰ ਵੀ ਦੱਸਦੇ ਹਾਂ ਕ੍ਰਿਕੇਟਰਾਂ ਅਤੇ ਉਨ੍ਹਾਂ ਦੀਆਂ ਗਲੈਮਰਸ ਕ੍ਰਿਕੇਟ ਵਾਈਵਸ ਬਾਰੇ...

ਇਸ ਲਿਸਟ ਵਿੱਚ ਸਭ ਤੋਂ ਪਹਿਲਾ ਨਾਂਅ ਸੰਜਨਾ ਗਣੇਸ਼ਨ ਦਾ ਨਾਂਅ ਸਭ ਤੋਂ ਪਹਿਲਾਂ ਰੱਖਣਾ ਜ਼ਰੂਰੀ ਹੈ, ਕਿਉਂਕਿ ਉਸ ਨੇ ਹਾਲ ਹੀ ਵਿੱਚ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨਾਲ ਵਿਆਹ ਕਰਵਾਇਆ ਹੈ। ਫੇਮਿਨਾ ਆਫੀਸ਼ੀਅਲ ਗਾਰਜੀਅਸ ਦੀ ਜੇਤੂ ਅਤੇ ਐਮਟੀਵੀ ਸਪਲਿੱਟਸਵਿਲਾ ਸੀਜ਼ਨ 7 ਵਿੱਚ ਹਿੱਸਾ ਲੈ ਚੁੱਕੀ ਸੰਜਨਾ ਗਣੇਸ਼ਨ ਆਈਪੀਐਲ ਅਤੇ ਆਈਸੀਸੀ ਦੇ ਕਈ ਈਵੈਂਟਸ ਵਿੱਚ ਐਂਕਰਿੰਗ ਕਰ ਚੁੱਕੀ ਹੈ।

ਸਰਬੀਅਨ ਡਾਂਸਰ ਅਤੇ ਅਦਾਕਾਰਾ ਨਤਾਸ਼ਾ ਸਟਾਨਕੋਵਿਕ ਇਨ੍ਹੀਂ ਦਿਨੀਂ ਮੁੰਬਈ ਵਿੱਚ ਹੀ ਵੱਸ ਚੁੱਕੀ ਹੈ। ਨਤਾਸ਼ਾ, ਬਾਲੀਵੁੱਡ ਦੇ ਕਈ ਪ੍ਰਾਜੈਕਟਸ ਵਿੱਚ ਦਿਖਾਈ ਦੇ ਚੁੱਕੀ ਹੈ ਅਤੇ ਕਈ ਆਈਟਮ ਨੰਬਰ ਦਾ ਹਿੱਸਾ ਵੀ ਬਣੀ ਹੈ। ਨਤਾਸ਼ਾ ਨੇ ਤਿੰਨ ਸਾਲ ਪਹਿਲਾਂ ਭਾਰਤੀ ਕ੍ਰਿਕੇਟ ਟੀਮ ਦੇ ਹਰਫਨਮੌਲਾ ਅਤੇ ਮੁੰਬਈ ਇੰਡੀਅਨਜ਼ ਦੇ ਸਟਾਰ ਪਲੇਅਰ ਹਾਰਦਿਕ ਪੰਡਿਆ ਨਾਲ ਸਗਾਈ ਕੀਤੀ ਹੈ। ਪਿਛਲੇ ਸਾਲ ਦੋਵੇਂ ਜਣੇ ਆਪਣੇ ਪੁੱਤਰ ਅਗਸਤਿਆ ਦੇ ਪੇਰੈਂਟਸ ਬਣੇ ਹਨ।

ਬੇਸ਼ੱਕ ਅਨੁਸ਼ਕਾ ਸ਼ਰਮਾ ਦੋ ਸਾਲਾਂ ਤੋਂ ਫ਼ਿਲਮਾਂ ਤੋਂ ਦੂਰ ਹੈ ਪਰ ਵਿਆਹ ਤੋਂ ਬਾਅਦ ਉਸ ਦਾ ਕਰੀਅਰ ਖ਼ਤਮ ਨਹੀਂ ਹੋਇਆ। ਅੱਜ ਦੇ ਦੌਰ ਵਿੱਚ ਭਾਰਤੀ ਕ੍ਰਿਕੇਟਰਾਂ ਅਤੇ ਅਦਾਕਾਰਾਵਾਂ ਦੀਆਂ ਜੋੜੀਆਂ ਵਿੱਚੋਂ ਸਭ ਤੋਂ ਵੱਧ ਚਰਚਾ ਦਾ ਵਿਸ਼ਾ, ਅਨੁਸ਼ਕਾ ਅਤੇ ਵਿਰਾਟ ਕੋਹਲੀ ਦੀ ਹੀ ਜੋੜੀ ਬਣੀ ਸੀ।

ਪ੍ਰਾਚੀ ਸਿੰਘ ਅੱਜ ਕੱਲ੍ਹ ਦੀਆਂ ਅਦਾਕਾਰਾਵਾਂ ਵਿੱਚ ਨਾਂਅ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਪ੍ਰਾਚੀ ਨੂੰ ਦਿੱਲੀ ਕੈਪੀਟਲਜ਼ ਦੇ ਬੱਲੇਬਾਜ਼ ਪ੍ਰਿਥਵੀ ਸ਼ਾਅ ਨਾਲ ਜੋੜਿਆ ਜਾਣ ਲੱਗਿਆ ਸੀ। ਦੋਵੇਂ ਜਣੇ ਸੋਸ਼ਲ ਮੀਡੀਆ 'ਤੇ ਅਕਸਰ ਹੀ ਕੁਮੈਂਟ ਜੁਗਲਬੰਦੀ ਕਰਦੇ ਦੇਖੇ ਜਾਂਦੇ ਹਨ।

ਕਾਰੋਬਾਰੀ ਅਤੇ ਇੰਟੀਰੀਅਰ ਡਿਜ਼ਾਈਨਰ ਵਜੋਂ ਜਾਣੀ ਜਾਂਦੀ ਈਸ਼ਾ ਨੇਗੀ ਦਾ ਨਾਂਅ ਦਿੱਲੀ ਕੈਪੀਟਲਜ਼ ਦੇ ਕਪਤਾਨ ਰਿਸ਼ਭ ਪੰਤ ਨਾਲ ਲਗਾਤਾਰ ਜੋੜਿਆ ਜਾ ਰਿਹਾ ਹੈ। ਜੀਸਸ ਮੈਰੀ ਕਾਲਜ ਤੋਂ ਪੜ੍ਹਨ ਵਾਲੀ ਈਸ਼ਾ ਕਈ ਵਾਰ ਰਿਸ਼ਭ ਨਾਲ ਆਪਣੀਆਂ ਤਸਵੀਰਾਂ ਸਾਂਝੀਆਂ ਕਰ ਚੁੱਕੀ ਹੈ। ਪੰਤ ਨੇ ਵੀ ਇਸ ਨਵੇਂ ਸਾਲ ਮੌਕੇ ਇੱਕ ਪੋਸਟ ਸ਼ੇਅਰ ਕਰ ਲਿਖਿਆ ਸੀ ਕਿ ਉਹ ਉਸ ਸਮੇਂ ਬਿਹਤਰ ਮਹਿਸੂਸ ਕਰਦਾ ਹੈ ਜਦ ਉਸ ਨਾਲ ਹੁੰਦਾ ਹੈ।

ਆਇਸ਼ਾ ਮੁਖਰਜੀ ਖ਼ਾਸ ਕਾਰਨ ਕਰਕੇ ਇਸ ਸੂਚੀ ਵਿੱਚ ਸ਼ਾਮਲ ਹੈ। ਉਸ ਦਾ ਵਿਆਹ ਕ੍ਰਿਕੇਟਰ ਸ਼ਿਖਰ ਧਵਨ ਨਾਲ ਹੋਇਆ ਸੀ ਪਰ ਉਮਰ ਵਿੱਚ ਵੱਡੀ ਹੋਣ ਕਾਰਨ ਕਾਫੀ ਮੁਸ਼ਕਿਲਾਂ ਨਾਲ ਦੋਵਾਂ ਦਾ ਰਿਸ਼ਤਾ ਸਿਰੇ ਚੜ੍ਹਿਆ ਸੀ। ਦੋਵਾਂ ਨੂੰ ਇੱਕ ਪੁੱਤਰ ਜ਼ੋਰਾਵਰ ਵੀ ਹੈ। ਨਾਲ ਹੀ ਆਇਸ਼ਾ ਆਪਣੇ ਪਿਛਲੇ ਵਿਆਹ ਤੋਂ ਦੋ ਧੀਆਂ ਦੀ ਮਾਂ ਵੀ ਹੈ।

ਕੈਂਡਿਸ ਵਾਰਨਰ ਮੰਨੀ ਪ੍ਰਮੰਨੀ ਮਾਡਲ ਤਾਂ ਹੈ ਹੀ ਪਰ ਹੈਦਰਾਬਾਦ ਸਨਰਾਈਜ਼ਰਜ਼ ਦੇ ਕਪਤਾਨ ਡੇਵਿਡ ਵਾਰਨਰ ਦੀ ਪਤਨੀ ਅਤੇ ਤਿੰਨ ਬੱਚਿਆਂ ਦੀ ਮਾਂ ਕਰਕੇ ਇਸ ਸੂਚੀ ਵਿੱਚ ਸ਼ਾਮਲ ਹੈ। ਵਾਰਨਰ ਪਰਿਵਾਰ ਕ੍ਰਿਕੇਟ ਪ੍ਰਸ਼ੰਸਕਾਂ ਦਰਮਿਆਨ ਆਪਣੇ ਪਰਿਵਾਰ ਦੀਆਂ TikTok ਵੀਡੀਓਜ਼ ਕਰਕੇ ਕਾਫੀ ਪ੍ਰਸਿੱਧ ਹੈ।