iPhone 16 ਲੈਣ ਦੇ ਸ਼ੌਕੀਨਾਂ ਨੂੰ ਵੱਡਾ ਝਟਕਾ, ਜਾਣੋ ਵਿਕਰੀ 'ਤੇ ਕਿਉਂ ਲੱਗੀ ਪਾਬੰਦੀ ?

Indonesia Bans iphone 16: ਹਾਲ ਹੀ 'ਚ ਐਪਲ ਆਈਫੋਨ 16 ਸੀਰੀਜ਼ (Apple iPhone 16 Series) ਨੂੰ ਬਾਜ਼ਾਰ 'ਚ ਲਾਂਚ ਕੀਤਾ ਹੈ। ਪਰ ਇਸ ਦੌਰਾਨ ਇੱਕ ਦੇਸ਼ ਨੇ ਇਸ 'ਤੇ ਪਾਬੰਦੀ ਲਗਾ ਦਿੱਤੀ ਹੈ।

Indonesia Bans iphone 16

ਨਾਲ ਹੀ, ਉਸ ਦੇਸ਼ ਵਿੱਚ ਮੌਜੂਦ ਆਈਫੋਨ 16 ਨੂੰ ਗੈਰ-ਕਾਨੂੰਨੀ ਕਰਾਰ ਦਿੱਤਾ ਗਿਆ ਹੈ। ਦਰਅਸਲ, ਇੰਡੋਨੇਸ਼ੀਆ ਵੱਲੋਂ ਆਈਫੋਨ 16 ਦੀ ਵਿਕਰੀ ਤੁਰੰਤ ਬੰਦ ਕਰਨ ਦੇ ਆਦੇਸ਼ ਦਿੱਤੇ ਗਏ ਹਨ। ਇਹ ਫੈਸਲਾ ਐਪਲ ਦੀ ਸਖਤ ਕਾਰਵਾਈ ਦਾ ਹਿੱਸਾ ਹੈ। ਇੰਡੋਨੇਸ਼ੀਆ ਸਰਕਾਰ ਨੇ ਦੋਸ਼ ਲਗਾਇਆ ਸੀ ਕਿ ਐਪਲ ਵੱਲੋਂ ਉਨ੍ਹਾਂ ਦੇ ਦੇਸ਼ 'ਚ ਨਿਵੇਸ਼ ਕਰਨ ਲਈ ਕਿਹਾ ਸੀ। ਪਰ ਕੰਪਨੀ ਨੇ ਅਜਿਹਾ ਨਹੀਂ ਕੀਤਾ, ਜਿਸ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ ਹੈ।

ਇੰਡੋਨੇਸ਼ੀਆ ਨੇ ਇਸ ਕਾਰਨ ਇਹ ਫੈਸਲਾ ਲਿਆ ਐਪਲ ਨੇ ਇੰਡੋਨੇਸ਼ੀਆ ਵਿੱਚ ਕੁਝ ਨਿਵੇਸ਼ ਕੀਤਾ ਸੀ, ਪਰ ਇਹ ਓਨਾ ਨਹੀਂ ਸੀ, ਜਿੰਨਾ ਕੰਪਨੀ ਚਾਹੁੰਦੀ ਸੀ। ਹੁਣ ਸਰਕਾਰ ਦੁਆਰਾ TKDN ਸਰਟੀਫਿਕੇਸ਼ਨ ਜਾਰੀ ਨਹੀਂ ਕੀਤਾ ਗਿਆ ਹੈ। ਇਸ ਕਾਰਨ ਹੁਣ ਇੰਡੋਨੇਸ਼ੀਆ ਵਿੱਚ ਐਪਲ ਆਈਫੋਨ 16 ਨਹੀਂ ਵੇਚਿਆ ਜਾਵੇਗਾ।