ਚੰਗਾ ਕੰਟੈਂਟ ਪਾਉਣ ਦੇ ਬਾਵਜੂਦ ਵੀ Instagram 'ਤੇ ਨਹੀਂ ਮਿਲ ਰਹੀ ਗ੍ਰੋਥ? ਤਾਂ ਅਪਣਾਓ ਆਹ ਤਰੀਕੇ

ਅੱਜ, ਲੱਖਾਂ Creators ਇੰਸਟਾਗ੍ਰਾਮ 'ਤੇ ਵਧੀਆ Content ਬਣਾ ਰਹੇ ਹਨ, ਫਿਰ ਵੀ Followers ਦੀ ਗਿਣਤੀ ਨਹੀਂ ਵੱਧ ਰਹੀ ਹੈ।

Instagram

Instagram ਦਾ ਐਲਗੋਰਿਦਮ ਹੁਣ ਉਨ੍ਹਾਂ ਅਕਾਊਂਟਸ ਨੂੰ ਜ਼ਿਆਦਾ ਪੁਸ਼ ਕਰਦਾ ਹੈ ਜਿਨ੍ਹਾਂ ਦਾ ਕੰਟੈਂਟ ਲੋਕਾਂ ਨੂੰ ਜ਼ਿਆਦਾ ਆਕਰਸ਼ਿਤ ਕਰਦਾ ਹੈ। ਇਸਦਾ ਮਤਲਬ ਹੈ ਕਿ ਜੇਕਰ ਤੁਹਾਡੀ ਵੀਡੀਓ ਦੇਖੀ ਜਾ ਰਹੀ ਹੈ, ਉਸ 'ਤੇ ਕੁਮੈਂਟ ਕੀਤਾ ਜਾ ਰਿਹਾ ਹੈ ਅਤੇ ਲੋਕ ਉਸ ਨੂੰ ਸ਼ੇਅਰ ਕਰ ਰਹੇ ਹਨ ਤਾਂ ਹੀ ਇਹ ਬਹੁਤ ਸਾਰੇ ਲੋਕਾਂ ਤੱਕ ਪਹੁੰਚੇਗਾ। ਇਸ ਲਈ, ਹੁਣ ਸਿਰਫ ਵਿਊਜ਼ ਹੀ ਨਹੀਂ, ਸਗੋਂ ਵਾਚ ਟਾਈਮ ਅਤੇ ਇੰਟਰੈਕਸ਼ਨ ਸਭ ਤੋਂ ਵੱਡਾ ਫੈਕਟਰ ਬਣ ਚੁੱਕਿਆ ਹੈ।

ਅਕਸਰ ਕ੍ਰਿਏਟਰਸ ਸਿਰਫ਼ Reels 'ਤੇ ਫੋਕਸ ਕਰਦੇ ਹਨ, ਪਰ ਇੰਸਟਾਗ੍ਰਾਮ ਹੁਣ ਸੰਤੁਲਨ ਚਾਹੁੰਦਾ ਹੈ। Reels ਦੇ ਨਾਲ-ਨਾਲ Stories ਅਤੇ Carousel ਪੋਸਟਾਂ ਵੀ ਉੰਨੀਆਂ ਹੀ ਮਹੱਤਵਪੂਰਨ ਹੋ ਗਈਆਂ ਹਨ। Stories ਨਾਲ ਆਰਡੀਅੰਸ ਦਾ ਰੋਜ਼ ਦਾ ਕੁਨੈਕਸ਼ਨ ਬਣਿਆ ਰਹਿੰਦਾ ਹੈ। ਜਦੋਂ ਕਿ Carousel ਪੋਸਟਾਂ ਲੋਕਾਂ ਨੂੰ ਲੰਬੇ ਸਮੇਂ ਲਈ ਰੁਝੇ ਰੱਖਦੀਆਂ ਹਨ, ਐਲਗੋਰਿਦਮ ਨੂੰ ਇੱਕ ਪੌਜ਼ੀਟਿਵ ਸਿਗਨਲ ਮਿਲਦਾ ਹੈ।

ਕਈ ਵਾਰ, ਭਾਵੇਂ ਤੁਹਾਡਾ ਕੰਟੈਂਟ ਚੰਗਾ ਹੋਵੇ, ਪਰ ਤੁਸੀਂ ਇਸ ਨੂੰ ਗਲਤ ਸਮੇਂ 'ਤੇ ਪੋਸਟ ਕਰਦੇ ਹੋ ਤਾਂ ਵੀ ਤੁਹਾਨੂੰ ਨੁਕਸਾਨ ਹੋ ਸਕਦਾ ਹੈ। ਇਸ ਕਰਕੇ ਜ਼ਰੂਰੀ ਹੈ ਕਿ ਤੁਸੀਂ ਉਦੋਂ ਪੋਸਟ ਕਰੋ ਜਦੋਂ ਤੁਹਾਡੇ ਦਰਸ਼ਕ ਸਭ ਤੋਂ ਵੱਧ ਐਕਟਿਵ ਹੋਣ। ਇਸ ਤੋਂ ਇਲਾਵਾ, ਲਗਾਤਾਰ ਪੋਸਟ ਕਰਨਾ, ਭਾਵੇਂ ਹਫ਼ਤੇ ਵਿੱਚ ਸਿਰਫ਼ ਦੋ ਜਾਂ ਤਿੰਨ ਵਾਰ ਹੀ ਕਿਉਂ ਨਾ ਹੋਵੇ, Instagram ਨੂੰ ਦਿਖਾਉਂਦਾ ਹੈ ਕਿ ਤੁਸੀਂ ਸੀਰੀਅਸ ਕ੍ਰਿਏਟਰ ਹੋ।

ਅੱਜ, ਇੰਸਟਾਗ੍ਰਾਮ 'ਤੇ ਸਭ ਤੋਂ ਤੇਜ਼ੀ ਨਾਲ ਵਧ ਰਹੇ ਅਕਾਊਂਟਸ ਉਹ ਹਨ ਜੋ ਆਪਣੇ ਦਰਸ਼ਕਾਂ ਨਾਲ ਗੱਲਬਾਤ ਕਰਦੇ ਹਨ। ਕੁਮੈਂਟਸ ਦਾ ਜਵਾਬ ਦੇਣਾ, ਪੋਲ ਅਤੇ ਸਵਾਲ ਵਾਲੇ ਸਟਿੱਕਰ ਲਾਉਣਾ ਅਤੇ ਲਾਈਵ ਜਾਣਾ, ਇਹ ਸਭ ਟ੍ਰਸਟ ਬਣਾਉਂਦੇ ਹਨ। ਉਦੋਂ ਲੋਕ ਤੁਹਾਡੇ ਨਾਲ ਜੁੜਿਆ ਹੋਇਆ ਮਹਿਸੂਸ ਕਰਦੇ ਹਨ, ਤਾਂ ਉਹ ਤੁਹਾਡੇ ਕੰਟੈਂਟ ਨੂੰ ਅੱਗੇ ਸ਼ੇਅਰ ਵੀ ਕਰਦੇ ਹਨ , ਜਿਸ ਨਾਲ ਆਰਗੈਨਿਕ ਗ੍ਰੋਥ ਹੁੰਦੀ ਹੈ।

ਜਦੋਂ ਫਾਲੋਅਰਜ਼ ਐਕਟਿਵ ਅਤੇ ਇੰਗੇਜ਼ਡ ਹੁੰਦੇ ਹਨ, ਤਾਂ ਬ੍ਰਾਂਡ ਆਪਣੇ ਆਪ ਹੀ ਤੁਹਾਡੇ ਨਾਲ ਸੰਪਰਕ ਕਰਨ ਲੱਗ ਪੈਂਦੇ ਹਨ। ਇਸ ਤੋਂ ਇਲਾਵਾ, ਐਫੀਲੀਏਟ ਲਿੰਕਾਂ, ਡਿਜੀਟਲ ਪ੍ਰੋਡਕਟਸ ਅਤੇ ਪੇਡ ਪ੍ਰੋਮੋਸ਼ਨ ਤੋਂ ਵੀ ਕਮਾਈ ਕੀਤੀ ਜਾ ਸਕਦੀ ਹੈ। ਇੰਸਟਾਗ੍ਰਾਮ ਹੁਣ ਸਿਰਫ਼ ਇੱਕ ਸ਼ੋਅਕੇਸ ਪਲੇਟਫਾਰਮ ਨਹੀਂ ਹੈ; ਸਹੀ ਰਣਨੀਤੀ ਦੇ ਨਾਲ ਇੱਕ ਮਜਬੂਤ ਕਮਾਈ ਦਾ ਜ਼ਰੀਆ ਬਣ ਚੁੱਕਿਆ ਹੈ।

ਜੇਕਰ ਤੁਹਾਡੇ ਕੋਲ ਵਧੀਆ ਕੰਟੈਂਟ ਹੋਣ ਦੇ ਬਾਵਜੂਦ ਵਾਧਾ ਨਹੀਂ ਦਿਖਾਈ ਦੇ ਰਿਹਾ ਹੈ, ਤਾਂ ਤੁਸੀਂ ਆਪਣਾ ਤਰੀਕਾ ਬਦਲ ਲਓ। ਐਲਗੋਰਿਦਮ ਨੂੰ ਸਮਝ ਕੇ, ਕੰਸੀਸਟੈਂਸੀ ਬਣਾਈ ਰੱਖਣਾ, ਅਤੇ ਦਰਸ਼ਕਾਂ ਦੀ ਸ਼ਮੂਲੀਅਤ ਵਧਾਉਣਾ ਤੁਹਾਨੂੰ ਇੰਸਟਾਗ੍ਰਾਮ 'ਤੇ ਆਪਣੇ ਫਾਲੋਅਰਜ਼ ਅਤੇ ਤੁਹਾਡੀ ਕਮਾਈ ਦੋਵਾਂ ਨੂੰ ਤੇਜ਼ੀ ਨਾਲ ਵਧਾਉਣ ਵਿੱਚ ਮਦਦ ਕਰ ਸਕਦਾ ਹੈ।