iOS 17 ਅੱਜ ਹੋਵੇਗਾ ਲਾਂਚ, ਜਾਣੋ ਫੋਨ ਨੂੰ ਅਪਡੇਟ ਕਰਨ ਤੋਂ ਪਹਿਲਾਂ ਕੁੱਝ ਜ਼ਰੂਰੀ ਗੱਲਾਂ

How to update to iOS 17? ਐਪਲ ਅੱਜ ਦੁਨੀਆ ਭਰ ਦੇ ਆਈਫੋਨ ਉਪਭੋਗਤਾਵਾਂ ਲਈ iOS 17 ਨੂੰ ਜਾਰੀ ਕਰੇਗਾ। ਫੋਨ ਨੂੰ ਨਵੇਂ ਆਪਰੇਟਿੰਗ ਸਿਸਟਮ 'ਤੇ ਅਪਡੇਟ ਕਰਨ ਤੋਂ ਪਹਿਲਾਂ ਅਸੀਂ ਤੁਹਾਨੂੰ ਕੁਝ ਜ਼ਰੂਰੀ ਗੱਲਾਂ ਦੱਸਣ ਜਾ ਰਹੇ ਹਾਂ।

iOS 17

ਆਈਫੋਨ 15 ਸੀਰੀਜ਼ ਨੂੰ ਲਾਂਚ ਕਰਦੇ ਹੋਏ ਐਪਲ ਨੇ iOS 17 ਦੇ ਲਾਂਚ ਦੀ ਵੀ ਜਾਣਕਾਰੀ ਦਿੱਤੀ ਹੈ। ਕੰਪਨੀ ਅੱਜ ਭਾਰਤੀ ਸਮੇਂ ਅਨੁਸਾਰ ਰਾਤ 10:30 ਵਜੇ ਨਵੇਂ OS ਨੂੰ ਰਿਲੀਜ਼ ਕਰੇਗੀ। ਨਵੇਂ ਆਪਰੇਟਿੰਗ ਸਿਸਟਮ ਬਾਰੇ ਜਾਣਕਾਰੀ ਸਭ ਤੋਂ ਪਹਿਲਾਂ WWDC ਵਿਖੇ ਦਿੱਤੀ ਗਈ ਸੀ। ਨਵਾਂ ਸਾਫਟਵੇਅਰ iPhone XS ਸੀਰੀਜ਼ ਅਤੇ ਇਸ ਤੋਂ ਉੱਪਰ ਦੇ ਮਾਡਲਾਂ 'ਤੇ ਕੰਮ ਕਰੇਗਾ।

ਨਵਾਂ ਕੀ ਹੈ: ਨਵਾਂ ਓਪਰੇਟਿੰਗ ਸਿਸਟਮ ਲਾਈਵ ਵੌਇਸਮੇਲ, ਇੰਟਰਐਕਟਿਵ ਵਿਜੇਟਸ, ਫੋਨ ਕਾਲਾਂ ਦੌਰਾਨ ਸਿਰੀ ਦੀ ਵਰਤੋਂ, ਸਟੈਂਡਬਾਏ ਮੋਡ, ਕਾਲ ਪੋਸਟਰ ਅਤੇ ਹੋਰ ਬਹੁਤ ਸਾਰੇ ਅਪਡੇਟਾਂ ਦੇ ਨਾਲ ਆਉਂਦਾ ਹੈ। ਨੋਟ ਕਰੋ, ਨਵਾਂ OS 2018 ਤੋਂ ਲਾਂਚ ਕੀਤੇ ਗਏ ਸਾਰੇ ਮਾਡਲਾਂ 'ਤੇ ਕੰਮ ਕਰੇਗਾ। ਕੰਪਨੀ ਨੇ ਆਈਫੋਨ 8 ਅਤੇ 8 ਪਲੱਸ ਦੇ ਨਾਲ iPhone X ਲਈ ਸਾਫਟਵੇਅਰ ਅਪਡੇਟਸ ਨੂੰ ਖਤਮ ਕਰ ਦਿੱਤਾ ਹੈ।