ਪੜਚੋਲ ਕਰੋ

ਸਾਵਧਾਨ ! ਫ਼ੋਨ ਦੇ ਨੋਟੀਫ਼ਿਕੇਸ਼ਨ ਵੀ ਬਣ ਸਕਦੇ ਹਨ ਜਾਸੂਸ , ਇੰਝ ਚੁੱਪ-ਚਾਪ ਲੀਕ ਹੋ ਰਿਹਾ ਹੈ ਤੁਹਾਡਾ ਨਿੱਜੀ ਡਾਟਾ

Smartphone Tips : ਅੱਜ ਦੇ ਸਮੇਂ 'ਚ ਸਮਾਰਟਫੋਨ ਸਾਡੀ ਜ਼ਿੰਦਗੀ ਦਾ ਇੱਕ ਮਹੱਤਵਪੂਰਨ ਹਿੱਸਾ ਬਣ ਚੁੱਕਾ ਹੈ। ਹਰ ਮਿੰਟ ਆਉਣ ਵਾਲੇ ਨੋਟੀਫ਼ਿਕੇਸ਼ਨ ਸਾਨੂੰ ਅੱਪਡੇਟ ਰੱਖਦੇ ਹਨ

By : ABP Sanjha | Updated at : 22 Apr 2026 02:48 PM (IST)

Smartphone Tips

1/7

Smartphone Tips : ਅੱਜ ਦੇ ਸਮੇਂ 'ਚ ਸਮਾਰਟਫੋਨ ਸਾਡੀ ਜ਼ਿੰਦਗੀ ਦਾ ਇੱਕ ਮਹੱਤਵਪੂਰਨ ਹਿੱਸਾ ਬਣ ਚੁੱਕਾ ਹੈ। ਹਰ ਮਿੰਟ ਆਉਣ ਵਾਲੇ ਨੋਟੀਫ਼ਿਕੇਸ਼ਨ ਸਾਨੂੰ ਅੱਪਡੇਟ ਰੱਖਦੇ ਹਨ ਪਰ ਇਹ ਛੋਟੀ ਜਿਹੀ ਸਹੂਲਤ ਕਈ ਵਾਰ ਸਾਡੀ ਪ੍ਰਾਈਵੇਸੀ ਲਈ ਇੱਕ ਵੱਡਾ ਖ਼ਤਰਾ ਬਣ ਸਕਦੀ ਹੈ। ਬਹੁਤ ਸਾਰੇ ਲੋਕ ਇਸ ਗੱਲ ਤੋਂ ਅਣਜਾਣ ਹਨ ਕਿ ਉਨ੍ਹਾਂ ਦੀ ਨਿੱਜੀ ਜਾਣਕਾਰੀ ਅਣਜਾਣੇ ਵਿੱਚ ਬਾਹਰ ਆ ਸਕਦੀ ਹੈ।

2/7

ਜਦੋਂ ਵੀ ਤੁਹਾਡੇ ਫ਼ੋਨ 'ਤੇ ਕੋਈ ਨੋਟੀਫ਼ਿਕੇਸ਼ਨ ਆਉਂਦਾ ਹੈ ਤਾਂ ਇਹ ਸਿੱਧੇ ਕਿਸੇ ਐਪ ਤੋਂ ਨਹੀਂ ਆਉਂਦੀ, ਸਗੋਂ ਪਹਿਲੇ ਸਰਵਰ ਰਾਹੀਂ ਤੁਹਾਡੀ ਡਿਵਾਈਸ ਤੱਕ ਪਹੁੰਚਦਾ ਹੈ। ਇਸ ਪ੍ਰੋਸੈਸ 'ਚ ਇਹ ਜਾਣਕਾਰੀ ਰਿਕਾਰਡ ਹੋ ਸਕਦੀ ਹੈ ਕਿ ਕਿਸ ਐਪ ਨੇ ਕਦੋਂ ਨੋਟੀਫ਼ਿਕੇਸ਼ਨ ਭੇਜਿਆ ਹੈ। ਕੁਝ ਮਾਮਲਿਆਂ ਵਿੱਚ ਨੋਟੀਫ਼ਿਕੇਸ਼ਨ ਦਾ ਕੰਟੇਂਟ ਵੀ ਦਿਖਾਈ ਦੇ ਸਕਦੀ ਹੈ, ਖਾਸ ਕਰਕੇ ਜੇਕਰ ਐਪ 'ਚ ਪ੍ਰਾਈਵੇਸੀ ਸੈਟਿੰਗ ਮਜ਼ਬੂਤ ਨਾ ਹੋਵੇ।

3/7

ਇਸ ਤੋਂ ਇਲਾਵਾ ਜੇਕਰ ਤੁਹਾਡੇ ਲਾਕ ਸਕ੍ਰੀਨ 'ਤੇ ਨੋਟੀਫ਼ਿਕੇਸ਼ਨ ਦਿਖਾਈ ਦੇਣ ਦੀ ਅਨੁਮਤੀ ਦੇ ਰੱਖੀ ਹੈ ਤਾਂ ਕੋਈ ਵੀ ਵਿਅਕਤੀ ਤੁਹਾਡੇ ਫ਼ੋਨ ਨੂੰ ਅਨਲੌਕ ਕੀਤੇ ਬਿਨਾਂ ਤੁਹਾਡੇ ਮੈਸੇਜ ਜਾਂ ਅਲਰਟ ਨੂੰ ਦੇਖ ਸਕਦਾ ਹੈ। ਇਹ ਸਭ ਤੋਂ ਆਮ ਅਤੇ ਖ਼ਤਰਨਾਕ ਦ੍ਰਿਸ਼ ਹੈ।

4/7

ਲੋਕ ਅਕਸਰ ਸੋਚਦੇ ਹਨ ਕਿ ਨੋਟੀਫ਼ਿਕੇਸ਼ਨ ਨੂੰ ਹਟਾਉਣ ਤੋਂ ਬਾਅਦ ਉਨ੍ਹਾਂ ਦੀ ਜਾਣਕਾਰੀ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ ਪਰ ਇਹ ਹਮੇਸ਼ਾ ਅਜਿਹਾ ਨਹੀਂ ਹੁੰਦਾ। ਤਕਨਾਲੋਜੀ ਮਾਹਿਰ ਕਹਿੰਦੇ ਹਨ ਕਿ ਕਈ ਵਾਰ ਨੋਟੀਫ਼ਿਕੇਸ਼ਨ ਨਾਲ ਜੁੜਿਆ ਡੇਟਾ ਫ਼ੋਨ ਦੀ ਮੈਮੋਰੀ ਵਿੱਚ ਸੇਵ ਰਹਿ ਜਾਂਦਾ ਹੈ।

5/7

ਕੁਝ ਖਾਸ ਟੂਲਜ਼ ਦੀ ਮਦਦ ਨਾਲ ਪੁਰਾਣੇ ਜਾਂ ਡਲੀਟ ਕੀਤੇ ਨੋਟੀਫਿਕੇਸ਼ਨ ਨੂੰ ਦੁਬਾਰਾ ਕੱਢਿਆ ਜਾ ਸਕਦਾ ਹੈ। ਕਿਸੇ ਐਪ ਨੂੰ ਹਟਾਉਣ ਤੋਂ ਬਾਅਦ ਵੀ ਉਸ ਨਾਲ ਜੁੜੀ ਜਾਣਕਾਰੀ ਸਿਸਟਮ ਵਿੱਚ ਬਚੀ ਰਹਿ ਸਕਦੀ ਹੈ।

6/7

WhatsApp ਅਤੇ Signal ਵਰਗੀਆਂ ਐਪਾਂ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਦੀ ਪੇਸ਼ਕਸ਼ ਕਰਦੀਆਂ ਹਨ, ਜਿਸ ਨਾਲ ਚੈਟ ਸੁਰੱਖਿਅਤ ਰਹਿੰਦੀ ਹੈ। ਹਾਲਾਂਕਿ ਜੇਕਰ ਨੋਟੀਫਿਕ੍ਸ਼ਨ ਸੈਟਿੰਗ ਸਹੀ ਨਹੀਂ ਹੈ ਤਾਂ ਉਹੀ ਮੈਸੇਜ ਸਕ੍ਰੀਨ 'ਤੇ ਦਿਖਾਈ ਦੇ ਸਕਦਾ ਹੈ। ਕਈ ਐਪਸ ਯੂਜਰ ਨੂੰ ਇਹ ਵਿਕਲਪ ਦਿੰਦੀਆਂ ਹਨ ਕਿ ਨੋਟੀਫਿਕੇਸ਼ਨ 'ਚ ਕੀ ਦਿਖੇ ਪੂਰਾ ਮੈਸੇਜ, ਸਿਰਫ਼ ਨਾਮ ਜਾਂ ਕੁਝ ਵੀ ਨਹੀਂ। ਸਹੀ ਸੈਟਿੰਗ ਦਾ ਇਸਤੇਮਾਲ ਨਾ ਕਰਨ 'ਤੇ ਪ੍ਰਾਈਵੇਸੀ ਖ਼ਤਰੇ 'ਚ ਪੈ ਸਕਦਾ ਹੈ।

7/7

ਨੋਟੀਫਿਕੇਸ਼ਨ ਸੈਟਿੰਗ ਨੂੰ ਸਮਝਣਾ ਅਤੇ ਸਹੀ ਤਰੀਕੇ ਨਾਲ ਇਸਤੇਮਾਲ ਕਰਨਾ ਬਹੁਤ ਜ਼ਰੂਰੀ ਹੈ। ਜੇਕਰ ਲੌਕ ਸਕ੍ਰੀਨ 'ਤੇ ਪੂਰਵਦਰਸ਼ਨਾਂ ਨੂੰ ਬੰਦ ਕਰ ਦਿੱਤਾ ਜਾਵੇ ਤਾਂ ਜੋਖਮ ਕਾਫ਼ੀ ਘੱਟ ਸਕਦਾ ਹੈ। ਇਸ ਤੋਂ ਇਲਾਵਾ ਹਰੇਕ ਐਪ ਨੂੰ ਨੋਟੀਫਿਕੇਸ਼ਨ ਦੀ ਅਨੁਮਤੀ ਦੇਣਾ ਵੀ ਜ਼ਰੂਰੀ ਨਹੀਂ ਹੁੰਦਾ, ਇਸ ਲਈ ਸਿਰਫ਼ ਜ਼ਰੂਰੀ ਐਪਾਂ ਨੂੰ ਹੀ ਐਕਸੈਸ ਦੇਣਾ ਸਭ ਤੋਂ ਵਧੀਆ ਹੈ। ਮੈਸੇਜਿੰਗ ਐਪਾਂ 'ਚ ਪ੍ਰਾਈਵੇਸੀ ਨਾਲ ਜੁੜੀ ਸੈਟਿੰਗ ਨੂੰ ਕਸਟਮਾਈਜ਼ ਕਰਨਾ ਚਾਹੀਦਾ ਤਾਂ ਜੋ ਸੰਵੇਦਨਸ਼ੀਲ ਜਾਣਕਾਰੀ ਸਕਰੀਨ 'ਤੇ ਨਾ ਦਿਖਾਈ ਦੇਵੇ।