ਸਾਵਧਾਨ... ਔਰਤਾਂ ਨੂੰ ਹਾਰਟ ਇਮੋਜੀ ਭੇਜਣ 'ਤੇ ਹੋ ਸਕਦੀ ਹੈ ਜੇਲ੍ਹ

Red Heart Emoji: ਜੇ ਤੁਹਾਨੂੰ ਦਿਲ ਨਾਲ ਇਮੋਜੀ ਭੇਜਣ ਦੀ ਆਦਤ ਹੈ ਤਾਂ ਤੁਹਾਡੀ ਇਹ ਆਦਤ ਤੁਹਾਨੂੰ ਜੇਲ੍ਹ ਵੀ ਭੇਜ ਸਕਦੀ ਹੈ। ਜਾਣੋ ਕੀ ਹੈ ਮਾਮਲਾ।

ਸਾਵਧਾਨ... ਔਰਤਾਂ ਨੂੰ ਹਾਰਟ ਇਮੋਜੀ ਭੇਜਣ 'ਤੇ ਹੋ ਸਕਦੀ ਹੈ ਜੇਲ੍ਹ

ਜ਼ਿਆਦਾਤਰ ਲੋਕ ਪਿਆਰ ਦਾ ਇਜ਼ਹਾਰ ਕਰਨ ਜਾਂ ਕਿਸੇ ਨੂੰ ਮਨਾਉਣ ਲਈ ਸੋਸ਼ਲ ਮੀਡੀਆ 'ਤੇ ਦਿਲ ਦੇ ਇਮੋਜੀ ਭੇਜਦੇ ਹਨ। ਅਸੀਂ ਸਾਰੇ ਇਸ ਇਮੋਜੀ ਦੀ ਵਰਤੋਂ ਆਪਣੀਆਂ ਲੋੜਾਂ ਮੁਤਾਬਕ ਬਹੁਤ ਕਰਦੇ ਹਾਂ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਆਦਤ ਤੁਹਾਨੂੰ ਜੇਲ੍ਹ ਵੀ ਭੇਜ ਸਕਦੀ ਹੈ।

ਦਰਅਸਲ, ਖਾੜੀ ਦੇ ਦੋ ਇਸਲਾਮਿਕ ਦੇਸ਼ਾਂ ਕੁਵੈਤ ਅਤੇ ਸਾਊਦੀ ਅਰਬ ਨੇ ਹਾਰਟ ਇਮੋਜੀ ਨੂੰ ਅਪਰਾਧ ਕਰਾਰ ਦਿੱਤਾ ਹੈ ਅਤੇ ਕਿਹਾ ਹੈ ਕਿ ਇਹ ਔਰਤਾਂ ਨੂੰ ਬਦਨਾਮ ਕਰਨ ਲਈ ਉਕਸਾਉਣ ਲਈ ਭੇਜਿਆ ਜਾਂਦਾ ਹੈ। ਜੇਕਰ ਕੋਈ ਇਨ੍ਹਾਂ 2 ਦੇਸ਼ਾਂ 'ਚ ਔਰਤਾਂ ਨੂੰ ਹਾਰਟ ਇਮੋਜੀ ਭੇਜਦਾ ਹੈ ਤਾਂ ਉਸ ਨੂੰ ਹੁਣ 2 ਸਾਲ ਦੀ ਜੇਲ ਹੋ ਸਕਦੀ ਹੈ।

ਜੇਕਰ ਕੁਵੈਤ 'ਚ ਕੋਈ ਦੋਸ਼ੀ ਪਾਇਆ ਜਾਂਦਾ ਹੈ ਤਾਂ ਸਰਕਾਰ ਉਸ 'ਤੇ 2 ਸਾਲ ਦੀ ਸਜ਼ਾ ਅਤੇ 2,000 ਕੁਵੈਤੀ ਦਿਨਾਰ (ਕਰੀਬ 5.38 ਲੱਖ ਰੁਪਏ) ਦਾ ਜੁਰਮਾਨਾ ਲਗਾ ਸਕਦੀ ਹੈ। ਜੇਕਰ ਕੋਈ ਸਾਊਦੀ ਅਰਬ 'ਚ ਦੋਸ਼ੀ ਪਾਇਆ ਜਾਂਦਾ ਹੈ ਤਾਂ ਸਰਕਾਰ ਉਸ 'ਤੇ 2 ਤੋਂ 5 ਸਾਲ ਦੀ ਸਜ਼ਾ ਅਤੇ 1 ਲੱਖ ਸਾਊਦੀ ਰਿਆਲ (ਕਰੀਬ 22 ਲੱਖ ਰੁਪਏ) ਦਾ ਜ਼ੁਰਮਾਨਾ ਲਗਾ ਸਕਦੀ ਹੈ।

ਨੋਟ ਕਰੋ, ਇਹ ਨਿਯਮ ਸਿਰਫ ਇਹਨਾਂ 2 ਦੇਸ਼ਾਂ ਵਿੱਚ ਰਹਿਣ ਵਾਲੇ ਲੋਕਾਂ ਲਈ ਹੈ। ਔਰਤ ਵੱਲੋਂ ਕੇਸ ਦਰਜ ਕਰਨ 'ਤੇ ਵਿਅਕਤੀ ਕਾਨੂੰਨੀ ਪ੍ਰਕਿਰਿਆ 'ਚ ਫਸ ਜਾਵੇਗਾ। ਸਾਊਦੀ ਅਰਬ 'ਚ ਜੇਕਰ ਕੋਈ ਵਿਅਕਤੀ ਵਾਰ-ਵਾਰ ਇਹ ਗਲਤੀ ਕਰਦਾ ਹੈ ਤਾਂ ਉਸ ਨੂੰ 5 ਸਾਲ ਦੀ ਸਜ਼ਾ ਅਤੇ 66 ਲੱਖ ਜੁਰਮਾਨਾ ਭਰਨਾ ਪੈ ਸਕਦਾ ਹੈ।