WhatsApp 'ਤੇ ਨਹੀਂ ਰਹੇਗੀ ਪ੍ਰਾਈਵੇਸੀ ਦੀ ਚਿੰਤਾ, ਵੇਖਦੇ ਹੀ ਗਾਇਬ ਹੋ ਜਾਵੇਗਾ ਮੈਸੇਜ

WhatsApp New Feature: ਮੈਸੇਜਿੰਗ ਪਲੇਟਫਾਰਮ WhatsApp ਲਗਾਤਾਰ ਨਵੇਂ ਫੀਚਰ ਲਿਆਉਂਦਾ ਰਹਿੰਦਾ ਹੈ। ਹੁਣ ਕੰਪਨੀ ਇੱਕ ਹੋਰ ਨਵਾਂ ਫੀਚਰ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ, ਜੋ ਯੂਜ਼ਰਾਂ ਦੀ ਪ੍ਰਾਈਵੇਸੀ ਨੂੰ ਹੋਰ ਮਜ਼ਬੂਤ ਬਣਾਏਗਾ।

WhatsApp New Feature

WhatsApp New Feature: ਮੈਸੇਜਿੰਗ ਪਲੇਟਫਾਰਮ WhatsApp ਲਗਾਤਾਰ ਨਵੇਂ ਫੀਚਰ ਲਿਆਉਂਦਾ ਰਹਿੰਦਾ ਹੈ। ਹੁਣ ਕੰਪਨੀ ਇੱਕ ਹੋਰ ਨਵਾਂ ਫੀਚਰ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ, ਜੋ ਯੂਜ਼ਰਾਂ ਦੀ ਪ੍ਰਾਈਵੇਸੀ ਨੂੰ ਹੋਰ ਮਜ਼ਬੂਤ ਬਣਾਏਗਾ। ਇਸ ਫੀਚਰ ਦੇ ਆਉਣ ਤੋਂ ਬਾਅਦ ਮੈਸੇਜ ਵੇਖਦੇ ਹੀ ਆਪਣੇ ਆਪ ਗਾਇਬ ਹੋ ਜਾਵੇਗਾ। WhatsApp ਇਸ ਰਾਹੀਂ ਯੂਜ਼ਰਾਂ ਨੂੰ ਆਪਣੇ ਮੈਸੇਜਾਂ 'ਤੇ ਹੋਰ ਵੱਧ ਕੰਟਰੋਲ ਦੇਣਾ ਚਾਹੁੰਦੀ ਹੈ। ਫਿਲਹਾਲ ਇਸ ਫੀਚਰ 'ਤੇ ਕੰਮ ਚੱਲ ਰਿਹਾ ਹੈ ਅਤੇ ਅਨੁਮਾਨ ਹੈ ਕਿ ਅਗਲੇ 1-2 ਮਹੀਨਿਆਂ ਵਿੱਚ ਇਸਨੂੰ ਰੋਲ ਆਉਟ ਕੀਤਾ ਜਾ ਸਕਦਾ ਹੈ।

ਨਵੇਂ ਫੀਚਰ ਨਾਲ ਕੀ ਬਦਲੇਗਾ? ਮੌਜੂਦਾ ਸਮੇਂ WhatsApp 'ਤੇ ਫੋਟੋਆਂ ਅਤੇ ਵੀਡੀਓਜ਼ ਨੂੰ View Once ਫਾਰਮੈਟ ਵਿੱਚ ਭੇਜਣ ਦੀ ਸੁਵਿਧਾ ਮਿਲਦੀ ਹੈ। ਯੂਜ਼ਰ ਕਿਸੇ ਵੀ ਫੋਟੋ ਜਾਂ ਵੀਡੀਓ ਨੂੰ ਭੇਜਣ ਤੋਂ ਪਹਿਲਾਂ View Once ਆਈਕਨ 'ਤੇ ਕਲਿੱਕ ਕਰਕੇ ਇਸ ਫਾਰਮੈਟ ਵਿੱਚ ਬਦਲ ਸਕਦੇ ਹਨ। ਰਿਸੀਵਰ ਵੱਲੋਂ ਇੱਕ ਵਾਰ ਵੇਖਣ ਤੋਂ ਬਾਅਦ ਇਹ ਫੋਟੋ ਜਾਂ ਵੀਡੀਓ ਆਪਣੇ ਆਪ ਗਾਇਬ ਹੋ ਜਾਂਦੀ ਹੈ ਅਤੇ ਇਸਨੂੰ ਦੁਬਾਰਾ ਨਹੀਂ ਦੇਖਿਆ ਜਾ ਸਕਦਾ। ਹੁਣ ਕੰਪਨੀ ਇਹੀ ਸੁਵਿਧਾ ਟੈਕਸਟ ਮੈਸੇਜਾਂ ਲਈ ਵੀ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਨਾਲ ਯੂਜ਼ਰ ਮੀਡੀਆ ਦੇ ਨਾਲ-ਨਾਲ ਟੈਕਸਟ ਮੈਸੇਜਾਂ ਨੂੰ ਵੀ ਇੱਕ ਵਾਰ ਵੇਖਣ ਲਈ ਸੈੱਟ ਕਰ ਸਕਣਗੇ।