ਸਰਕਾਰ ਨੇ ਕੱਢੀ ਨਵੀਂ ਸਕੀਮ ! ਰੀਲ ਬਣਾ ਕੇ ਹੁਣ ਤੁਸੀਂ ਕਮਾ ਸਕਦੇ ਹੋ 15 ਹਜ਼ਾਰ ਰੁਪਏ, ਜਾਣੋ ਕਿਵੇਂ ਲੈਣਾ ਇਸ ਦਾ ਫਾਇਦਾ ?

ਡਿਜੀਟਲ ਇੰਡੀਆ ਮੁਹਿੰਮ ਦੀ ਸ਼ੁਰੂਆਤ ਨੂੰ 10 ਸਾਲ ਹੋ ਗਏ ਹਨ। ਇਸ ਖਾਸ ਮੌਕੇ ਨੂੰ ਯਾਦਗਾਰੀ ਬਣਾਉਣ ਲਈ, ਭਾਰਤ ਸਰਕਾਰ ਨੇ "ਡਿਜੀਟਲ ਇੰਡੀਆ ਦਾ ਦਹਾਕਾ - ਰੀਲ ਮੁਕਾਬਲਾ" ਨਾਮਕ ਇੱਕ ਦਿਲਚਸਪ ਮੁਕਾਬਲਾ ਸ਼ੁਰੂ ਕੀਤਾ ਹੈ।

reel

ਡਿਜੀਟਲ ਇੰਡੀਆ ਮੁਹਿੰਮ ਦੀ ਸ਼ੁਰੂਆਤ ਨੂੰ 10 ਸਾਲ ਹੋ ਗਏ ਹਨ। ਇਸ ਖਾਸ ਮੌਕੇ ਨੂੰ ਯਾਦਗਾਰ ਬਣਾਉਣ ਲਈ, ਭਾਰਤ ਸਰਕਾਰ ਨੇ "ਡਿਜੀਟਲ ਇੰਡੀਆ ਦਾ ਦਹਾਕਾ - ਰੀਲ ਮੁਕਾਬਲਾ" ਨਾਮਕ ਇੱਕ ਦਿਲਚਸਪ ਮੁਕਾਬਲਾ ਸ਼ੁਰੂ ਕੀਤਾ ਹੈ। ਇਹ ਮੁਕਾਬਲਾ 1 ਜੁਲਾਈ 2025 ਤੋਂ ਸ਼ੁਰੂ ਹੋਇਆ ਹੈ ਅਤੇ 1 ਅਗਸਤ 2025 ਤੱਕ ਚੱਲੇਗਾ।

ਇਹ ਮੁਕਾਬਲਾ ਉਨ੍ਹਾਂ ਲੋਕਾਂ ਲਈ ਹੈ ਜਿਨ੍ਹਾਂ ਦੇ ਜੀਵਨ ਵਿੱਚ ਡਿਜੀਟਲ ਇੰਡੀਆ ਕਾਰਨ ਵੱਡਾ ਅਤੇ ਸਕਾਰਾਤਮਕ ਬਦਲਾਅ ਆਇਆ ਹੈ। ਭਾਵੇਂ ਇਹ ਡਿਜੀਟਲ ਸਿੱਖਿਆ ਹੋਵੇ, ਔਨਲਾਈਨ ਸਿਹਤ ਸੇਵਾਵਾਂ ਹੋਣ, ਵਿੱਤੀ ਲੈਣ-ਦੇਣ ਹੋਵੇ ਜਾਂ ਕਿਸੇ ਵੀ ਸਰਕਾਰੀ ਯੋਜਨਾ ਦੇ ਡਿਜੀਟਲ ਲਾਭ ਹੋਣ, ਜੇਕਰ ਇਨ੍ਹਾਂ ਸੇਵਾਵਾਂ ਨੇ ਤੁਹਾਡੀ ਜ਼ਿੰਦਗੀ ਨੂੰ ਬਿਹਤਰ ਬਣਾਇਆ ਹੈ, ਤਾਂ ਤੁਸੀਂ ਇਸ ਅਨੁਭਵ ਨੂੰ ਇੱਕ ਰਚਨਾਤਮਕ ਰੀਲ ਰਾਹੀਂ ਸਾਂਝਾ ਕਰ ਸਕਦੇ ਹੋ।

ਸਰਕਾਰ ਇਸ ਮੁਕਾਬਲੇ ਦੇ ਭਾਗੀਦਾਰਾਂ ਨੂੰ ਨਕਦ ਇਨਾਮ ਵੀ ਦੇ ਰਹੀ ਹੈ। ਚੋਟੀ ਦੇ 10 ਜੇਤੂਆਂ ਨੂੰ 15,000 ਰੁਪਏ ਮਿਲਣਗੇ। ਅਗਲੇ 25 ਭਾਗੀਦਾਰਾਂ ਨੂੰ 10,000 ਰੁਪਏ ਅਤੇ 50 ਹੋਰ ਚੁਣੇ ਹੋਏ ਰੀਲ ਨਿਰਮਾਤਾਵਾਂ ਨੂੰ 5,000 ਰੁਪਏ ਦਾ ਨਕਦ ਇਨਾਮ ਮਿਲੇਗਾ।

ਰੀਲ ਘੱਟੋ-ਘੱਟ 1 ਮਿੰਟ ਲੰਬੀ ਹੋਣੀ ਚਾਹੀਦੀ ਹੈ। ਵੀਡੀਓ ਪੂਰੀ ਤਰ੍ਹਾਂ ਅਸਲੀ ਹੋਣੀ ਚਾਹੀਦੀ ਹੈ ਤੇ ਪਹਿਲਾਂ ਕਿਸੇ ਵੀ ਪਲੇਟਫਾਰਮ 'ਤੇ ਪੋਸਟ ਨਹੀਂ ਕੀਤੀ ਗਈ ਹੋਣੀ ਚਾਹੀਦੀ। ਤੁਸੀਂ ਵੀਡੀਓ ਹਿੰਦੀ, ਅੰਗਰੇਜ਼ੀ ਜਾਂ ਕਿਸੇ ਵੀ ਭਾਰਤੀ ਭਾਸ਼ਾ ਵਿੱਚ ਬਣਾ ਸਕਦੇ ਹੋ। ਰੀਲ ਪੋਰਟਰੇਟ ਮੋਡ ਅਤੇ MP4 ਫਾਰਮੈਟ ਵਿੱਚ ਹੋਣੀ ਚਾਹੀਦੀ ਹੈ। ਵੀਡੀਓ ਦਾ ਵਿਸ਼ਾ ਹੋਣਾ ਚਾਹੀਦਾ ਹੈ, ਡਿਜੀਟਲ ਇੰਡੀਆ ਨੇ ਤੁਹਾਡੀ ਜ਼ਿੰਦਗੀ ਕਿਵੇਂ ਬਦਲੀ?

ਇਸ ਮੁਕਾਬਲੇ ਵਿੱਚ ਹਿੱਸਾ ਲੈਣ ਲਈ, ਤੁਹਾਨੂੰ ਆਪਣੀ ਰੀਲ ਸਰਕਾਰ ਦੀ ਅਧਿਕਾਰਤ ਵੈੱਬਸਾਈਟ https://www.mygov.in/task/decade-digital-india-reel-contest 'ਤੇ ਅਪਲੋਡ ਕਰਨੀ ਪਵੇਗੀ, ਇੱਥੇ ਤੁਹਾਨੂੰ ਰੀਲ ਜਮ੍ਹਾਂ ਕਰਨ ਦਾ ਵਿਕਲਪ ਅਤੇ ਸਾਰੀ ਲੋੜੀਂਦੀ ਜਾਣਕਾਰੀ ਮਿਲੇਗੀ। 2015 ਵਿੱਚ ਸ਼ੁਰੂ ਹੋਏ ਡਿਜੀਟਲ ਇੰਡੀਆ ਮਿਸ਼ਨ ਨੇ ਹਰ ਪਿੰਡ ਵਿੱਚ ਤਕਨਾਲੋਜੀ ਲੈ ਕੇ ਲੋਕਾਂ ਦੀ ਜ਼ਿੰਦਗੀ ਨੂੰ ਆਸਾਨ ਬਣਾ ਦਿੱਤਾ ਹੈ।