ਸ਼ਹੀਦ ਹੌਲਦਾਰ ਹੰਗਪਨ ਦਾਦਾ ਨੂੰ ਅਸ਼ੋਕ ਚੱਕਰ

ਇਸ ਲੜਾਈ ਦੌਰਾਨ ਹੰਗਪਨ ਦਾਦਾ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਿਆ ਸੀ ਅਤੇ ਬਾਅਦ ਵਿੱਚ ਉਹ ਸ਼ਹੀਦ ਹੋ ਗਿਆ ਸੀ।

ਪਿਛਲੇ ਸਾਲ 26 ਮਈ ਨੂੰ ਜੰਮੂ ਕਸ਼ਮੀਰ ਵਿੱਚ ਕੁਪਵਾੜਾ ਜ਼ਿਲ੍ਹੇ ਵਿੱਚ ਹੰਗਪਨ ਨੇ ਆਪਣੀ ਟੀਮ ਦੇ ਨਾਲ ਚਾਰ ਦਹਿਸ਼ਤਗਰਦ ਨੂੰ ਖ਼ਤਮ ਕਰ ਦਿੱਤਾ ਸੀ।

ਕਸ਼ਮੀਰ ਵਿੱਚ ਚਾਰ ਦਹਿਸ਼ਤਗਰਦਾਂ ਨੂੰ ਖ਼ਤਮ ਕਰਨ ਤੋਂ ਬਾਅਦ ਸ਼ਹੀਦ ਹੋਏ ਹੌਲਦਾਰ ਹੰਗਪਨ ਦਾਦਾ ਨੂੰ ਮਰਨੋਂ ਉਪਰੰਤ ਅਸ਼ੋਕ ਚੱਕਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।

ਅਸ਼ੋਕ ਚੱਕਰ ਸ਼ਾਂਤੀ ਕਾਲ ਵਿੱਚ ਦਿੱਤਾ ਜਾਣ ਵਾਲਾ ਸਭ ਤੋਂ ਵੱਡਾ ਵੀਰਤਾ ਪੁਰਸਕਾਰ ਹੈ। ਇਸ ਨੂੰ ਪਰਮਵੀਰ ਪੁਰਸਕਾਰ ਦੇ ਬਰਾਬਰ ਮੰਨਿਆ ਜਾਂਦਾ ਹੈ।

ਰਾਜ ਪੱਥ ਉੱਤੇ ਰਾਸ਼ਟਰਪਤੀ ਪ੍ਰਣਵ ਮੁਖਰਜੀ ਨੇ ਹੰਗਪਨ ਦੀ ਪਤਨੀ ਨੂੰ ਇਹ ਸਨਮਾਨ ਦਿੱਤਾ।