ਉੱਡਦੇ ਜਹਾਜ਼ 'ਚ ਬੱਚੇ ਨੇ ਲਿਆ ਜਨਮ, ਲੱਗੀਆਂ ਰੌਣਕਾਂ...

ਟੋਇਨ ਓਗਿਨਡਾਈਪ ਦਾ ਫਲਾਈਟ ਵਿਚ ਮੌਜੂਦ ਮੈਡੀਕਲ ਜੰਤਰਾਂ ਦੀ ਮਦਦ ਨਾਲ ਹੀ ਆਪਰੇਸ਼ਨ ਕੀਤਾ ਗਿਆ। ਡਾ. ਸਿਜ ਹੇਮਲ ਨੇ ਦੱਸਿਆ ਕਿ ਫਲਾਈਟ ਦੀ ਮੈਡੀਕਲ ਕਿੱਟ ਨਾਲ ਓਗਿਨਡਾਈਪ ਦਾ ਬਲੱਡ ਪ੍ਰੈਸ਼ਰ ਅਤੇ ਪਲਸ ਚੈਕ ਕੀਤੀ ਗਈ। ਇਸ ਤੋਂ ਲੱਗਭਗ ਅੱਧੇ ਘੰਟੇ ਦੇ ਲੇਬਰ ਪੇਨ ਤੋਂ ਬਾਅਦ ਓਗਿਨਡਾਈਪ ਨੇ ਬੇਟੇ ਨੂੰ ਜਨਮ ਦਿੱਤਾ।

ਇਸ ਬੱਚੇ ਦਾ ਜਨਮ ਅਮਰੀਕੀ ਏਅਰਸਪੇਸ ਵਿਚ ਹੋਇਆ ਹੈ। ਇਸ ਲਈ ਬੱਚਾ ਅਮਰੀਕੀ ਪਾਸਪੋਰਟ ਦਾ ਹੱਕਦਾਰ ਹੈ। ਬੱਚੇ ਦੀ ਮਾਂ ਓਗਿਨਡਾਈਪ ਖੁਦ ਨਾਈਜੀਰੀਅਨ ਹੈ ਅਤੇ ਯੂ ਕੇ ਵਿਚ ਕੰਮ ਕਰਦੀ ਹੈ।

ਮਾਂ ਅਤੇ ਬੱਚਾ ਦੋਵੇਂ ਸਿਹਤਮੰਦ ਹਨ।

ਇਸ ਹਾਲਤ ਵਿਚ ਉਨ੍ਹਾਂ ਨੂੰ ਫਲਾਈਟ ਵਿਚ ਮੈਡੀਕਲ ਮਦਦ ਦੀ ਲੋੜ ਸੀ, ਜਿਸ ਪਿੱਛੋਂ ਫਲਾਈਟ ਅਟੈਂਡੈਂਟ ਨੇ ਐਲਾਨ ਕਰ ਕੇ ਪੁੱਛਿਆ ਕਿ ‘ਕੀ ਫਲਾਈਟ ਵਿਚ ਕੋਈ ਡਾਕਟਰ ਵੀ ਹੈ।’ ਇਹ ਸੁਣ ਕੇ ਡਾ. ਸਿਜ ਹੇਮਲ ਮਦਦ ਕਰਨ ਲਈ ਅੱਗੇ ਆਏ।

ਪਤਾ ਲੱਗਾ ਕਿ 41 ਸਾਲਾ ਟੋਇਨ ਓਗਿਨਡਾਈਪ ਦੀ ਡਿਲੀਵਰੀ ਦੀ ਤਰੀਕ ਇਕ ਹਫਤਾ ਬਾਅਦ ਸੀ ਪਰ ਉਸ ਨੂੰ ਪਹਿਲਾਂ ਹੀ ਦਰਦ ਸ਼ੁਰੂ ਹੋ ਗਈ। ਉਸ ਸਮੇਂ ਫਲਾਈਟ ਦੇ ਨਿਊਯਾਰਕ ਪੁੱਜਣ ਵਿਚ ਚਾਰ ਘੰਟੇ ਦਾਂ ਸਮਾਂ ਬਾਕੀ ਸੀ।

ਨਿਊਯਾਰਕ ਏਅਰਪੋਰਟ ਉੱਤੇ ਲੈਂਡਿੰਗ ਪਿੱਛੋਂ ਦੋਵਾਂ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਕੁਝ ਦੇਰ ਰੱਖਣ ਤੋਂ ਬਾਅਦ ਉਨ੍ਹਾਂ ਨੂੰ ਛੁੱਟੀ ਦੇ ਦਿੱਤੀ।

ਵਾਸ਼ਿੰਗਟਨ- ਦਿੱਲੀ ਤੋਂ ਅਮਰੀਕਾ ਦੇ ਕਲੀਵਲੈਂਡ ਜਾਂਦੇ ਇਕ ਡਾਕਟਰ ਦੀ ਮਦਦ ਨਾਲ ਜਹਾਜ਼ ਵਿੱਚ ਇਕ ਨਾਈਜੀਰੀਅਨ ਗਰਭਵਤੀ ਔਰਤ ਨੇ ਬੱਚੇ ਨੂੰ ਜਨਮ ਦਿੱਤਾ ਹੈ। ਜਾਣਕਾਰੀ ਮੁਤਾਬਕ ਪੈਰਿਸ ਤੋਂ ਨਿਊਯਾਰਕ ਚੱਲੀ ਇਕ ਫਲਾਈਟ ਵਿਚ ਗਰਭਵਤੀ ਔਰਤ ਨੂੰ ਅਚਾਨਕ ਤੇਜ਼ ਲੇਬਰ ਪੇਨ ਸ਼ੁਰੂ ਹੋ ਗਈ।