ਹੀਰੋ ਨਵਾਂ ਸਕੂਟਰ 'ਫਲੈਸ਼', ਕੀਮਤ ਸਿਰਫ 19,990, ਦੇਖੋ ਤਸਵੀਰਾਂ

ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਦੇਸ਼ ਦੀ ਸਭ ਤੋਂ ਕਿਫਾਇਤੀ ਟੂ-ਵਹੀਲਰ ਹੈ ਜਿਹੜਾ ਬੇਹਤਰੀਨ ਬਨਾਵਟ ਨਾਲ ਹੀਰੋ ਇਲੈਕਟ੍ਰਿਕ ਦੇ ਵਿਸ਼ਵਾਸ ਤੇ ਭਰੋਸੇ ਦੇ ਨਾਲ ਆਉਂਦਾ ਹੈ। ਇਹ ਸ਼ਾਰਟ ਸਰਕਟ ਸੁਰੱਖਿਆ ਨਾਲ ਵੀ ਲੈਸ ਹੈ ਤੇ ਸੀਟ ਦੇ ਹੇਠਾਂ ਸਟੋਰੇਜ਼ ਦੀ ਸਹੂਲਤ ਵੀ ਹੈ।

ਹੀਰੋ ਆਪਣਾ ਨਵਾਂ ਇਲੈਕਟ੍ਰਿਕ ਸਕੂਟਰ ‘ਫਲੈਸ਼’ ਮਾਰਕਿਟ ‘ਚ ਉਤਾਰ ਦਿੱਤਾ ਹੈ। ਇਸ ਈ-ਸਕੂਟਰ ‘ਚ 250 ਵਾਟ ਦੀ ਮੋਟਰ ਲੱਗੀ ਹੈ ਜਿਹੜੀ ਇੱਕ ਵਾਰ ਚਾਰਜ ਕਰਨ ‘ਤੇ 65 ਕਿਲੋਮੀਟਰ ਤੱਕ ਚੱਲ ਸਕਦੀ ਹੈ। ਕੰਪਨੀ ਮੁਤਾਬਕ ਇਹ ਈ-ਸਕੂਟਰ ਅਤਿ ਆਧੁਨਿਕ ਇੰਜਨੀਰਿੰਗ ਤਕਨੀਕ ਤੇ ਵਾਤਾਵਰਣ ਦੇ ਅਨੂਕੂਲ ਹੈ। ਇਸ ਸਕੂਟਰ ਦੀ ਕੀਮਤ 19 ਹਜ਼ਾਰ 9 ਸੌ 90 ਰੁਪਏ ਹੈ।

ਹੀਰੇ ਇਲੈਕਟ੍ਰਿਕ ਮੁਤਾਬਕ, “ਫਲੈਸ਼ ਈ-ਆਟੋਮੋਬਾਈਲ ਖੇਤਰ ‘ਚ ਮੌਜੂਦਾ ਨਵੀਂ ਤੇ ਸਭ ਤੋਂ ਵਧੀਆ ਤਕਨੀਕ ਦਾ ਨਿਚੋੜ ਹੈ। ਇਸ ਦਾ ਭਾਰ ਸਿਰਫ 87 ਕਿ.ਗ੍ਰਾ. ਹੈ ਜਿਸ ਤੋਂ ਇਸ ਨੂੰ ਜ਼ਿਆਦਾ ਰਫਤਾਰ ਲੈਣ ‘ਚ ਮਦਦ ਮਿਲੇਗੀ। ਮੈਗਾਲਾਏ ਪਹੀਏ, ਟੈਲੀਸਕੋਪਿਕ ਸਸਪੈਨਸ਼ਨ ਤੇ ਪੂਰੀ ਬਾਡੀ ‘ਚ ਕ੍ਰੈਸ਼ ਗਾਰਡ ਇਸ ਨੂੰ ਚਲਾਉਣ ਵਾਲਿਆਂ ‘ਚ ਇਸ ਦੀ ਪ੍ਰਸਿੱਧੀ ਨੂੰ ਹੋਰ ਵੀ ਵਧਾਉਣਗੇ ਤੇ ਦੇਸ਼ ‘ਚ ਈ-ਵਹੀਕਲਾਂ ਲਈ ਇਸ ਨੂੰ ਅਪਣਾਏ ਜਾਣ ‘ਚ ਭਾਰੀ ਵਾਧਾ ਕਰਨਗੇ।”