ਪੜਚੋਲ ਕਰੋ

ਭਾਰਤ 'ਚ ਸਭ ਤੋਂ ਸੁਰੱਖਿਅਤ 5 ਕਾਰਾਂ, ਜਿਨ੍ਹਾਂ 'ਚ ਮਹਿਫੂਜ਼ ਰਹੇਗਾ ਤੁਹਾਡਾ ਪਰਿਵਾਰ

By : ਏਬੀਪੀ ਸਾਂਝਾ | Updated at : 21 Apr 2019 03:32 PM (IST)

1/6

ਚੰਡੀਗੜ੍ਹ: Mahindra, Maruti Suzuki, Toyota, Volkswagen ਤੇ Tata Motors ਦੀਆਂ ਪੰਜ ਅਜਿਹੀਆਂ ਕਾਰਾਂ ਹਨ, ਜੋ ਆਪਣੀਆਂ ਸੇਫਟੀ ਫੀਚਰਜ਼ ਲਈ ਜਾਣੀਆਂ ਜਾਂਦੀਆਂ ਹਨ। ਇਨ੍ਹਾਂ ਨੂੰ ਦੇਸ਼ ਦੀਆਂ 5 ਸਭ ਤੋਂ ਸੁਰੱਖਿਅਤ ਕਾਰਾਂ ਵੀ ਕਿਹਾ ਜਾ ਸਕਦਾ ਹੈ। ਇਹ ਕਾਰਾਂ ਸੜਕ ਦੁਰਘਟਨਾ ਦੌਰਾਨ ਤੁਹਾਡੀ ਜਾਨ ਬਚਾਉਣਗੀਆਂ। Global NCAP ਏਜੰਸੀ ਨੇ ਵੀ ਇਨ੍ਹਾਂ ਕਾਰਾਂ ਨੂੰ ਬਿਹਤਰ ਰੇਟਿੰਗ ਦਿੱਤੀ ਹੈ।

2/6

Volkswagen Polo- ਇਸ ਨੂੰ ਭਾਰਤ ਵਿੱਚ ਕੀਤੇ ਸੇਫਟੀ ਟੈਸਟ ਵਿੱਚ ਜ਼ੀਰੋ ਅੰਕ ਮਿਲਿਆ ਸੀ ਪਰ ਇਸ ਦੇ ਤੁਰੰਤ ਬਾਅਦ Volkswagen ਨੇ ਇਸ ਵਿੱਚ ਕਈ ਬਦਲਾਅ ਕੀਤੇ। ਕੰਪਨੀ ਨੇ ਇਸ ਮਾਡਲ ਦੇ ਸਾਰੇ ਵਰਸ਼ਨਾਂ ਵਿੱਚ 2 ਏਅਰਬੈਗਜ਼ ਬਤੌਰ ਸਟੈਂਡਰਡ ਦਿੱਤੇ। ਇਸ ਦੇ ਬਾਅਦ ਕੀਤੇ ਸੇਫਟੀ ਟੈਸਟ ਵਿੱਚ ਕਾਰ ਨੂੰ 4 ਸਟਾਰ ਰੇਟਿੰਗ ਮਿਲੀ ਸੀ।

3/6

Toyota Etios Liva- Toyota ਭਾਰਤ ਵਿੱਚ ਪਹਿਲੀ ਅਜਿਹੀ ਕਾਰ ਨਿਰਮਾਤਾ ਕੰਪਨੀ ਹੈ, ਜਿਸ ਨੇ ਆਪਣੇ ਸਾਰੇ ਵਰਸ਼ਨਾਂ ਵਿੱਚ ਸਟੈਂਡਰਡ ਡਿਊਲ ਏਅਰਬੈਗਜ਼ ਦਿੱਤੇ ਹਨ। Toyota ਨੇ ਆਪਣੀ Etios Liva ਨੂੰ ABS ਦੇ ਨਾਲ EBD ਤੇ ISOFIX ਚਾਈਲਡ ਸੀਟ ਮਾਊਂਟ ਵਰਗੀਆਂ ਫੀਚਰਜ਼ ਨਾਲ ਅਪਗ੍ਰੇਡ ਕੀਤਾ ਹੈ।

4/6

Tata Nexon- ਇਹ ਭਾਰਤ ਦਾ ਪਹਿਲਾ ਅਜਿਹਾ ਬਰਾਂਡ ਹੈ, ਜਿਸ ਨੂੰ ਕਾਰ ਕਰੈਸ਼ ਟੈਸਟ ਵਿੱਚ 5-ਸਟਾਰ ਰੇਟਿੰਗ ਦਿੱਤੀ ਗਈ ਹੈ। ਇਸ ਵਿੱਚ 4 ਚੈਨਲ ABS ਸ਼ਾਮਲ ਹਨ। ਇਸ ਵਿੱਚ ਫਰੰਟ ਡਿਊਲ ਏਅਰਬੈਗਜ਼ ਤੇ ABS ਬਤੌਰ ਸਟੈਂਡਰਡ ਦਿੱਤਾ ਗਿਆ ਹੈ।

5/6

Maruti Suzuki Vitara Brezza- ਇਹ ਭਾਰਤ ਦੀ ਸਭ ਤੋਂ ਜ਼ਿਆਦਾ ਵਿਕਣ ਵਾਲੀ ਯੂਟਿਲਿਟੀ ਗੱਡੀ ਹੈ। ਵਿਟਾਰਾ ਬਰੇਜ਼ਾ ਦੇ ਸਾਰੇ ਵਰਸ਼ਨਾਂ ਵਿੱਚ ਸੇਫਟੀ ਲਈ ਫਰੰਟ ਡਿਊਲ ਏਅਰਬੈਗਜ਼, ABS ਨਾਲ EBD, ਡ੍ਰਾਈਵਰ ਸੀਟ ਬੈਲਟ ਰਿਮਾਈਂਡਰ ਤੇ ਫਰੰਟ ਸੀਟ ਬੈਲਟ ਪ੍ਰੀ-ਟੈਨਿਸਨਰ ਸਹੂਲਤਾਂ ਦਿੱਤੀਆਂ ਗਈਆਂ ਹਨ। ਇਸ ਦੇ ਇਲਾਵਾ ਇਸ ਵਿੱਚ ISOFIX ਚਾਈਲਡ ਸੀਟ ਮਾਊਂਟ ਬਤੌਰ ਸਟੈਂਡਰਡ ਸਾਰੇ ਵਰਸ਼ਨਾਂ ਵਿੱਚ ਦਿੱਤਾ ਗਿਆ ਹੈ।

6/6

Mahindra Marazzo- ਇਹ ਭਾਰਤ ਦੀ ਪਹਿਲੀ MPV ਹੈ ਜਿਸ ਨੂੰ ਸੇਫਟੀ ਟੈਸਟ ਵਿੱਚ 4-ਸਟਾਰ ਰੇਟਿੰਗ ਦਿੱਤੀ ਗਈ ਹੈ। ਐਡਲਟ ਸੇਫਟੀ ਲਈ ਮਹਿੰਦਰਾ ਮਰਾਜ਼ੋ ਨੂੰ 17 ਵਿੱਚੋਂ 12.85 ਅੰਕ ਮਿਲੇ ਹਨ। ਸੇਫਟੀ ਲਈ ਇਸ ਵਿੱਚ ਫਰੰਟ ਡਿਊਲ ਏਅਰਬੈਗਜ਼, ABS ਨਾਲ EBD, ਡ੍ਰਾਈਵਰ ਸੀਟ ਬੈਲਟ ਰਿਮਾਈਂਡਰ, ਫਰੰਟ ਸੀਟ ਬੈਲਟ ਪ੍ਰੀ-ਟੈਨਿਸਨਰ ਤੇ ISOFIX ਚਾਈਲਡ ਸੀਟ ਮਾਊਂਟ ਵਰਗੀਆਂ ਸੁਵਿਧਾਵਾਂ ਦਿੱਤੀਆਂ ਗਈਆਂ ਹਨ।

Published at : 21 Apr 2019 03:32 PM (IST)

ਹੋਰ ਵੇਖੋ