ਟਾਟਾ ਨੈਕਸਨ ਦਾ ਕ੍ਰੇਜ਼ ਐਡੀਸ਼ਨ ਲਾਂਚ, ਜਾਣੋ ਕੀਮਤ ਤੇ ਖ਼ਾਸ ਗੱਲਾਂ

ਨੈਕਸਨ ਕ੍ਰੇਜ਼ ਐਡੀਸ਼ਨ ਦੇ ਇੰਜਨ 'ਚ ਕੋਈ ਬਦਲਾਅ ਨਹੀਂ ਹੋਇਆ ਹੈ। ਇਸ 'ਚ ਰੈਗੂਲਰ ਮਾਡਲ ਵਾਲਾ 1.2 ਲੀਟਰ ਰੇਵੋਟ੍ਰੋਨ ਪੈਟਰੋਲ ਤੇ 1.5 ਲੀਟਰ ਰੇਵੋਟਾਰਕ ਡੀਜ਼ਲ ਇੰਜਣ ਦਿੱਤਾ ਗਿਆ ਹੈ। ਇੰਜਣ ਨਾਲ 6-ਸਪੀਡ ਮੈਨੁਅਲ ਤੇ ਏਐਮਟੀ ਗੀਅਰਬਾਕਸ ਦਾ ਵਿਕਲਪ ਰੱਖਿਆ ਗਿਆ ਹੈ।

ਟਾਟਾ ਮੋਟਰਜ਼ ਨੇ ਨੈਕਸਨ ਐਸਯੂਵੀ ਦਾ ਸਪੈਸ਼ਲ ਐਡੀਸ਼ਨ ਲਾਂਚ ਕੀਤਾ ਹੈ। ਕੰਪਨੀ ਨੇ ਇਸ ਦਾ ਨਾਂ ਨੈਕਸਨ ਕ੍ਰੇਜ਼ (ਮੈਨੂਅਲ) ਤੇ ਕ੍ਰੇਜ਼ ਪਲੱਸ (ਏਐਮਟੀ) ਰੱਖਿਆ ਹੈ। ਇਹ ਦੋਵੇਂ ਸਪੈਸ਼ਲ ਐਡੀਸ਼ਨ ਨੈਕਸਨ ਦੇ ਇੱਕ ਲੱਖ ਯੂਨਿਟ ਵਿਕਣ ਮੌਕੇ ਉੱਤੇ ਪੇਸ਼ ਕੀਤੇ ਗਏ ਹਨ। ਇਨ੍ਹਾਂ ਦੀ ਕੀਮਤ ਕ੍ਰਮਵਾਰ 7.57 ਲੱਖ ਰੁਪਏ ਤੇ 8.17 ਲੱਖ ਰੁਪਏ (ਐਕਸ-ਸ਼ੋਅਰੂਮ, ਦਿੱਲੀ) ਰੱਖੀ ਗਈ ਹੈ।