2019 ਲੋਕ ਸਭਾ ਚੋਣਾਂ ਦਾ ਸਭ ਤੋਂ ਤਾਜ਼ਾ ਸਰਵੇਖਣ: 'ਆਪ' ਨੂੰ ਪੰਜਾਬੀ ਦੇਣਗੇ ਵੱਡਾ ਝਟਕਾ

ਪੰਜਾਬ 'ਚ ਕੈਪਟਨ ਸਰਕਾਰ ਦਾ ਅਸਰ ਰਸੂਖ ਹੋਰ ਵੀ ਵਧਣ ਦੀ ਆਸ ਹੈ, ਕਿਉਂਕਿ ਸਰਵੇਖਣ ਵਿੱਚ ਭਾਰਤੀ ਜਨਤਾ ਪਾਰਟੀ ਦੀ ਅਗਵਾਈ ਵਾਲੇ ਤੇ ਅਕਾਲੀ ਦਲ ਦੀ ਸ਼ਮੂਲੀਅਤ ਵਾਲੇ ਐਨਡੀਏ ਗਠਜੋੜ ਦੀ ਹਾਲਤ ਪਤਲੀ ਦਿਖਾਈ ਦੇ ਰਹੀ ਹੈ। ਸਰਵੇਖਣ ਮੁਤਾਬਕ ਪੰਜਾਬ ਵਿੱਚ ਯੂਪੀਏ ਹਿੱਸੇ ਇੱਕ ਹੀ ਸੀਟ ਆਈ ਹੈ। ਪਰ ਉੱਤਰ ਭਾਰਤ ਵਿੱਚ ਐਨਡੀਏ ਦੀ ਪਕੜ ਮਜ਼ਬੂਤ ਹੈ।

'ਆਪ' ਨੇ ਕਾਂਗਰਸ ਤੇ ਕਿਸੇ ਹੋਰ ਪਾਰਟੀ ਨਾਲ ਗਠਜੋੜ ਤੋਂ ਇਨਕਾਰ ਮਗਰੋਂ ਬਿਲਕੁਲ ਹਾਸ਼ੀਏ 'ਤੇ ਆ ਗਈ ਜਾਪਦੀ ਹੈ। ਹਾਲਾਂਕਿ, ਪੰਜਾਬ ਵਿੱਚ ਟਕਸਾਲੀ ਅਕਾਲੀ ਦਲ, ਸੁਖਪਾਲ ਖਹਿਰਾ ਦੀ ਨਵੀਂ ਪੀਈਪੀ, 'ਆਪ' ਤੇ ਡਾ. ਗਾਂਧੀ ਜਿਹੇ ਹੋਰਨਾਂ ਆਜ਼ਾਦ ਉਮੀਦਵਾਰਾਂ ਦਾ ਏਕਾ ਇਹ ਅੰਕੜੇ ਤਬਦੀਲ ਕਰ ਸਕਦਾ ਹੈ। ਉੱਧਰ, ਹਰਿਆਣਾ ਵਿੱਚ ਯੂਪੀਏ ਦੀ ਹਾਲਤ ਵਿੱਚ ਸੁਧਾਰ ਨਹੀਂ ਜਾਪ ਰਿਹਾ ਹੈ।