ਸ੍ਰੀ ਹੇਮਕੁੰਟ ਸਾਹਿਬ ਪੁੱਜੇ 42 ਹਜ਼ਾਰ ਤੋਂ ਵੱਧ ਸ਼ਰਧਾਲੂ

ਇੱਥੇ ਤਿਲ੍ਹਕਣ ਵੀ ਬਣੀ ਹੋਈ ਹੈ।

ਫੌਜ ਦੇ ਜਵਾਨ ਸ਼ਰਧਾਲੂਆਂ ਨੂੰ ਸਹਾਰਾ ਦੇ ਕੇ ਅੱਗੇ ਵਧਾ ਰਹੇ ਹਨ ਤੇ ਨਾਲ-ਨਾਲ ਬਰਫ਼ ਵੀ ਹਟਾ ਰਹੇ ਹਨ।

ਬਰਫ਼ 'ਤੇ ਚੱਲਣ ਕਰਕੇ ਸੰਗਤਾਂ ਡਿੱਗ ਵੀ ਰਹੀਆਂ ਹਨ ਪਰ ਹੌਸਲੇ ਤੇ ਗੁਰੂ ਘਰ ਦੀ ਸ਼ਰਧਾ ਵਿੱਚ ਕੋਈ ਘਾਟ ਨਹੀਂ।

ਸ਼ਰਧਾਲੂ ਤਿੰਨ ਕਿਮੀ ਦੇ ਰਾਹ 'ਤੇ ਗਲੇਸ਼ੀਅਰ ਤੋਂ ਹੋ ਕੇ ਗੁਜ਼ਰ ਰਹੇ ਹਨ।

ਸ੍ਰੀ ਹੇਮਕੁੰਟ ਸਾਹਿਬ ਜਾਣ ਵਾਲੀ ਸੰਗਤ ਨੂੰ ਇਸ ਵਾਰ ਕਾਫੀ ਮੁਸ਼ਕਲ ਪੇਸ਼ ਆ ਰਹੀ ਹੈ।

ਸਰੋਵਰ ਦੇ ਕੁਝ ਹਿੱਸੇ ਤੋਂ ਬਰਫ਼ ਹਟਾ ਕੇ ਇਸ਼ਨਾਨ ਕਰਨ ਜੋਗੀ ਥਾਂ ਬਣਾਈ ਗਈ ਹੈ। ਇੱਥੇ ਸ਼ਰਧਾਲੂ ਡੁਬਕੀ ਲਾਉਂਦੇ ਹਨ।

ਚਾਹੇ ਕਿੰਨੀ ਵੀ ਠੰਢ ਹੋਏ, ਪਵਿੱਤਰ ਸਰੋਵਰ ਵਿੱਚ ਇਸ਼ਨਾਲ ਕਰਨ ਨਾਲ ਸੰਗਤਾਂ ਦੇ ਚਿਹਰੇ ਖਿੜ੍ਹ ਉੱਠਦੇ ਹਨ।

ਪਹਿਲੀ ਜੂਨ ਨੂੰ ਇੱਥੋਂ ਦਾ ਤਾਪਮਾਨ ਇੱਕ ਡਿਗਰੀ ਦੇ ਕਰੀਬ ਸੀ ਪਰ ਇਸ ਦੇ ਬਾਵਜੂਦ ਸੈਂਕੜੇ ਦੀ ਗਿਣਤੀ ਸੰਗਤਾਂ ਨੇ ਬਰਫ਼ ਨਾਲ ਭਰੇ ਸਰੋਵਰ ਵਿੱਚ ਇਸ਼ਨਾਨ ਕੀਤਾ।

ਹੁਣ ਤਕ 42 ਹਜ਼ਾਰ ਤੋਂ ਵੱਧ ਸ਼ਰਧਾਲੂ ਗੁਰਦੁਆਰਾ ਸਾਹਿਬ ਦੇ ਦਰਸ਼ਨ ਕਰ ਚੁੱਕੇ ਹਨ। ਇਸ ਵਾਰ ਸਰੋਵਰ ਬਰਫ਼ ਨਾਲ ਭਰਿਆ ਹੈ ਪਰ ਸੰਗਤ ਸਰੋਵਰ ਵਿੱਚ ਇਸ਼ਨਾਨ ਜ਼ਰੂਰ ਕਰਦੀ ਹੈ।

ਜ਼ਿਆਦਾ ਬਰਫ਼ ਹੋਣ ਕਰਕੇ ਸ੍ਰੀ ਹੇਮਕੁੰਟ ਮੈਨੇਜਮੈਂਟ ਟਰੱਸਟ ਵੱਲੋਂ 25 ਮਈ ਦੀ ਬਜਾਏ ਪਹਿਲੀ ਜੂਨ ਨੂੰ ਗੁਰਦੁਆਰਾ ਸਾਹਿਬ ਦੇ ਕਿਵਾੜ ਖੋਲ੍ਹੇ ਗਏ ਸੀ।

ਤਿਲ੍ਹਕਣ ਹੋਣ ਕਰਕੇ ਸੰਗਤਾਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਵੀ ਕਰਨਾ ਪੈ ਰਿਹਾ ਹੈ। ਇਸ ਵਾਰ ਸਭ ਤੋਂ ਜ਼ਿਆਦਾ ਬਰਫ਼ ਹੋਣ ਦੇ ਬਾਵਜੂਦ ਵੱਡੀ ਗਿਣਤੀ ਸੰਗਤ ਇੱਥੇ ਪਹੁੰਚ ਰਹੀ ਹੈ।

ਸਮੁੰਦਰੀ ਤਲ ਤੋਂ 15,200 ਫੁੱਟ ਦੀ ਉਚਾਈ 'ਤੇ ਪੈਦਲ ਜਾਂਦੀ ਸੰਗਤ ਦੋਵਾਂ ਪਾਸੇ ਖੜ੍ਹੀਆਂ ਬਰਫ਼ ਦੀਆਂ ਕਰੀਬ 10 ਫੁੱਟ ਉੱਚੀਆਂ ਕੰਧਾਂ ਵਿੱਚੋਂ ਹੋ ਕੇ ਗੁਜ਼ਰ ਰਹੀ ਹੈ।

ਹਿਮਾਲਿਆ ਦੀਆਂ ਪਹਾੜੀਆਂ ਵਿੱਚ ਬਿਰਾਜਮਾਨ ਸ੍ਰੀ ਹੇਮਕੁੰਟ ਸਰੋਵਰ ਪੂਰੀ ਤਰ੍ਹਾਂ ਬਰਫ਼ ਨਾਲ ਢੱਕਿਆ ਹੋਇਆ ਹੈ।

ਚੰਡੀਗੜ੍ਹ: ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਵੱਲੋਂ ਕੀਤੇ ਗਏ ਤਪ ਵਾਲੇ ਅਸਥਾਨ ਸ੍ਰੀ ਹੇਮਕੁੰਟ ਸਾਹਿਬ ਦੇ ਦਰਸ਼ਨਾਂ ਲਈ ਰੋਜ਼ਾਨਾ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸੰਗਤ ਪਹੁੰਚ ਰਹੀ ਹੈ।