ਸ਼ਿਵ ਭਗਤਾਂ ਲਈ 19 ਜਨਵਰੀ ਦਾ ਦਿਨ ਕਿਉਂ ਹੈ ਖਾਸ, ਜਾਣੋ

pradosh vrat: ਹਿੰਦੂ ਧਰਮ ਵਿੱਚ ਪ੍ਰਦੋਸ਼ ਵ੍ਰਤ ਦਾ ਵੱਖਰਾ ਮਹੱਤਵ ਹੈ। ਜਿਹੜੇ ਲੋਕ ਭਗਵਾਨ ਸ਼ਿਵ ਦੀ ਪੂਜਾ ਕਰਦੇ ਹਨ ਉਹ ਪ੍ਰਦੋਸ਼ ਵ੍ਰਤ ਜ਼ਰੂਰ ਰੱਖਦੇ ਹਨ। ਇਸ ਵਾਰ ਪ੍ਰਦੋਸ਼ ਵ੍ਰਤ ਵੀਰਵਾਰ, 19 ਜਨਵਰੀ, 2023 ਨੂੰ ਰੱਖਿਆ ਜਾਵੇਗਾ।

ਪ੍ਰਦੋਸ਼ ਵਰਤ

pradosh vrat: ਹਿੰਦੂ ਧਰਮ ਵਿੱਚ ਪ੍ਰਦੋਸ਼ ਵ੍ਰਤ ਦਾ ਵੱਖਰਾ ਮਹੱਤਵ ਹੈ। ਜਿਹੜੇ ਲੋਕ ਭਗਵਾਨ ਸ਼ਿਵ ਦੀ ਪੂਜਾ ਕਰਦੇ ਹਨ ਉਹ ਪ੍ਰਦੋਸ਼ ਵ੍ਰਤ ਜ਼ਰੂਰ ਰੱਖਦੇ ਹਨ। ਇਸ ਵਾਰ ਪ੍ਰਦੋਸ਼ ਵ੍ਰਤ ਵੀਰਵਾਰ, 19 ਜਨਵਰੀ, 2023 ਨੂੰ ਰੱਖਿਆ ਜਾਵੇਗਾ।

ਪੌਰਾਣਿਕ ਮਾਨਤਾਵਾਂ ਦੇ ਅਨੁਸਾਰ, ਜਦੋਂ ਪ੍ਰਦੋਸ਼ ਵਰਤ ਵੀਰਵਾਰ ਨੂੰ ਆਉਂਦਾ ਹੈ, ਤਾਂ ਇਹ ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਵਰਤ ਰੱਖਣ ਵਾਲਿਆਂ ਨੂੰ ਆਪਣੇ ਦੁਸ਼ਮਣਾਂ ਤੋਂ ਮੁਕਤੀ ਮਿਲਦੀ ਹੈ। ਜੀਵਨ ਵਿੱਚ ਖੁਸ਼ਹਾਲੀ ਆਉਂਦੀ ਹੈ। ਇਸ ਵਰਤ ਨੂੰ ਸਹੀ ਢੰਗ ਨਾਲ ਪੂਰਾ ਕਰਨ ਨਾਲ ਵਿਆਹੁਤਾ ਜੀਵਨ ਵਿੱਚ ਪਿਆਰ ਬਣਿਆ ਰਹਿੰਦਾ ਹੈ।

ਇਹ ਵੀ ਪੜ੍ਹੋ: ਕੈਬਨਿਟ ਮੰਤਰੀ ਹਰਪਾਲ ਚੀਮਾ ਨੇ ਮੋਗਾ ਅਦਾਲਤ 'ਚ ਭੁਗਤੀ ਪੇਸ਼ੀ, ਸਾਬਾਕਾ ਵਿਧਾਇਕ 'ਤੇ ਪੈਸੇ ਹੜੱਪਣ ਦੇ ਲਾਏ ਸੀ ਦੋਸ਼

ਇੰਨਾ ਹੀ ਨਹੀਂ ਇਹ ਵਰਤ ਵਿਆਹ ਨਾਲ ਜੁੜੀਆਂ ਰੁਕਾਵਟਾਂ ਨੂੰ ਦੂਰ ਕਰਨ ਵਾਲਾ ਮੰਨਿਆ ਜਾਂਦਾ ਹੈ। ਇਹ ਵਰਤ ਹਿੰਦੂ ਧਰਮ ਦੇ ਸਾਰੇ ਵਰਤਾਂ ਵਿੱਚ ਵਿਸ਼ੇਸ਼ ਹੈ। ਪ੍ਰਦੋਸ਼ ਵਰਤ ਚੰਦ੍ਰ ਮਹੀਨੇ ਦੇ 13ਵੇਂ ਦਿਨ ਭਾਵ ਤ੍ਰਿਯੋਦਸ਼ੀ ਨੂੰ ਮਨਾਇਆ ਜਾਂਦਾ ਹੈ। ਹਰ ਮਹੀਨੇ 2 ਪ੍ਰਦੋਸ਼ ਵਰਤ ਹੁੰਦੇ ਹਨ ਹੁਣ ਅਸੀਂ ਤੁਹਾਨੂੰ ਪ੍ਰਦੋਸ਼ ਵਰਤ ਨਾਲ ਜੁੜੇ ਕੁਝ ਨਿਯਮ ਬਾਰੇ ਦੱਸਦੇ ਹਾਂ।

ਗੁਰੂ ਪ੍ਰਦੋਸ਼ ਵਰਤ ਦੇ ਨਿਯਮ 

• ਇਸ ਦਿਨ, ਸ਼ਰਧਾਲੂਆਂ ਨੂੰ ਬ੍ਰਹਮ ਮੁਹੂਰਤ ਤੋਂ ਪਹਿਲਾਂ ਜਾਂ ਸੂਰਜ ਚੜ੍ਹਨ ਤੋਂ ਪਹਿਲਾਂ ਸਵੇਰੇ ਜਲਦੀ ਉੱਠਣਾ ਚਾਹੀਦਾ ਹੈ ਅਤੇ ਜਲਦੀ ਇਸ਼ਨਾਨ ਕਰਨਾ ਚਾਹੀਦਾ ਹੈ। 
• ਇਸ਼ਨਾਨ ਤੋਂ ਬਾਅਦ ਸਾਫ਼ ਕੱਪੜੇ ਪਾਉਣੇ ਅਤੇ ਭੋਲੇਨਾਥ ਦਾ ਨਾਮ ਜੱਪਣਾ ਚਾਹੀਦਾ ਹੈ। 
• ਭਗਵਾਨ ਸ਼ਿਵ ਦੇ ਮੰਤਰ 'ਓਮ ਨਮਹ ਸ਼ਿਵੇ' ਦਾ ਜਾਪ ਕਰਦੇ ਸਮੇਂ ਸ਼ਿਵ ਨੂੰ ਜਲ ਚੜ੍ਹਾਉਣਾ ਚਾਹੀਦਾ ਹੈ। 
• ਪ੍ਰਦੋਸ਼ ਵ੍ਰਤ ਦੇ ਦਿਨ ਬ੍ਰਹਮਚਾਰੀ ਨਿਯਮਾਂ ਦਾ ਪਾਲਣ ਕਰਨਾ ਚਾਹੀਦਾ ਹੈ।ਇਸ ਦੇ ਨਾਲ ਹੀ, ਭੋਜਨ ਨਹੀਂ ਖਾਣਾ ਚਾਹੀਦਾ।
• ਮੀਟ, ਸ਼ਰਾਬ, ਪਿਆਜ਼, ਲਸਣ ਜਾਂ ਹੋਰ ਤਾਮਸਿਕ ਭੋਜਨ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ।
• ਤੰਬਾਕੂ ਅਤੇ ਸ਼ਰਾਬ ਤੋਂ ਵੀ ਦੂਰ ਰਹਿਣਾ ਹੁੰਦਾ ਹੈ।ਸਾਰਾ ਦਿਨ ਵਰਤ ਰੱਖਣ ਤੋਂ ਬਾਅਦ, ਸੂਰਜ ਡੁੱਬਣ ਤੋਂ ਇੱਕ ਘੰਟਾ ਪਹਿਲਾਂ, ਇਸ਼ਨਾਨ ਕਰਕੇ ਚਿੱਟੇ ਕੱਪੜੇ ਪਾਉਣੇ ਚਾਹੀਦੇ ਹਨ।
• ਪੂਜਾ ਵਾਲੀ ਥਾਂ ਨੂੰ ਗੰਗਾ ਜਲ ਨਾਲ ਸਾਫ਼ ਕਰਨਾ ਚਾਹੀਦਾ ਹੈ ਅਤੇ ਪ੍ਰਦੋਸ਼ ਦੇ ਸਮੇਂ ਵਿੱਚ ਪੂਜਾ ਸ਼ੁਰੂ ਕਰਨੀ ਚਾਹੀਦੀ ਹੈ।
• ਇਸ ਦਿਨ ਆਪਣੇ ਆਪ ਨੂੰ ਝਗੜਿਆਂ ਤੋਂ ਦੂਰ ਰੱਖਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।ਦਿਨ ਵਿੱਚ ਜਿੰਨੀ ਵਾਰ ਹੋ ਸਕੇ ‘ਓਮ ਨਮਹ ਸ਼ਿਵੇ’ ਦਾ ਜਾਪ ਕਰਨਾ ਚਾਹੀਦਾ ਹੈ।

ਪ੍ਰਦੋਸ਼ ਵਰਤ ਦੀ ਵਿਧੀ

• ਪ੍ਰਦੋਸ਼ ਵਰਤ ਨੂੰ ਘੱਟ ਤੋਂ ਘੱਟ ਗਿਆਰਾਂ ਜਾਂ 26 ਤ੍ਰਿਯੋਦਸ਼ੀਆਂ ਤੱਕ ਰੱਖਿਆ ਜਾਂਦਾ ਹੈ।
• ਇਸ ਤੋਂ ਬਾਅਦ ਵਰਤ ਦਾ ਉਦਯਾਪਨ ਕਰਨਾ ਚਾਹੀਦਾ ਹੈ।
• ਵਰਤ ਦਾ ਉਦਯਾਪਨ ਤ੍ਰਿਯੋਦਸ਼ੀ ਦੀ ਤਰੀਕ ਨੂੰ ਹੀ ਕਰਨਾ ਚਾਹੀਦਾ ਹੈ।
• ਜਿਸ ਦਿਨ ਉਦਯਾਪਨ ਹੋਵੇ ਉਸ ਦਿਨ ਹਵਨ ਜ਼ਰੂਰ ਕਰਨਾ ਚਾਹੀਦਾ ਹੈ।ਇਸ ਦੇ ਨਾਲ ਹੀ 'ਓਮ ਉਮਾ ਸਾਹਿਤ ਸ਼ਿਵਾਯ ਨਮਹ' ਮੰਤਰ ਦਾ ਹਵਨ ਵੇਲੇ 108 ਵਾਰ ਜਾਪ ਕਰਨਾ ਚਾਹੀਦਾ ਹੈ।