(Source: ECI/ABP News)
Commonwealth Games 2022: ਭਾਰਤ ਦੀਆਂ ਉਮੀਦਾਂ ਨੂੰ ਲੱਗਿਆ ਝਟਕਾ, ਸਪਰਿੰਟਰ ਧਨਲਕਸ਼ਮੀ ਦਾ ਡੋਪ ਟੈਸਟ ਪੌਜ਼ਟਿਵ, ਨਹੀਂ ਜਾ ਸਕੇਗੀ ਬਰਮਿੰਘਮ
CWG 2022: ਭਾਰਤ ਦੀ ਸਟਾਰ ਦੌੜਾਕ ਧਨਲਕਸ਼ਮੀ ਦਾ ਡੋਪ ਟੈਸਟ ਪਾਜ਼ੇਟਿਵ ਆਇਆ ਹੈ। ਇਸ ਕਾਰਨ ਭਾਰਤੀ ਅਥਲੈਟਿਕ ਟੀਮ ਦੇ 4x100 ਮੀਟਰ ਰਿਲੇਅ ਵਿੱਚ ਤਮਗਾ ਜਿੱਤਣ ਦੀਆਂ ਸੰਭਾਵਨਾਵਾਂ ਬੇਹੱਦ ਘੱਟ ਹੋ ਗਈਆਂ ਹਨ।
Commonwealth Games 2022: ਬਰਮਿੰਘਮ ਵਿੱਚ ਹੋਣ ਵਾਲੀਆਂ ਰਾਸ਼ਟਰਮੰਡਲ ਖੇਡਾਂ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਭਾਰਤ ਨੂੰ ਵੱਡਾ ਝਟਕਾ ਲੱਗਾ ਹੈ। ਭਾਰਤ ਦੀ ਸਟਾਰ ਦੌੜਾਕ ਧਨਲਕਸ਼ਮੀ ਦਾ ਡੋਪ ਟੈਸਟ ਪਾਜ਼ੇਟਿਵ ਆਇਆ ਹੈ। ਇਸ ਕਾਰਨ ਭਾਰਤੀ ਅਥਲੈਟਿਕ ਟੀਮ ਦੇ 4x100 ਮੀਟਰ ਰਿਲੇਅ ਵਿੱਚ ਤਮਗਾ ਜਿੱਤਣ ਦੀਆਂ ਸੰਭਾਵਨਾਵਾਂ ਬੇਹੱਦ ਘੱਟ ਹੋ ਗਈਆਂ ਹਨ। ਧਨਲਕਸ਼ਮੀ ਨੇ ਪਿਛਲੇ ਸਾਲ 100 ਮੀਟਰ ਦੌੜ 'ਚ ਦੁਤੀ ਚੰਦ ਨੂੰ ਹਰਾ ਕੇ ਖੂਬ ਵਾਹ-ਵਾਹ ਖੱਟੀ ਸੀ। ਇਸ ਤੋਂ ਇਲਾਵਾ ਧਨਲਕਸ਼ਮੀ ਨੇ ਪਿਛਲੇ ਮਹੀਨੇ 200 ਮੀਟਰ 'ਚ ਵੀ ਹਿਮਾ ਦਾਸ ਨੂੰ ਹਰਾਇਆ ਹੈ।
ਸਾਹਮਣੇ ਆਈ ਜਾਣਕਾਰੀ ਅਨੁਸਾਰ ਏਆਈਯੂ ਵੱਲੋਂ ਡੋਪ ਟੈਸਟ ਲਈ ਧਨਲਕਸ਼ਮੀ ਦਾ ਸੈਂਪਲ ਲਿਆ ਗਿਆ ਸੀ। ਧਨਲਕਸ਼ਨੀ ਦੇ ਨਮੂਨੇ ਵਿੱਚ ਸਟੀਰੌਇਡ ਪਾਏ ਗਏ ਹਨ। ਇਸ ਕਾਰਨ ਧਨਲਕਸ਼ਮੀ 'ਤੇ ਫਿਲਹਾਲ ਪਾਬੰਦੀ ਲਗਾ ਦਿੱਤੀ ਗਈ ਹੈ ਅਤੇ ਉਹ ਰਾਸ਼ਟਰਮੰਡਲ ਖੇਡਾਂ 'ਚ ਹਿੱਸਾ ਨਹੀਂ ਲੈ ਸਕੇਗੀ। ਇਸ ਤੋਂ ਇਲਾਵਾ ਧਨਲਕਸ਼ਮੀ 'ਤੇ ਯੁਗੇਨ 'ਚ ਚੱਲ ਰਹੀ ਵਿਸ਼ਵ ਚੈਂਪੀਅਨਸ਼ਿਪ 'ਚ ਹਿੱਸਾ ਲੈਣ 'ਤੇ ਵੀ ਪਾਬੰਦੀ ਲਗਾਈ ਗਈ ਹੈ।
ਇਸ ਸ਼੍ਰੇਣੀ ਵਿੱਚ ਵੀ ਹਿੱਸਾ ਲੈਣਾ ਸੀ
ਧਨਲਕਸ਼ਮੀ ਨੇ ਪਿਛਲੇ ਸਾਲ ਭਾਰਤ ਲਈ ਟੋਕੀਓ ਓਲੰਪਿਕ ਵਿੱਚ ਵੀ ਹਿੱਸਾ ਲਿਆ ਸੀ। 400 ਮੀਟਰ ਰਿਲੇਅ ਦੌੜ ਵਿੱਚ ਧਨਲਕਸ਼ਮੀ ਹਿਮਾ ਦਾਸ ਅਤੇ ਦੁਤੀ ਚੰਦ ਦੇ ਨਾਲ ਟੀਮ ਵਿੱਚ ਸ਼ਾਮਲ ਸੀ। ਧਨਲਕਸ਼ਮੀ ਭਾਰਤ ਤੋਂ ਰਾਸ਼ਟਰਮੰਡਲ ਖੇਡਾਂ 'ਚ 100 ਮੀਟਰ ਵਰਗ 'ਚ ਰਿਲੇਅ ਦੌੜ ਤੋਂ ਇਲਾਵਾ ਹਿੱਸਾ ਲੈਣ ਜਾ ਰਹੀ ਸੀ।
ਮੀਡੀਆ ਰਿਪੋਰਟਾਂ ਮੁਤਾਬਕ ਧਨਲਕਸ਼ਮੀ ਵਿਸ਼ਵ ਚੈਂਪੀਅਨਸ਼ਿਪ 'ਚ ਹਿੱਸਾ ਲੈਣ ਲਈ ਅਮਰੀਕਾ ਨਹੀਂ ਰਵਾਨਾ ਹੋਈ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਚੈਂਪੀਅਨਸ਼ਿਪ ਦੇ ਪ੍ਰਬੰਧਕਾਂ ਨੇ ਧਨਲਕਸ਼ਮੀ ਦਾ ਨਾਂ ਹਟਾ ਦਿੱਤਾ ਹੈ। ਇਸ ਦੇ ਨਾਲ ਹੀ ਇਹ ਵੀ ਸਪੱਸ਼ਟ ਹੋ ਗਿਆ ਹੈ ਕਿ ਡੋਪ ਟੈਸਟ 'ਚ ਪਾਜ਼ੀਟਿਵ ਪਾਏ ਜਾਣ ਕਾਰਨ ਧਨਲਕਸ਼ਮੀ ਨੂੰ ਵਿਸ਼ਵ ਚੈਂਪੀਅਨਸ਼ਿਪ 'ਚ ਹਿੱਸਾ ਨਹੀਂ ਲੈਣ ਦਿੱਤਾ ਗਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
