ਜਦ ਖੇਡ ਬਣ ਗਈ ਖੌਫਨਾਕ

ਕ੍ਰਿਕਟ ਦੀ ਖੇਡ ਨੂੰ 'ਜੈਂਟਲਮੈਨਸ ਗੇਮ' ਕਿਹਾ ਜਾਂਦਾ ਹੈ। ਪਰ ਕ੍ਰਿਕਟ ਖੇਡਦੇ ਖਿਡਾਰੀ ਕਦੀ ਵੀ ਸੱਟਾਂ ਤੋਂ ਦੂਰ ਨਹੀਂ ਰਹਿੰਦੇ। ਕ੍ਰਿਕਟ ਖੇਡਦੇ ਕੁਝ ਖਿਡਾਰੀਆਂ ਨੇ ਜਿਥੇ ਗੰਭੀਰ ਸੱਟਾਂ ਦਾ ਸਾਹਮਣਾ ਕੀਤਾ ਉਥੇ ਹੀ ਕੁਝ ਖਿਡਾਰੀਆਂ ਨੂੰ ਜਾਨ ਤਕ ਗਵਾਉਣੀ ਪਈ।

ਇੰਗਲੈਂਡ 'ਚ ਕਾਉਂਟੀ ਕ੍ਰਿਕਟ ਖੇਡ ਰਹੇ ਆਸਟ੍ਰੇਲੀਆਈ ਖਿਡਾਰੀ ਮੌਈਜਜ਼ ਹੈਨਰੀਕੇਜ਼ ਬੁਰੀ ਤਰ੍ਹਾ ਜ਼ਖਮੀ ਹੋ ਗਏ। ਮੈਚ ਦੌਰਾਨ ਬਰਨਸ ਨਾਲ ਹੋਈ ਟੱਕਰ ਨਾਲ ਹੈਨਰੀਕੇਜ਼ ਨੂੰ ਗੰਭੀਰ ਸੱਟਾਂ ਲੱਗੀਆਂ। ਸਰ੍ਰੀ ਅਤੇ ਸਸੈਕਸ ਵਿਚਾਲੇ ਖੇਡੇ ਗਏ ਕਾਉਂਟੀ ਮੈਚ 'ਚ ਇਹ ਘਟਨਾ ਵਾਪਰੀ। 18.4 ਓਵਰਾਂ ਦੀ ਖੇਡ ਤੋਂ ਬਾਅਦ ਵਿਕਟਕੀਪਰ ਰੋਰੀ ਬਰਨਸ ਅਤੇ ਮੌਈਜਜ਼ ਹੈਨਰੀਕੇਜ਼ ਇੱਕ ਕੈਚ ਲਪਕਣ ਲਈ ਭੱਜੇ। ਦੋਨਾ ਨੇ ਇੱਕ-ਦੂਜੇ ਦੀ ਕਾਲ ਨਹੀਂ ਸੁਣੀ ਅਤੇ ਨਤੀਜੇ ਵਜੋਂ ਦੋਨਾ 'ਚ ਟੱਕਰ ਹੋ ਗਈ। ਦੋਨੇ ਹੀ ਖਿਡਾਰੀ ਕੁਝ ਸਮੇਂ ਬੇਹੋਸ਼ੀ ਦੀ ਹਾਲਤ 'ਚ ਰਹੇ। ਟੱਕਰ ਦੌਰਾਨ ਬਰਨਸ ਦਾ ਗੋਡਾ ਹੈਨਰੀਕੇਜ਼ ਦੇ ਜਬਾੜੇ ਤੇ ਲੱਗਾ ਅਤੇ ਇਸੇ ਕਾਰਨ ਹੈਨਰੀਕੇਜ਼ ਨੂੰ ਜਾਦਾ ਨੁਕਸਾਨ ਹੋਇਆ। ਹੈਨਰੀਕੇਜ਼ ਨੂੰ ਸਟਰੈਚਰ ਤੇ ਮੈਦਾਨ ਤੋਂ ਬਾਹਰ ਲਿਜਾਇਆ ਗਿਆ, ਅਤੇ ਹਸਪਤਾਲ 'ਚ ਪਤਾ ਲੱਗਾ ਕਿ ਹੈਨਰੀਕੇਜ਼ ਨੂੰ ਜਬਾੜੇ 'ਚ 3 ਜਗ੍ਹਾ ਫਰੈਕਚਰ ਆਇਆ। ਟੱਕਰ ਇਨ੍ਹੀਂ ਗੰਭੀਰ ਸੀ ਕਿ ਅੰਪਾਇਰਸ ਨੇ ਮੈਚ ਰੱਦ ਕਰਨ ਦਾ ਫੈਸਲਾ ਲਿਆ।