IND vs SL Live Score: 162 ਦੇ ਸਕੋਰ 'ਤੇ ਡਿੱਗਿਆ ਸ੍ਰੀਲੰਕਾ ਦਾ ਸੱਤਵਾਂ ਵਿਕੇਟ, ਜਡੇਜਾ ਨੇ ਧਨੰਜੇ ਡੀ ਸਿਲਵਾ ਨੂੰ ਭੇਜਿਆ ਪੈਵੇਲੀਅਨ
Asia Cup 2023, IND Vs SL Live Updates: ਭਾਰਤ ਅਤੇ ਸ਼੍ਰੀਲੰਕਾ ਵਿਚਾਲੇ ਖੇਡੇ ਜਾ ਰਹੇ ਮੈਚ ਬਾਰੇ ਅਪਡੇਟਸ ਪ੍ਰਾਪਤ ਕਰਨ ਲਈ ABP ਨਿਊਜ਼ ਨੂੰ ਫੋਲੋ ਕਰੋ।
Background
Asia Cup 2023, IND Vs SL Live Updates: ਅੱਜ ਸੁਪਰ ਫੋਰ ਦੇ ਮੈਚ ਵਿੱਚ ਟੀਮ ਇੰਡੀਆ ਦਾ ਮੁਕਾਬਲਾ ਸ਼੍ਰੀਲੰਕਾ ਨਾਲ ਹੋਣ ਜਾ ਰਿਹਾ ਹੈ। ਭਾਰਤ ਦੇ ਕੋਲ ਇਹ ਮੈਚ ਜਿੱਤ ਕੇ ਫਾਈਨਲ ਵਿੱਚ ਟਿਕਟ ਹਾਸਲ ਕਰਨ ਦਾ ਮੌਕਾ ਹੈ। ਹਾਲਾਂਕਿ ਭਾਰਤ ਅਤੇ ਸ਼੍ਰੀਲੰਕਾ ਵਿਚਾਲੇ ਹੋਣ ਵਾਲੇ ਮੈਚ 'ਤੇ ਵੀ ਮੀਂਹ ਦਾ ਖਤਰਾ ਮੰਡਰਾ ਰਿਹਾ ਹੈ। ਕੋਲੰਬੋ 'ਚ ਦੁਪਹਿਰ ਤੋਂ ਬਾਅਦ ਭਾਰੀ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ। ਮੀਂਹ ਕਾਰਨ ਟੀਮ ਇੰਡੀਆ ਦੇ ਖਿਡਾਰੀ ਲਗਾਤਾਰ ਤੀਜੇ ਦਿਨ ਮੈਦਾਨ 'ਤੇ ਉਤਰਨਗੇ। ਭਾਰਤ ਅਤੇ ਸ਼੍ਰੀਲੰਕਾ ਵਿਚਾਲੇ ਮੈਚ ਲਈ ਕੋਈ ਰਿਜ਼ਰਵ ਡੇਅ ਨਹੀਂ ਰੱਖਿਆ ਗਿਆ ਹੈ। ਜੇਕਰ ਇਹ ਮੈਚ ਮੀਂਹ ਕਾਰਨ ਪੂਰਾ ਨਹੀਂ ਹੁੰਦਾ ਹੈ ਤਾਂ ਦੋਵਾਂ ਟੀਮਾਂ ਵਿਚਾਲੇ 1-1 ਅੰਕ ਵੰਡਿਆ ਜਾਵੇਗਾ।
ਭਾਰਤ ਨੂੰ ਇਸ ਮੈਚ ਤੋਂ ਪਹਿਲਾਂ ਵੱਡਾ ਝਟਕਾ ਲੱਗਿਆ ਹੈ। ਸ਼੍ਰੇਅਸ ਅਈਅਰ ਸੱਟ ਕਾਰਨ ਸ਼੍ਰੀਲੰਕਾ ਖਿਲਾਫ ਮੈਚ ਖੇਡਣ ਲਈ ਉਪਲਬਧ ਨਹੀਂ ਹਨ। ਇਸ ਦਾ ਸਾਫ਼ ਮਤਲਬ ਹੈ ਕਿ ਈਸ਼ਾਨ ਕਿਸ਼ਨ ਪਲੇਇੰਗ 11 ਦਾ ਹਿੱਸਾ ਬਣੇ ਰਹਿਣਗੇ। ਕਿਸ਼ਨ ਨੂੰ ਪਾਕਿਸਤਾਨ ਖਿਲਾਫ ਬੱਲੇਬਾਜ਼ੀ ਦਾ ਮੌਕਾ ਨਹੀਂ ਮਿਲ ਸਕਿਆ ਸੀ। ਹਾਲਾਂਕਿ ਕੇਐੱਲ ਰਾਹੁਲ ਦੇ ਖੇਡਣ 'ਤੇ ਵੀ ਸ਼ੱਕ ਹੈ। ਰਾਹੁਲ ਪਾਕਿਸਤਾਨ ਖਿਲਾਫ ਸੈਂਕੜਾ ਖੇਡਣ ਤੋਂ ਬਾਅਦ ਕਾਫੀ ਥੱਕੇ ਨਜ਼ਰ ਆਏ। ਜੇਕਰ ਰਾਹੁਲ ਨੂੰ ਆਰਾਮ ਦਿੱਤਾ ਜਾਂਦਾ ਹੈ ਤਾਂ ਉਨ੍ਹਾਂ ਦੀ ਜਗ੍ਹਾ ਸੂਰਿਆਕੁਮਾਰ ਯਾਦਵ ਪਲੇਇੰਗ 11 ਦਾ ਹਿੱਸਾ ਬਣ ਸਕਦੇ ਹਨ।
ਲਗਾਤਾਰ ਤਿੰਨ ਦਿਨ ਮੈਦਾਨ 'ਤੇ ਰਹਿਣ ਕਾਰਨ ਟੀਮ ਇੰਡੀਆ ਦੇ ਤੇਜ਼ ਗੇਂਦਬਾਜ਼ੀ ਹਮਲੇ 'ਚ ਵੀ ਬਦਲਾਅ ਦੇਖਣ ਨੂੰ ਮਿਲ ਸਕਦਾ ਹੈ। ਜਸਪ੍ਰੀਤ ਬੁਮਰਾਹ ਨੂੰ ਵੀ ਆਰਾਮ ਦਿੱਤੇ ਜਾਣ ਦੀ ਸੰਭਾਵਨਾ ਹੈ। ਬੁਮਰਾਹ ਦੀ ਜਗ੍ਹਾ ਮੁਹੰਮਦ ਸ਼ਮੀ ਨੂੰ ਪਲੇਇੰਗ 11 'ਚ ਜਗ੍ਹਾ ਮਿਲ ਸਕਦੀ ਹੈ। ਜੇਕਰ ਸਿਰਾਜ ਨੂੰ ਵੀ ਆਰਾਮ ਦਿੱਤਾ ਜਾਂਦਾ ਹੈ ਤਾਂ ਮਸ਼ਹੂਰ ਕ੍ਰਿਸ਼ਣਾ ਪਲੇਇੰਗ 11 ਦਾ ਹਿੱਸਾ ਬਣ ਸਕਦੇ ਹਨ। ਕੁਲਦੀਪ ਯਾਦਵ ਹਾਲਾਂਕਿ ਸਪਿਨ ਗੇਂਦਬਾਜ਼ੀ ਦੇ ਇੰਚਾਰਜ ਬਣੇ ਰਹਿਣਗੇ। ਸਪਿਨ ਵਿਭਾਗ ਵਿੱਚ ਕਿਸੇ ਤਰ੍ਹਾਂ ਦੇ ਬਦਲਾਅ ਦੀ ਕੋਈ ਸੰਭਾਵਨਾ ਨਹੀਂ ਹੈ।
ਅਜਿਹੀ ਹੋ ਸਕਦੀ ਭਾਰਤ ਦੀ ਪਲੇਇੰਗ 11: ਰੋਹਿਤ ਸ਼ਰਮਾ (ਕਪਤਾਨ), ਸ਼ੁਭਮਨ ਗਿੱਲ, ਵਿਰਾਟ ਕੋਹਲੀ, ਈਸ਼ਾਨ ਕਿਸ਼ਨ, ਸੂਰਿਆਕੁਮਾਰ ਯਾਦਵ, ਹਾਰਦਿਕ ਪੰਡਯਾ, ਰਵਿੰਦਰ ਜਡੇਜਾ, ਕੁਲਦੀਪ ਯਾਦਵ, ਜਸਪ੍ਰੀਤ ਬੁਮਰਾਹ/ਮੁਹੰਮਦ ਸ਼ਮੀ, ਮੁਹੰਮਦ ਸਿਰਾਜ, ਸ਼ਾਰਦੁਲ ਠਾਕੁਰ।
IND vs SL Live: 162 ਦੇ ਸਕੋਰ 'ਤੇ ਸ੍ਰੀਲੰਕਾ ਦਾ ਡਿੱਗਿਆ ਸੱਤਵਾਂ ਵਿਕੇਟ, ਜਡੇਜਾ ਨੇ ਧਨੰਜੇ ਡੀ ਸਿਲਵਾ ਨੂੰ ਭੇਜਿਆ ਪੈਵੇਲੀਅਨ
IND vs SL Live: ਸ਼੍ਰੀਲੰਕਾ ਦੀ ਸੱਤਵਾਂ ਵਿਕਟ 38ਵੇਂ ਓਵਰ 'ਚ 162 ਦੇ ਸਕੋਰ 'ਤੇ ਡਿੱਗ ਗਿਆ। ਰਵਿੰਦਰ ਜਡੇਜਾ ਨੂੰ ਅਹਿਮ ਮੌਕੇ 'ਤੇ ਵਿਕਟ ਮਿਲੀ। ਧਨੰਜੈ ਡੀ ਸਿਲਵਾ 66 ਗੇਂਦਾਂ ਵਿੱਚ 41 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਹੁਣ ਦੁਨੀਥ ਵੇੱਲਾਲਾਗੇ ਅਤੇ ਮਹਿਸ਼ ਤਿਕਸ਼ਣਾ ਕ੍ਰੀਜ਼ 'ਤੇ ਹਨ।
IND vs SL Live: ਧਨੰਜੈ ਡੀ ਸਿਲਵਾ ਅਤੇ ਦੁਨਿਥ ਵੇੱਲਾਲਾਗੇ ਨੇ ਟੀਮ ਇੰਡੀਆ ਨੂੰ ਪਾਇਆ ਟੈਨਸ਼ਨ ਵਿੱਚ
IND vs SL Live: ਸ਼੍ਰੀਲੰਕਾ ਦਾ ਸਕੋਰ 35 ਓਵਰਾਂ 'ਚ 6 ਵਿਕਟਾਂ 'ਤੇ 154 ਦੌੜਾਂ ਹੈ। ਧਨੰਜੈ ਡੀ ਸਿਲਵਾ ਅਤੇ ਦੁਨਿਥ ਵੇੱਲਾਲਾਗੇ ਨੇ ਭਾਰਤੀ ਟੀਮ ਨੂੰ ਟੈਨਸ਼ਨ ਵਿੱਚ ਪਾ ਦਿੱਤਾ ਹੈ। ਦੋਵਾਂ ਨੇ ਸੱਤਵੀਂ ਵਿਕਟ ਲਈ 55 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਧਨੰਜੈ 40 ਅਤੇ ਵੇਲਾਲੇਜ 28 ਦੌੜਾਂ 'ਤੇ ਖੇਡ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
