6,6,6,6,6,6... ਆਸਟ੍ਰੇਲੀਆਈ ਬੱਲੇਬਾਜ਼ ਨੇ ਰਚਿਆ ਇਤਿਹਾਸ, 157 ਗੇਂਦਾਂ ਵਿੱਚ ਜੜੀਆਂ 229 ਦੌੜਾਂ, 15 ਚੌਕੇ ਤੇ 13 ਛੱਕੇ ਸ਼ਾਮਲ

ਇਸ ਮੈਚ 'ਚ ਬੱਲੇਬਾਜ਼ੀ ਕਰਦੇ ਹੋਏ ਉਸ ਨੇ 157 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 15 ਚੌਕਿਆਂ ਅਤੇ 13 ਛੱਕਿਆਂ ਦੀ ਮਦਦ ਨਾਲ 229 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਸ ਦਾ ਸਟ੍ਰਾਈਕ ਰੇਟ 145.85 ਰਿਹਾ। ਹਾਲਾਂਕਿ ਕਵੀਂਸਲੈਂਡ ਦੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਦਿਖਾਉਂਦੇ ਹੋਏ ਇਹ ਮੈਚ ਜਿੱਤ ਲਿਆ

sprots

Source : Abp Live

Sprots News: ਆਸਟ੍ਰੇਲੀਅਨ ਕ੍ਰਿਕਟ ਟੀਮ ਨੂੰ ਦੁਨੀਆ ਦੀ ਸਰਵੋਤਮ ਟੀਮ ਮੰਨਿਆ ਜਾਂਦਾ ਹੈ ਤੇ ਇਸ ਟੀਮ ਨੇ ਕਈ ਵਾਰ ਆਪਣੀ ਹਮਲਾਵਰਤਾ ਦਾ ਸਬੂਤ ਦਿੱਤਾ ਹੈ। ਆਸਟ੍ਰੇਲੀਆਈ ਟੀਮ ਸ਼ੁਰੂਆਤ ਤੋਂ ਹੀ ਬੱਲੇਬਾਜ਼ਾਂ ਨਾਲ ਭਰੀ ਹੋਈ ਹੈ ਤੇ ਉਨ੍ਹਾਂ ਦੇ ਬੱਲੇਬਾਜ਼ਾਂ ਨੇ ਇਕੱਲੇ ਹੀ ਮੈਚ ਦਾ ਨਤੀਜਾ ਬਦਲ ਦਿੱਤਾ ਹੈ।

ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੇ ਹੀ ਆਸਟ੍ਰੇਲੀਆਈ ਬੱਲੇਬਾਜ਼ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਨੇ ਆਪਣੀ ਬੱਲੇਬਾਜ਼ੀ ਨਾਲ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ। ਇੱਕ ਵਾਰ ਇਸ ਬੱਲੇਬਾਜ਼ ਨੇ ਇੱਕ ਪਾਰੀ ਵਿੱਚ ਵੀ ਟੀਮ ਤੋਂ ਵੱਧ ਦੌੜਾਂ ਬਣਾਈਆਂ ਸਨ। ਇਸ ਬੱਲੇਬਾਜ਼ ਨੇ ਆਪਣੀ ਬੱਲੇਬਾਜ਼ੀ ਦੌਰਾਨ ਸਾਰੇ ਵਿਰੋਧੀ ਗੇਂਦਬਾਜ਼ਾਂ ਨੂੰ ਬਰਾਬਰ ਕੁੱਟਿਆ ਸੀ।

ਜਿਸ ਆਸਟ੍ਰੇਲੀਆਈ ਬੱਲੇਬਾਜ਼ ਦੀ ਚਾਰੇ ਪਾਸੇ ਚਰਚਾ ਹੋ ਰਹੀ ਹੈ ਉਹ ਕੋਈ ਹੋਰ ਨਹੀਂ ਸਗੋਂ ਖੱਬੇ ਹੱਥ ਦੇ ਵਿਕਟਕੀਪਰ ਬੱਲੇਬਾਜ਼ ਬੇਨ ਡੰਕ ਹਨ। ਬੇਨ ਡੰਕ ਆਪਣੀ ਹਮਲਾਵਰ ਬੱਲੇਬਾਜ਼ੀ ਲਈ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਸੀ ਤੇ 2014 ਮੈਟਾਡੋਰ ਬੀਬੀਕਿਊ ਵਨ-ਡੇ ਕੱਪ ਵਿੱਚ ਤਸਮਾਨੀਆ ਲਈ ਖੇਡਦੇ ਹੋਏ, ਉਸਨੇ ਇੱਕ ਸ਼ਾਨਦਾਰ ਦੋਹਰਾ ਸੈਂਕੜਾ ਲਗਾਇਆ।

ਇਸ ਮੈਚ 'ਚ ਬੱਲੇਬਾਜ਼ੀ ਕਰਦੇ ਹੋਏ ਉਸ ਨੇ 157 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 15 ਚੌਕਿਆਂ ਅਤੇ 13 ਛੱਕਿਆਂ ਦੀ ਮਦਦ ਨਾਲ 229 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਸ ਦਾ ਸਟ੍ਰਾਈਕ ਰੇਟ 145.85 ਰਿਹਾ। ਹਾਲਾਂਕਿ ਕਵੀਂਸਲੈਂਡ ਦੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਦਿਖਾਉਂਦੇ ਹੋਏ ਇਹ ਮੈਚ ਜਿੱਤ ਲਿਆ ਪਰ ਬੇਨ ਡੰਕ ਨੂੰ ਉਸ ਦੀ ਇਸ ਪਾਰੀ ਲਈ ਮੈਨ ਆਫ ਦਾ ਮੈਚ ਦਾ ਐਵਾਰਡ ਦਿੱਤਾ ਗਿਆ।

ਆਸਟ੍ਰੇਲੀਆਈ ਟੀਮ ਦੇ ਵਿਕਟਕੀਪਰ ਬੱਲੇਬਾਜ਼ ਬੇਨ ਡੰਕ ਦੇ ਕ੍ਰਿਕਟ ਕਰੀਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦਾ ਅੰਤਰਰਾਸ਼ਟਰੀ ਕ੍ਰਿਕਟ ਕਰੀਅਰ ਬਹੁਤ ਛੋਟਾ ਸੀ ਪਰ ਉਸਦਾ ਸਮੁੱਚਾ ਕਰੀਅਰ ਬਹੁਤ ਸ਼ਾਨਦਾਰ ਰਿਹਾ ਹੈ। ਉਸਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਵਿੱਚ ਸਿਰਫ 5 ਟੀ-20 ਮੈਚ ਖੇਡੇ ਹਨ ਅਤੇ ਇਸ ਵਿੱਚ ਉਸਨੇ ਕੁੱਲ 99 ਦੌੜਾਂ ਬਣਾਈਆਂ ਹਨ।

ਉਸਨੇ ਆਪਣੇ ਕਰੀਅਰ ਵਿੱਚ ਖੇਡੇ ਗਏ 44 ਲਿਸਟ ਏ ਮੈਚਾਂ ਦੀਆਂ 44 ਪਾਰੀਆਂ ਵਿੱਚ 33.67 ਦੀ ਔਸਤ ਅਤੇ 87.46 ਦੀ ਸਟ੍ਰਾਈਕ ਰੇਟ ਨਾਲ 1347 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਸ ਨੇ 3 ਵਾਰ ਸੈਂਕੜੇ ਵਾਲੀ ਪਾਰੀ ਅਤੇ 6 ਵਾਰ ਅਰਧ ਸੈਂਕੜੇ ਵਾਲੀ ਪਾਰੀ ਖੇਡੀ ਹੈ। ਇਸ ਦੌਰਾਨ ਉਸ ਦਾ ਸਰਵੋਤਮ ਸਕੋਰ 229 ਦੌੜਾਂ ਰਿਹਾ ਹੈ।